HANA Korean Restaurant

營業中

休息中

HANA 以地道釜山粥品聞名，其獨特風味源自於嚴選釜山米，煮出來的粥品粒粒分明卻不失綿密細緻。釜山鮮鮑魚粥 鮑魚鮮甜彈牙，並加入多種蔬菜，比港式粥品味道來得濃郁。泡菜章魚粥 以切粒章魚加上泡菜熬煮，泡菜獨特的酸辣感，令整碗粥風味變得更豐富。韓式傳統煎餃子外皮酥脆，餡料飽滿多汁，入口能品嚐到粉絲、椰菜、韮菜與豬肉餡多種層次，一試難忘。HANA is famous for its authentic Busan-style porridge (juk in Korean), and the secret lies in their carefully selected Busan rice! Each bowl is perfectly cooked, giving the porridge a delicate and creamy texture. Busan abalone juk features fresh abalone which is sweet and chewy, mixed with a variety of vegetables to create a rich f

朋友話想食粥，第一時間諗起呢度😆 呢度嘅菜式全部都別具特色✨ 價錢都幾抵食⭐️ HANA 烏冬Signature Udon $98有冇人同我一樣偏好韓式烏冬😆 而呢個係佢地嘅Signature Udon，高質必點💕同日本麵條唔同，有比較彈牙嘅口感，湯底正宗🤤 而配搭嘅炸物，亦炸得好香脆👍🏻⭐️ 泡菜章魚粥 Octopus Kimchi Juk $128店舖招牌菜🤫有別於一般嘅粥，粥底鮮味濃郁，粥質地滑口而飯粒感重，好有口感✨泡菜嘅酸辣味同章魚嘅鮮味出奇地夾，好滿足！⭐️ 蒸 韓國鮑魚餃子Abalone Dumpling $82鮑魚做餡嘅餃子真係唔常見。餃子皮薄餡靚，餡料豐富，鮑魚嘅鮮味突出，清蒸之後更加突出咗餡料嘅鮮味。配埋餃子醬油食，非常Juicy🥟⭐️ PEACH JUICE $25 好少介紹罐裝飲品嘅我，為大家推薦吓呢款含果肉嘅蜜桃汁啦！口感好正，尤其係夏天嘅時候飲，好清新~💰HKD 150 p.p for Lunch

失望的體驗，打電話訂左位，去到還要等了15分鐘。點了泡菜章魚粥、泡菜五花腩烏冬、韓式牛肉烏冬、（煎）韓式傳統煎餃子、蒸泡菜餃子。埋單$572，又貴又不好吃。除了泡菜章魚粥比較好吃，其他都強差人意。烏冬麵還可以，但是肉普通，泡菜不好吃。真的不建議點餃子，煎餃的皮非常厚，咬得很累。蒸餃很小，味道有點怪，不正宗，不好吃。等候時間長，上菜時間慢，而且沒有服務，居然還收10%服務費。唔明點解要排隊。絕對不會再吃第二次了。

💭唔知道有有無人同我一樣如果去韓國旅行的話，我會專登去粥舖食粥～我覺得韓國粥同同香港我地食開個d粥有好大既不同～依家未有機會去韓國時就出去韓國街👀下有無韓國粥食啦～係韓國街一帶見到呢間粉粉嫩嫩既餐廳就入左去食了～🌸泡菜章魚粥（HKD 128） 呢個粥真係好夠味！雖然有加泡菜，但係唔會好辣～有大量章魚係個粥入面，碗粥d 米粒 粒粒分明🥰🌸釜山魚糕烏冬（HKD 108）烏冬滑溜，魚糕都多，仲有兩粒鳴門卷🍥😊😊😊🌸煎韓式傳統餃子 （HKD 78）間餃子熱辣辣～ 入面有菜有肉有粉絲，認真唔錯👍🏻

💪🏻 泡菜章魚粥 ($128)第一次食韓國粥，都幾有驚喜🤩 韓國釜山粥同平時香港食嘅粥唔同，米量多啲，比較杰身啲，份量非常多，所以食落好飽肚，冬天食暖胃舒服😋 而且粥上落咗好香啲麻油，令到粥嘅味道更豐富。本身嘅粥係以泡菜同章魚做主角，所以本身粥底都有泡菜嘅酸辣味，好開胃😆 章魚都彈牙！💪🏻 韓式牛肉烏冬 ($118)牛肉同配菜都炒得好香，烏冬都好煙韌，將牛肉撈埋湯烏冬一齊食幾夾，亦到令湯烏冬味道更濃！💪🏻 蒸韓牛餃子 ($82)蒸餃子嘅皮好薄身，但唔會好易爛！韓牛肉餡牛味濃😋味道：8/10性價比：6.5/10 食住瘦指數：💪🏻💪🏻/5

