平成 (已結業)

《平成》係日本喺1989-2019年期間使用嘅年號，而喺尖沙嘴棉登徑，就有一間以《平成》作為名字嘅居酒屋，餐廳外貌仲令人感覺置身於日本小巷咁添🇯🇵 入到去，發現其實鋪面好細好細，只容納到幾枱客，而且裝修亦較簡樸。牆上有貼心嘅衣架，同日本嘅餐廳一樣，都讓客人可以掛起除低咗嘅外套。牆上亦貼住餐廳嘅食物選擇，不過就係用白紙手寫，如果印喺木牌上肯定更增風味。另外餐牌亦較簡陋，只係印上密密麻麻嘅食物名稱。整體嚟講食物飲品都相當高質，如果再落啲心機喺裝修、餐牌設計同服務質素上，肯定會更吸引客源😛今代司純米大吟釀極上 ($800)餐廳內外都見到好多酒嘅貼紙同酒瓶，侍應就同我哋講話呢排做緊個promotion，「今代司純米大吟釀極上」只售$800。呢支酒係日本嘅高級米酒，採用新潟縣嘅特有酒米，散發淡淡嘅香氣，味道一流，適合與刺身同食🍣原價過千，呢到只係八百蚊，好米酒之人不容錯過🍶紫薯沙律 ($80)用個特別嘅沙律響頭炮😌紫薯沙律真係唔係邊度都見到，比起常見嘅薯仔沙律多咗份紫薯嘅甜味。面頭加上魚子，為整道菜加添一點鹹鮮味。食落口感軟糯，仲有紫薯顆粒😋燒牛舌芯 ($90/2串)牛舌芯厚切，煙靭有咬口。輕輕

棉登徑多好食的餐廳，今日就嚟咗平成。喺出邊完全唔覺，入到嚟平成好似去咗日本嘅居酒屋咁。平成係小店size，入面有4,5張枱，但唔會話有限時要食幾耐就要交枱，環境好適合同朋友嚟傾計吹水。紫薯沙律 ($80)紫薯加薯仔打成薯蓉的質感，食落去酸酸甜甜，好特別。石鍋豚汁煮叉燒腩($150)超級推薦呢個俾大家叉燒腩又厚又肥大，而且燒左之後帶微微焦香嘅味道，好正。叉燒腩食之前記得要浸一浸啲豚汁先，會再好食啲。而且豚汁送飯都好一流。呢個餸簡直係偷飯賊。都係果句，超級推薦！吉列池魚 ($90)池魚刺身食得多，吉列的就真係第一次。池魚第一啖咬洛去，d鮮味衝曬出黎。加左蝦乾，鮮味再出d，有唔同的層次。泡菜牛肉燒餅 ($120)燒餅入面落左勁多泡菜同肥牛，好足料！一食落去，果陣泡菜味爆曬出黎，但勝在泡菜唔辣，適合我呢啲怕辣嘅人。荔枝乳酸梳打($90)荔枝梳打唔會好酸，甜度適中。柚子.角HIGH ($150)呢杯係柚子加whisky，完全冇諗過呢個組合都可以好夾。