1987 Kitchen (已搬遷) 新店位置

元朗真係有好多臥虎藏龍嘅小店，呢間餐廳已經去過幾次，食過番尋味！ 今日同老公慶祝求婚紀念日 訂咗枱之後店主會親自WhatsApp confirm Booking 由於有啲趕時間所以我叫佢send餐牌我哋睇再即刻落order 黎到好快就有得食order set 首先送上前菜 係檸檬味分子料理😍！！竟然係元朗國有幸食到咁高級既前菜 ! 之後仲有包同沙律 配上paprika butter 同mustard cream 令平時唔食牛油既我都想食 麵包都整得好食黎到主菜啦！首先叫左加拿大豬鞍扒 有種入口即溶既鬆軟😭😭😭😭老公食左第一啖都嘖嘖稱奇！話第一次食咁好味既豬鞍 雖然醬汁唔多 但係我地寧願品嚐多d 肉肉鮮味 太多汁反而會蓋左 廚師做得好好然後叫左海鮮茄汁意粉 其實聽落好普通 冇咩期待 一黎到個賣相係超吸引！！！撒左芝士既蝦仲可以連殼食 老公又好中意闊條面口感🥳 值得一讚！最後我地忍唔住叫埋鎮店之寶焦糖燉蛋 甜品好sweet 又夠脆 好快食清光了 多謝廚師手字咁靚 祝福我地紀念日🥰好多謝你地！食物好高質 感受到廚師既一絲不苟 食物精緻又新鮮 而且服務好貼心細心 仲送即影即有相比我地留低咁好回

疫情盡量留在家中食飯，此乃舊相🔥澳洲草飼西冷 ($98抗爭價)🔥黑松露大菇意大利飯 ($78)🔥法式焦糖燉蛋 ($62)🔥熱朱古力 (餐加$10)西冷：個紋超靚🤤打卡一流！而佢嘅肉質唔鞋唔硬，配埋個汗真係😍😍義大利飯：個size超大🙈不論個菇定飯嘅size都好巨型😋不過略嫌個菇唔夠juicy，稍為有啲乾身，同埋啲飯食耐咗有啲dry，其他都好好。燉蛋：落咗order後佢會因應你食嘢嘅情況再問你上得燉蛋未，佢大約整5mins。焦糖唔苦，蛋好滑，可以一試🙈但注意佢都幾大件！

來1987慶祝生日🎂好在有訂位，當晚7:30現場所見，雖然得我地一枱，原來已被預訂晒，所以不能接Walk-in客，大家記得先預約。轉套餐，每位加32元先上餐前醒胃菜：分子料理-酸酸地，果味泡泡，好香，好好味。服務員稱，可免費升級做龍蝦湯🦞我們都喜歡的，當然說好啦。上菜前有詢問我們是否Share，他們安排得好好，前菜及主菜等我地食完一度，再上另一度，非常細心。先上：意大利芝士雲吞68元，好味道。再來：BBQ醬烤西班牙純種杜洛克豬肋排248元，份量足，大大件，肉質好，配菜有薯條及薯蓉份量十足，薯條好熱好脆，薯蓉好棉，加左芝士，好好味，其實食到呢度已經飽飽。最後：澳洲M5和牛肉眼320g 320元，配菜是薯片及蔬菜，件肉眼扒好靚，不知道是否廚師有細心地設計過，二份的伴碟都有不同，如果二份配菜都是薯條及薯蓉，就食會到膩及一定會食唔晒。甜品：法式焦糖燉蛋，事前Whats App告知要寫乜野內容，寫得好靚，法式焦糖燉蛋真的好好好好味，很喜歡餐飲；加左每杯10元，要左熱朱古力，拉花靚靚，二杯都不同花，睇到都開心。食物、出品、品質、服務... 都好好。

鋪面細細，曾任五星級酒店大廚的功架不容忽視，每道菜的分量和質素絕對對得住個價錢。平時餐廳的水都浸有檸檬和薄荷葉，這裡的水浸的，除了薄荷葉，還有士多啤梨，選擇比較特別，但喜歡士多啤梨的我表示，很不錯。酸酸味味，十分開胃，新鮮橙和檸檬打成的泡泡對胃部沒有半點負擔，用清新的口腔期待主菜。新鮮生菜脆卜卜，其他食材也十分新鮮，芝士刨得很薄但依然香味十足，微酸的醬汁分量剛剛好，又一開胃之選。很細心的牛油花，不用跟硬邦邦的牛油搏鬥，感覺真好，而我更喜愛Honey Mustard配麵包的味道，感覺是廚師自製的芝士被烤得香脆忌廉菠菜夾起時有拉絲效果，豐盈的口感，芝士和忌廉的香味在口中爆發，我第一次發現自己這麼喜歡吃菠菜超級好味!! 無論多飽都吃得下!! 肉質鮮嫩，牛味香濃，連著脂肪的地方香味更加濃郁。配上特制的香草忌廉醬汁後，頓時充滿異國風情香料味十分濃厚，不會到喉不到肺，一次過滿足兩種味覺享受，正過出奇蛋。旁邊的豆角起了很大作用，清淡鮮甜，洽好作為轉換味覺之用。露荀也煮得鮮甜多汁，可見配菜質素也十分到家枱枱都點漢堡包，很受歡迎呀真心做到英國吃到的感覺。麵包的質素很高，外皮香脆內裡鬆軟，BBQ Sauc

