炑八韓烤 (瓊華中心)

營業中

休息中

天寒地凍最啱就係食燒烤，見好耐冇黎炑八，又同朋友黎食。旺角分店係第一次黎，座位一貫闊落舒服。落完單，侍應就先上前菜， 沙律、 生菜同爐邊蛋，除左沙律之外，全部都係可以免費追。爐邊蛋雖然加左泡菜，但只係吊下味唔會辣，另一邊係芝士粟米，兩款都好食，我地encore左兩次。前菜方面，我就最鍾意海帶，清清涼涼食得太多肉食啲海帶冇咁滯。荔枝梳打 & 菠蘿梳打($38) – 梳打夠大杯，荔枝同菠蘿味都好出，入面仲有大大粒荔枝同菠蘿。芝士炸雞($158/半份)  - 炸雞有得揀有骨同無骨，我地揀左無骨方便食。芝士炸雞用鐵鑊上，上枱時仲係熱辣辣，芝士有拉絲，炸雞亦唔會太乾，不過就要盡快食，否則凍左芝士會變硬。原味牛舌($138) – 牛舌雖然唔係厚切，不過食落都幾彈口，燒到七成熟仲keep倒嫩口啱啱好。韓式豬皮配炒芝麻($78) – 燒豬皮係全晚其中一樣最愛，佢本身已經醃得入味，燒完嘅豬皮軟腍得黎帶少少咬口，好好食。特級牛肋骨($288) – 牛肋骨好大份，仲長過我隻前臂，肥瘦適中又冇筋，燒到七成熟，口感嫩腍幾好食。牛肋骨下面仲有大蝦、冬菇、南瓜。厚切五花腩($138) – 五花腩脂肪同肉梅花間竹，目

炑八的分店已經超過十間，窩夫與蝦子餅才第一次光顧，選擇了旺角瓊華的分店，星期六晚上的食客比預期中少。窩夫與蝦子餅還未點菜，店員已為我們準備無限添加的爐邊芝士泡菜蛋。第一次光顧，想試多些款式，於是點了二人用的「韓」冬豬肉海鮮套餐($468)。點菜後，店員很快便送來前菜和醬汁等。除了醬汁，還可以用海鹽來調味。烤肉前先吃點沙律。豬肉和海鮮以兩層架上桌。上層有韓式豬頸肉、大蝦、紫薯及芝士年糕條。下層則有人參蜂蜜芥末五花肉、特製護心肉和名品豬排骨。韓牛牛胸大醬湯的味道不錯。季節限定的柑橘特飲($32)。先燒大蝦，蝦身已去殼，吃起來十分方便。窩夫與蝦子餅特別喜歡人參蜂蜜芥末五花肉，爐邊的芝士粟米也好吃得要添食呢。

第一次試炑八，地方好大，但抽風系統麻麻，企係門口都聞到油煙味，冷氣唔夠凍，食食下都覺得熱最令人驚喜既係，前菜有好多款，而且味道都唔錯厚LA 骨 : 厚切，但好入味，脂肪分佈得好平均薄切生五花肉：切得超級薄，所以好快就熟，無加任何調味，食到豬肉平身既甜味溶岩芝士飯 : 泡菜粒飯，帶少少辣同咬口，飯比較痴身，無拉絲既效果菠蘿特飲 : 價錢比較貴$32，味道就無乜特別，飲落好清新整體上，成餐飯都好滿意，價錢合理，食物選擇多，員工都好有禮貌

現今香港越來越多韓國餐館，想吃韓國美食真的好方便。因為熱愛吃韓國美食的關係，物以類聚，自自然然身邊都有哈韓一族，要吃的話，真是一呼百應。哈韓族今晚選址在炑八韓烤，港九新界都有分店，今次就到最就腳的旺角分店。地方環境又大又舒適，又不會太大油煙味。韓烤主要都是吃烤肉，和韓國的烤肉店都一樣，也會提供沙律，而蘿蔔泡菜及生菜，都是可以無限添加的。炑八的鐵板是圓形的，除了可放烤肉之外，旁邊還放有芝士粟米、蛋漿泡菜及青辣椒蒜頭。當鐵板中間烤肉時，熱力能傳到旁邊，令到芝士慢慢溶掉及黏在一起，而蛋漿也能慢慢烤熟，當吃了很多烤肉時，便可以吃一點蛋減淡油膩感覺，又可以將溶了的芝士和烤肉一起吃，一塊鐵板多種吃法，非常貼心。而且，粟米芝士和蛋漿泡菜也可以無限添加的，非常抵食。點選了一個豬肉雜錦拼盤、醃牛柳肉及秘製雞肉。豬肉雜錦拼盤最初還以為豬肉雜錦拼盤份量不會太多，但原來有四種豬肉部分: 有五花腩、豬排骨、豬頸肉及梅頭肉。而且，肉質美味，五花腩脂肪度剛剛好，烤熟後，脂肪便消失，因此便不會出現太油膩或太乾的口感，非常美味。豬頸肉及梅頭肉也很爽口，烤熟後不會韌。豬排骨厚度適中，令客人容易控制去烤熟，不用烤太久便熟，

再次同chicken食炑八韓烤~yeah~自從上次食過尖沙咀果間之後，今次一見旺角新開張當然要黎捧場！我地又要變成食肉獸去不停食烤肉～環境唔錯都幾大，但比尖沙咀既細小小，坐位都幾多，因為早左黎所以我地可以坐卡位～同樣嗌左一個烤肉頂級二人套餐，肉既種類同尖沙咀既有啲分別，所以當然要試下睇下有咩唔同喇我地既烤板已經準備好了～等待期間就先食下前菜開開胃，有沙律同埋一啲泡菜小食蔬菜新鮮，配上胡麻醬，酸酸的好開胃，另外既小配菜唔單只就咁食，配合埋烤肉一齊食會更加美味我嗌左杯士多啤梨梳打，感覺有啲伏，好似藥水味唔太建議點既飲品炑八牛肋骨，牛味好重，而且燒得好香，兩人可以食到好多塊，加上其他配菜一齊食更加好食～厚切牛舌，厚得黎有點難咬開，因為CHICKEN中意食，所以好快比佢食晒XD牛小排，非常好食！經過一段時間既腌製，燒起左佢係非常香口～而且醬汁同牛既味道濃郁，配搭得極之好食～讚！大八爪魚，需要剪開腳黎燒，都幾殘忍XD八爪魚好煙韌，而且會食到微微既泡菜辣味厚切五花腩，用白蘿蔔片包住五花腩食會更加香口！依個食法係店員教的，蘿蔔片既爽脆又食到五花腩果種香口感，令原本既油膩感減至最少，味道更加昇華，實在