睇韓劇會好想食韓國嘢韓國餐廳喺香港而家已經開到成行成市。食嚟食去嘅嘢都差唔多。好想搵啲特別嘅韓國嘢食。呢間餐廳標榜係釜山嘅韓國粥。佢粥嘅種類都有好幾款，睇得出入邊每一碗粥都有好多材料，切得都幾幼細，外觀已經唔錯，粥嘅味道非常好味。另外都試咗韓牛餃子，食得多日本餃（主要豬肉或者雞肉）依家鍾意韓牛餃子多過日本餃子，咪睇佢外表實的的，食落又幾好味。誠意推介俾已經食厭咗一般喺香港食到韓國食品嘅朋友。不妨試吓呢間，食完仲有成條街俾你shopping。

🏠HANA Korean Restaurant (尖沙咀)果日行開尖沙咀條韓國街，見到有一間新開嘅舖頭，緊係要一試究竟！坐低咗先發現原來佢係專門食粥，夏天食就不了，好彩去果日啱啱落小小雨轉秋季又凍凍地，啱晒食粥暖吓胃🤣🥣泡菜章魚粥 $128佢啲粥有好多唔同嘅口味，但我係一個好鍾意食章魚嘅人，所以最後決定叫呢個章魚粥👍🏻一上枱超大碗心諗點食得晒🤣佢嘅味道唔錯，不過就冇乜驚喜，而且真係大碗到食唔晒haha🤣🍜釜山魚糕烏冬 $108呢個烏冬同圖文非常附合，都幾有心機個擺盤😊味道上無咩特別，就係唔同嘅魚糕放曬落碗烏冬到，烏冬又冇話特別煙靭，普普通通啦。📍尖沙咀金巴利街1E號地舖如果行開韓國街，又想食吓韓國粥都可以一試🤣

尖沙咀金巴利街有好多韓食餐廳，所以都有韓國街之稱，不過之前去過一間中咗伏，睇食評都麻麻就無點再去，不過有次想食韓國野又唔想食炸雞咁熱氣，見到呢間有韓國粥就去咗試下～ 同埋有睇開我哋嘅食評都應該知我哋有幾鍾意食餃子😍 其實都有掛住之前喺韓國食過嘅蒸餃子！呢間主要得3大類別嘅選擇：粥、烏冬同餃子，選擇唔多，但如果想食下韓國粥同餃子都有幾多味道可以選擇😌前菜有兩款，一款係泡菜魷魚，一款係醃甜蘿蔔，兩款都幾好食，泡菜魷魚都幾辣，但辣得好過癮🤪•🥢 泡菜章魚粥 $128呢個粥一啲都唔寡！呢間嘅韓國粥比我哋一般食嘅中式粥杰啲，啲米無煮到咁爛，有啲似飯仔，而且泡菜味啱啱好，唔會覺得太辣/太搶，而且入面仲有啲紅蘿蔔粒、西芹粒同章魚粒！•🥢 蒸泡菜餃子 $78/5呢款係韓國常見嘅蒸圓形餃子，好鍾意呢款半透明嘅皮，咬落有啲煙韌，包住滿滿嘅餡料，泡菜餡就係想像到嘅味道，但個餃子皮超加分！•🥢 煎韓牛餃子 $823款餃子入面呢款最有驚喜！本身以為係普通牛肉餃子，點知食落牛味好濃，牛肉餡料好滿，餃子皮兩邊煎到好脆！只係略嫌油啲啲，但配粥嚟食，唔怕啦🤭

呢日同朋友係尖沙咀行完街，去咗韓國食店林立嘅金巴利街搵食，見到多間燒肉店，炸雞店，眼花撩亂最後揀咗近街尾呢間有粉紅色招牌，光猛簡潔嘅小店冇常見嘅燒肉同炸雞，主打 粥、烏冬 同 餃子抱住新鮮感一試我哋都唔算係烏冬嘅fans，於是一人揀咗一款粥，同埋order 份平時韓國人食粥或者烏冬都會配嘅餃子先講吓用餐前嘅感覺，餐廳雖小，裝修簡約，幾句韓語嘅霓虹燈管(即時用手機translate佢嘅意思😆）、電視播住當紅嘅K-pop MV，一排唔同顏色嘅招財貓有節拍地揮手迎賓，氣氛唔錯呢～店員先奉上醃蘿蔔同醃章魚做開胃前菜，仲可以添食㗎呢～ 🫶🏻🔸釜山鮮鮑魚粥釜山粥軟棉加埋啖啖鮮鮑魚片，仲有翠玉瓜粒、紅蘿蔔粒同洋蔥粒，口感配搭得好好粥面嘅韓式紫菜同埋麻油加埋落粥即刻帶出陣陣韓風口味我本身好清淡口味，如果麻油嘅份量可以自選就更好喇！🔸泡菜章魚粥 加咗泡菜嘅粥辣辣哋，好惹味章魚增加嚼勁口感粥面嘅蔥花同黑芝麻除咗為視覺效果加分，亦令味道提升我同朋友都覺得呢兩款粥各有特色，不分上下鮑魚粥味鮮泡菜章魚粥比較惹味、少辣，唔太食得辣嘅朋友都可以試吓佢哋嘅配菜稍有不同，令到每款粥更有特色 👍🏻🔸煎韓牛餃子 🐮🥟餃子可

