茴香 (已結業)

西泰混合菜，佈置休閒舒適，有私人房有露台，戶外都市景觀不俗，飲杯嘢都幾 chill!晚市套餐性價比合理，可以選擇三至五道菜，我覺得 $438 四道菜最適合今晚胃口，包括任食沙律吧、湯、前菜及主菜。沙律吧最喜歡這個沙律吧，貴精不貴多，三款沙律包括羅馬沙律、香橙鴨胸沙律、茴香雞肉沙律，四款水果有兩款蜜瓜、菠蘿及西瓜。另一方有芝士拼盤、加拿大雪場蟹腳、燈籠腸、三文魚脆脆、日式凍豆腐，欣賞芝士拼盤備以提子、果仁及脆餅之配搭，是真正識得食！是日餐湯南瓜忌廉湯，以黑醋汁點綴增視覺效果，味道非常濃郁，適合重口味人仕.泰式香烤魔鬼魚賣相簡單，但不失魔鬼魚外脆內滑的特色。椰香紅咖喱軟殼蟹配烤餅咖哩都唔錯，所以汁內的薯仔最好食；烤餅脆如餅乾，軟殼蟹炸得通透。阿根廷紅蝦扁意粉配青檸紅蝦他他有兩隻阿根廷紅蝦，意粉多配幾粒生蝦是個非常好主意；意粉醬汁味道非常濃郁，與餐湯一樣，適合重口味人士，我的同伴就非常鍾意。香煎加拿大豬鞍配黑梅醋汁黑梅醋汁唔錯，適當的酸度，成功平衡肉膩亦提味，豬鞍肉質不俗。

OpenRice book位。餐廳以WhatsApp形式再confirm到唔到。晚上7:30準時到達已坐滿人。嗰日係星期二，餐廳職員有禮安排座位，及介紹套餐。結果都叫咗套餐，雖然仲有其他嘢想試，未食已經決定下次再嚟😂個人覺得套餐10分抵食，又有沙律吧.餐湯.主菜.甜品同嘢飲。都係聽到介紹餐飲有百香果茶🥰同埋睇到隔離枱食嗰個冬陰功三文魚飯好好味。所以二話不說就決定食個套餐。而且仲要做緊優惠$400唔使。+1原價計加埋食咗$460左右。結果冇失望到🥰沙律吧雖然選擇不多，有生果有沙律菜，麵包乾，煙肉粒，幾款沙律汁。薯仔沙律。最出色係嗰個有冬陰功味嘅雞肉，仲有啲青瓜喺度，推介😋😋食食下，見到有人生日最好笑容嗰個店員捧住蛋糕唱生日歌，又幫手影相，轉頭隔離嗰台又有人生日相同一個店員又出嚟唱生日歌😂😂😂如是者聽咗三次生日歌。感覺好好笑好開心!另外仲有餐湯未講，一個係黑松露湯一個係冬陰功湯我哋每樣叫一個兩個都好好味。百香果茶唔太凍亦唔太甜啱飲。整體來講味道好吃價錢合理食物整得都好靚。下次一定會再來😊😊