SUN HARU (順寧道) (已搬遷) 新店位置

係長沙灣一間好隱蔽嘅地道韓式小店，餐廳地方唔係好大，不過牆上面嘅塗鴉就好有韓國feel而且仲好靚。泡菜煎餅 $78煎餅香香辣辣，十足十韓國街頭風味，入面有少少蘿蔔絲，而且超酥脆！芝士二重奏無骨炸雞 半隻$98炸到好香口嘅炸雞淋左芝士醬，再加灑埋芝士粉，好邪惡嘅配搭，而且仲要無骨，啖啖肉好爽。豬肉炒粉絲 $78粉絲食完都唔係好覺好油膩，加埋豬肉落去炒，望落份量唔算多，不過食下食下都飽。Overall黎講，小店地理位置唔算好方便，但係家庭式嘅打理有種好特別嘅味道，如果再夜小小食，套餐價錢有discount，CP值都幾高。

呢間韓式小店由小食到主食嚟講，款式選擇都算多，而且價錢仲好親民。餐廳有一幅特色牆，喺魷魚遊戲啊🙊仲有好多溫馨小擺設，好似韓式家庭經營咁🤔講返嘢食，我同朋友要去買嘢，所以9秒9揀咗三樣嘢食share韓國特色蛋卷-紫菜明太子味 $88大大條蛋卷，裏面捲住明太子醬，又有好多芝麻同紫菜，入口豐富泡菜煎餅$78每次食韓國菜必食，泡菜嘅份量唔算多，但味道係OK嘅，如果辣多少少就更加好牛肉大醬湯跟飯$62呢個湯夠晒熱好正，裏面有牛肉、豆腐、雞蛋同瓜，口感樸實而又不單調，同埋大醬係非常有益嘅食材，食多啲都冇咁多罪惡咁😂