好耐冇食韓國菜，決定要到韓國街覓食🤤結果又有驚喜推薦‼️ 1️⃣味道✨釜山魚糕烏冬呢個烏冬真係影相一流✨ 黎嘅時候筷子夾起少少烏冬好啱打卡🫶🏻 魚糕一串串咁好靚 食落烏冬好彈牙 鏗魚湯好入味🤤 而且魚糕都好有韓國嘅味道🫶🏻 真係好似飛左轉韓國咁✨泡菜章魚粥真係好有韓國粥嘅味道👅 啲粥比較綿，成碗粥都係紅色，食落好重蔬菜同泡菜味，相比韓國食嘅章魚就會細粒啲，同埋感覺比較濃味，食完好口渴 同埋食下食下真係會有飽腹感😂2️⃣服務餐廳只係得一位侍應，坐低左一段時間先見到侍應出黎招待我地，野食黎得略嫌慢🤣 可能係慢工出細貨🤫3️⃣環境強烈建議一定要book枱‼️因為間餐廳真係好細間，得大概5-6張枱，我見有人walk in都冇得食，我地今次book左二人枱都係得翻門口位！餐廳入面裝修主要以粉紅色為主💓少女心爆發☺️ 有韓國小店嘅feel 推薦指數：味道：⭐️⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️⭐️衛生：⭐️⭐️⭐️⭐️⭐️抵食：⭐️⭐️⭐️⭐️

個人對韓國粥非常有興趣，每次去旅行都一定會食到。今次好開心可以難得喺香港都食到韓國粥，仲要係釜山米烹調四至五個鐘而成，由麻油代替普通油，質感比較軟滑，易入口唔會重水「了了」過頭。叫咗一碗泡菜章魚粥及南瓜粥。南瓜粥並沒有米飯在內，感覺比較似南瓜蓉，但係內在與紅棗烹調而成令佢軟滑細膩，食得出南瓜嘅天然味道，一啲南瓜絲同渣都冇。而鍾意食辣嘅朋友一定唔可以錯過泡菜章魚粥，泡菜味濃郁，加上粒粒軟綿綿嘅米飯，同章魚煙韌嘅口感，飽肚感十足！韓國餃子亦都係地道小菜，餃子款式非常多，有蒸或者煎多重選擇。叫咗一個鮑魚蒸餃，一口氣就清晒成碟，因為味道新鮮，唔會好似超市買返嚟一早包好晒嗰種用味精搭救嘅味道☺️除此之外，亦叫咗一款蜆肉湯烏冬。烏冬非常幼身軟滑，加上新鮮嘅蜆肉味，及切開一絲絲嘅腐皮，鮮味濃郁，而湯水都一口飲晒，一啲都唔頸渴。總括而言，特別推介主打嘅釜山及餃子，無論係早餐或者係酒後菜都非常適合！😋😋😋

˙˚ 𝐇𝐀𝐍𝐀 𝐊𝐨𝐫𝐞𝐚𝐧 𝐑𝐞𝐬𝐭𝐚𝐮𝐫𝐚𝐧𝐭 ˚˙韓國街新開張的𝗛𝗔𝗡𝗔主打正宗釜山粥品、餃子等，成日食韓國嘢但反而韓式粥真係未試過😌小店由韓國人主理，店內座位唔多，幸好當日星期日下午可以直接入座～如果想試下新口味的韓國菜可以留意下呢🫶🏻࿐🐙泡菜章魚粥 $𝟭𝟬𝟴配料有泡菜、章魚粒、翠肉瓜等好豐富，粥質地則偏軟綿、稠身，有啲似𝗿𝗶𝘀𝗼𝘁𝘁𝗼😂所以都幾飽肚，味道較濃，亦係韓式粥的最大特色，食得出加咗頗多麻油，加埋泡菜真係稍為有點膩，食完都容易口渴🤌🏻🐮煎韓牛餃子 $𝟳𝟮煎餃比蒸餃出色，牛肉味道香，滿滿肉汁，外皮煎得金黃香脆，內餡算多，成隻餃子都漲卜卜，好滿足🫦🥟蒸韓國鮑魚餃子 $𝟳𝟮餃皮煙韌、厚薄適中，內餡有粉絲、豬肉等，但主角鮑魚粒好少，似食緊普通韓式餃子😿餡料亦唔算多，整體比較細隻，蒸的味道亦偏淡～