行經元朗b仔 發現有一間新開嘅西餐廳🤔餐廳面積唔算好大 但未到七點半已經坐爆人😯一坐低店員已經為我地提供水飲落竟然有啖啖士多啤梨🍓同香草味🌿真係好有驚喜👍🏻.叫完嘢食餐廳就奉上左一個前菜叫檸檬香橙泡泡 🍋🍊泡泡幼滑嘅質感 食落酸酸地非常開胃.我地叫左1987‘s海陸空餐 $338（+$32可以轉為套餐配餐湯或沙律及飲品）有半份波士頓龍蝦（海）同一份牛柳（陸）半隻法國春雞（空）個名夠晒有噱頭最值得一讚係波士頓龍蝦 食得出非常新鮮 蝦肉彈牙爽口 鮮味十足🤤牛柳食落稍為淡身 但配上餐廳秘製嘅忌廉香草汁 口感更佳💕法國春雞 肉質尚算嫩滑 仲有雞脾食🤣如果餐廳嘅秘製香草忌廉汁可以更多就好了😍.另外叫左熱熔芝士和牛肉漢堡 $138跟餐配沙律🥗薯條🍟洋蔥 酸青瓜及蕃茄🍅一切落去就發現和牛漢堡包嘅包皮非常香脆 睇得出新鮮製作👍🏻和牛肉質嫩滑 咬落去仲有肉汁濺出😋由於芝士經過熱溶 所以記得趁熱食😆.跟餐叫了沙律及餐湯一個🍲餐湯是忌廉大蒜湯 質感黏稠 非常足料沙律🥗菜非常豐富 但沙律汁略嫌少左d最後加$28叫咗個甜品🍮本以為份量應該唔多但估唔到兩個人食都有啲飽叫咗法式焦糖燉蛋 creme brûlée 原

今時今日，想食到一間有heart，有service，有quality，有passion嘅西餐廳，選擇其實並不多，而呢間位於元朗嘅西餐廳，有齊以上所講嘅優點😎當然重點係食物夠精緻，而且價錢唔貴👍開胃菜，魚子青口👍首先上香煎法國鵝肝配黑醋，跟餐$58😎厚厚既香煎鵝肝，放入口中，尤如牛油般溶化🤩擴散到口腔內每一個角落😍呢個價，確實抵食👍然後上熱熔芝士薯條🤤單看名字，就知道有幾邪惡😏幾乎每一檯都有落order😎燒熔巨輪芝士表面，然後刮出厚厚既溶化芝士，直接傾倒落新鮮炸薯條之上😛確實好邪惡，但我鍾意🤤既有視覺效果，又有味覺享受😉薯條跟餐$38，熱熔芝士$40👍之後上什菌卡邦尼意粉 $108😎卡邦尼很惹味和香滑，用料十足😋有好多煙肉，仲有香濃芝士味😛接著上10安士極佳級美國肉眼扒，$268😉火候控制得好，啱啱好五成熟👍肉質鬆軟鮮嫩，肉汁豐富，厚薄適中😋而且牛味夠重，口感非常好😛最後上甜品，法式焦糖燉蛋，$68😏味道香濃軟滑，加上香脆焦香嘅糖衣🤤蛋香奶香豐富，好creamy，不會太甜☺️裡面見到細細既黑點，原來係用雲呢拿籽，真材實料，讚讚讚👍難

元朗又有西餐小店開張了！隱身係舊B後面雖然位置唔算起眼，但食物質素絕對唔錯。由五星酒店得獎廚師主理，算得上低調高手哈哈。餐廳職員既service好好，有禮貌又跟得足。唯一小地地方淺窄可能要坐得比較親密，裝修簡單為主。．🔸1987's 海陸空餐 $338海陸空餐包括半隻法國春雞、半隻波士頓龍蝦、牛柳 (跟香草忌廉汁)春雞都幾大份，兩個人每人都分到成脾位咁多。燒得唔會太乾，配汁入口唔錯。龍蝦食到鮮味，肉夠彈牙，連蟹鉗上好多肉。牛柳大概有手掌心咁大左有，煎到midium見紅但無血水。超嫩，好好食！除左主食仲有少少薯菜伴碟，芝士薯仔片幾特別。唔洗次次食薯蓉/薯仔咁悶。🔸英式炸魚薯條配青豆及他他醬 $108用籃上，兩條炸魚超大條，長度差唔多有20cm。食個時加D檸檬汁，頓時覺得食炸物都無咁油膩。炸得夠胞，粉唔會好厚。配左份量唔少既熱辣辣薯條，鐘意點他他醬同茄汁都得。＊所有主菜可加$32轉為套餐(是日餐湯或沙律 及 冷熱咖啡/茶/汽水)🔸法式焦糖燉蛋 $68黎慶祝生日既朋友可以叫餐廳準備寫字。起初以為係一杯細杯裝既焦糖燉蛋，點知一黎到原來係2-3人份量，好surprise!焦糖面燒得夠脆，燉蛋好滑