阿爺燒鵝餐室 (已結業)

自從男友搬去西灣河後，這也變成我經常出沒的地方。今晚口淡啖，就走咗去食燒味。呢間舖的掛起的燒臘都有透明玻璃（?）隔開，是比較新式的燒臘店，感覺整齊乾淨企理。坐低就叫個二人餐（$168），雙拼燒臘一碟、邪惡金蛋、油菜和兩份例湯或茶。雖然知道呢間舖燒鵝係招牌，不過可惜我對鵝敏感，所以無揀到，而揀咗切雞+叉燒。先上邪惡金蛋，看上去已經知道是炒滑蛋一碟，加上混合咸蛋黃的香味及口感，一試愛上~油菜是菜心，無渣。除咗蠔油，仲有少少炸蒜舖面，增添香味。拼盤擺放整齊，切雞是成隻脾切開上，自然啖啖肉。我好怕雞中間d骨見紅，不過呢度骨都無血紅且肉質嫩滑。叉燒一排半肥瘦，一排瘦叉。半肥瘦肉質鬆腍滑，味道適中，唔會太咸太甜。瘦叉就一定無半肥瘦咁正咁鬆，不過都唔算鞋。例湯是霸王花煲瘦肉雞腳，勁足料，清甜無味精，好味另外，我們用膳期間，聽到好多人叫乳豬，估計都係另一招牌。可惜我們叫餐時無留意原來拼盤可以揀乳豬，下次一定要試試

有日同朋友講開上次去太安樓食左D咩好野~佢話西灣河除左太安樓之外仲有間餐廳食燒鵝好正~勁愛燒鵝既老公聽到即刻話要去試下~係地鐵站行過黎好近，好易就搵到!我地6點去到入面都差唔多坐滿人!睇見真係檯檯都叫燒鵝咁滯，望下MENU二人餐都係百幾蚊，有飯有菜有燒味雙拼、有碟邪惡金蛋仲送野飲添!咁抵就即刻落單叫個二人餐!燒味雙併揀左必食既燒鵝再加叉燒~預岩燒鵝新鮮出爐~~超LUCKY!!!一試之下只係想講燒鵝果然係招牌菜!!燒鵝皮燒得皮薄且脆，鵝肉味道突出冇蘇味!表面油潤，皮下脂肪唔多，可以話係真材實料啖啖肉!老公食得超滿足!而鋪係底下既叉燒份量都好多，肥瘦均稱肉質軟淋唔會好似食柴皮咁!超讚油菜油菜除左蠔油之外仲加左炸蒜去增加香味~食落去唔會好似食草咁覺得好寡邪惡金蛋名乎其實的邪惡~而眾所周知通常邪惡既野就係最美味的~邪惡金蛋就係用左咸蛋黃黎炒雞蛋!諗都知有幾好味~咸蛋黃一粒粒同炒蛋混埋一齊~好香好惹味，撈飯食一流!邪惡得好滿足~~野飲我地叫左兩杯凍檸茶，一杯走甜一杯少甜，就當係稍稍降低我地既罪惡感吧~

行過西灣河，見到呢間食燒鵝既好多人排隊，晚餐時間又到，就試試佢啦。餐牌除左燒味都有常餐，而我地就見2人餐($168)都幾抵食就叫左!主打燒味二人套餐叫左必食燒鵝同燒腩加凍飲兩杯（唔使加錢好抵）我地好好彩遇到燒鵝新鮮出爐！燒鵝有好獨特既煙薰味，d皮燒到脆卜卜，夾住小小油脂食真係好邪惡！因為岩岩出爐，肉質好滑！燒肉方面，肥瘦平均，個皮都係整到好香口！另外跟餐既其他餸都唔錯。有咸蛋炒蛋（相機無save到張相）：蛋夠滑，加上少少蔥花，咸蛋味都好濃。油菜加左炸蒜，有心思。最出奇係跟餐粉麵竟然有得揀瀨粉，配燒味一流！

話說昨日晚上, 經過西灣河同筲箕灣交界. 見到呢間燒味舖門外仲有人排隊等攞外賣. 就入去睇下食下. 入面應該有40 個座位左右. 我自己叫咗個一人套餐 轉鵝油撈麵. 等咗十分鐘左右就上齊菜. 是日例湯係花生眉豆雞腳湯, 個湯渣都不小 比街邊嗰啲例湯有誠意得多！個油菜有驚喜, 火喉剛剛好,除咗蠔油之外亦加上大量嘅炸蒜, 口感幾好.燒腩仔到夜晚都仲有少少脆,燻蹄肉比較多,但係我都係比較鍾意食皮!與此同時我偷咗友人嗰啲叉燒食！ 本人感覺叉燒不俗比起灣仔再興嘅叉燒有過之而無不及. 鵝油撈麵, 面質彈牙又好香嘅鵝油味.係呢間餐廳我會强推鵝油撈麵同油菜

約了友人去西灣河打波，打完波去食晚餐。經過見到這間店，有很多人買外賣，我們又不想食太多，打完波嘛，又見這裡燒鵝好似好正，所以就在這裡食晚餐。內裡環境雖然不太大，但很光猛，感覺都很舒適，不會侷促。我們見二人餐抵食，又唔駛諗，就選擇了這個。二人餐有：雙拼燒味 (任選兩款)、邪惡金蛋、油菜、白飯及飲料。雙拼燒味，我們當然選擇了燒鵝及叉燒。燒鵝皮脆肉嫩，很香口；叉燒軟而多汁，好味 邪惡金蛋是雞蛋及咸蛋，很滑、很香，很惹味，送飯一流 可惜咸蛋真的很邪惡 ^_<油菜唔駛講當然好味啦！再送埋飲品，抵食