本人其實就好鐘意食韓國嘢，所以成日都會嚟韓國街食飯🫣之前經過時已經見到呢一間全間pink pink的韓國餐館，所以今次專登早啲嚟到唔使排隊就有得食因為餐廳位暑比較少，但是已經放滿枱凳，所以坐得不算舒服，而且走廊很窄的關係，只有一個職員小姐姐，所以點餐需時耐少少泡菜章魚粥 $108 推薦指數🗯️：🌟🌟🌟🌟釜式粥食落比一般普通粥冇咁稀，有少少似小朋友會食的稀食，或者西班牙海鮮飯的口感🤔️食的時候仲會咬到好清楚飯粒的口感；未撈勻食的時候感覺泡菜味比較濃，撈勻之後釜式粥獨有的蔬菜甜味就湧出來，不過食得多會覺得有點太過濃味，而且章魚都切得幾細粒，所以除咗咬到章魚會食到章魚味之外，主要都係食到蔬菜嘅甜味釜山魚糕烏冬 $78 推薦指數🗯️：🌟🌟🌟🌟一上枱就見到筷子捲着少許烏冬，超級適合打卡；湯底是柴魚高湯，味道唔會太濃，但好香，烏冬食落都算彈牙，而且好滑身，魚糕食落口感有少少太粉，不過整體嚟講都係好食（煎）韓牛餃子 $72 推薦指數🗯️：🌟🌟🌟🌟煎到外脆內軟，內餡會有牛肉、粉絲等。食的時候小心爆汁，整體味道偏重，旁邊的汁基本上都不用點已經好夠味以上均是我個人觀感，每個人嘅口味各有不同，所以末必同每個人嘅用餐

HANA Korean Restaurant要加一~味道評分:☄️(highest_surprise)/☀️/🌤(pass)/⛅️/💨(lowest)落單之後，店員會送上前菜:辣魷魚&蘿蔔☀️釜山鮮鮑魚粥 $118好大碗🤭佢係較稠既粥，好綿滑，清甜~亦都好足料，鮑魚份量都算多~如果果日咁岩想食得清淡d，尼個超適合👍🏻☀️泡菜章魚粥 $108依款適合重口味既大家！！鹹香鹹香，超惹味😍☄️(蒸)濟州黑豚肉餃子 $72/5隻計翻條數都幾貴喎💩但好好食！佢有別於普通的餃子皮，更似我地平時飲茶食果d蝦餃皮，食落更煙靭彈牙👍🏻肉饀充滿咗成個餃子，調味都岩岩好，好好食🥹兩個人分5粒完全唔夠！❤️‍🔥位置唔多~想食就早少少去喲~❤️‍🔥❤️‍🔥❤️‍🔥既然你睇到尼度，不妨比個like & comment & follow @gulugirl102 ~話比我知你有睇，比啲動力我丫❤️‍🔥最後既最後，口味尼家野因人而異啦~

係香港食韓國野 多數都會諗起炸雞 燒肉 部隊鍋唔知大家又有無試過韓式綿綿粥呢？！近排係尖沙咀「韓國街」金巴利街就開咗一間新嘅韓國餐廳 @hana.tst 由韓國大廚主理 主打正宗釜山粥品 多達十一款(⁎˃ᴗ˂⁎)如果唔鐘意食粥嘅餐廳都有提供韓式烏冬同餃子～𓈒𓂃 𓈒𓌉◯𓇋𓂃 𓈒❀ 泡菜章魚粥♡相比起中式粥 韓式粥味道會更加濃稠皆因主廚每日都會用4-5個鐘將釜山米熬成粥底所以質地都會偏杰身而且非常綿滑 口感有啲似ʀɪꜱᴏᴛᴛᴏ濃濃嘅泡菜再加上麻油香超惹味就連平時唔鐘意食粥嘅我都食唔停口ദ്ദി ˃ ᵕ ˂ )份量黎講超級大煲 如果多啲章魚就好啦～❀ 釜山魚榚烏冬可能因為零味精嘅關係 烏冬湯底略為清淡 而且唔知點解烏冬比較糊身(՞߹ - ߹՞)魚糕串種類都幾多 口感偏結實❀ 煎韓國鮑魚餃子餃子外皮煎得幾香脆 內餡都食到鮑魚粒 口感豐富～