凱旋餐室

營業中

休息中

終於都到九月份過多兩個星期就係中秋節，一到呢啲日子就要買定月餅同屋企人做節，雖然天氣不似預期仲係咁熱，但係入夜後都有涼風送爽。今日一朝早就約咗兩個老朋友去香港仔打網球，南區真係好少去而且近排仲有一個新商場開幕，所以打完波都行咗一陣。由於大家都唔係住南區，所以差唔多傍晚時間我哋都一齊出返去灣仔食飯傾下偈，由於三個麻甩佬都鍾意去坐得舒服又夠地道既地方，所以異口同聲都話茶餐廳就最適合。喺灣仔雖然選擇好多，但平時去開嘅都係一兩間，一間係食燒春雞，而另一間就係平時中午約埋食Lunch嘅茶餐廳。餐廳位置正正喺燒春雞鋪下面，之前食過呢間鋪既炒粉麵，鑊氣相當夠而且燒味亦好新鮮，所以我哋入到去都坐返平時個位。因為有三個人所以今次可以食多少少嘢，餐牌上有套餐、有例牌而且亦有散叫，足足有成百幾款選擇，不過由於我呢排要Keep Fit比賽，所以今日淨係食少少算，最後我哋三個人點咗乾炒牛河同埋黑椒牛柳絲炒烏冬、叉燒同油雞例牌、兩杯凍飲同埋一碟油菜。同夥記傾咗幾句，星期日可能多數人去旅行或者返大陸，人流少左的，所以真係要繼續留港消費帶旺經濟。三個人一聚埋就好多野傾，食物大約十分鐘就已經陸續上枱啦~~~ 首先跟餐都

餐廳位於灣仔電車路，有兩個舖面新裝修。門牌很光亮，入面燈火明亮。透明玻璃，光線充足，坐位寬闊。早晨，午餐，西式飯意粉，常餐，下午茶，晚餐一應俱全，價錢大眾化，夠地道。晚市小菜好多選擇，又有滷水鵝，燒味。炒飯，碟頭飯非常多元化。5個人叫咗咕嚕肉，虎皮尖椒魚鬆，啫啫海鮮生菜，韭黃蝦仁炒蛋，油雞例牌。味道唔錯，份量足，夠鑊氣！送例湯，送熱飲。灣仔莊士敦道194-204號，灣仔商業中心地下港鐵灣仔站A3出口，行5分鐘左右