炑八韓烤 (黃金廣場) (已結業)

A姐呢排好青春呀，生咗幾粒暗瘡，所有熱氣嘢一律唔入口，介咗口兩日，我今日就偏偏約佢食韓式燒烤，呢間位於銅鑼灣嘅炑八韓烤仲要係佢曾經食過（提早聖誕、豪華韓蟹餐），佢鬼死咁鍾意，睇佢今次點忍得口。一坐低就有韓燒爐邊蛋、芝士粟米、同各式泡菜。最開心係無限任添，鍾意嘅就記住食多啲呀！今日我哋叫咗新出嘅八爪魚生蠔木架套餐，兩人份量十足，A姐見到木架上嘅肉，已經唔記得咗嗰幾粒暗瘡，大啖大啖咁食。燒烤拼盤呢個木架上有新鮮彈牙大蝦、口感十足嘅豬肩肉、肉味香濃嘅LA骨、仲有芝士生蠔同惹味牛油芝士生蠔，好豐富架！而我最鍾意就係牛小排，牛味十足，仲要入口即熔；而另一最愛就係燒到微燶嘅豬頸肉，夠晒脆口，肥瘦度十足，好好味呀。大八爪魚除咗燒烤拼盤上嘅肉類，仲有呢隻大大隻八爪魚，少少辣，醃得好好味。八爪魚生蠔湯食咗咁夠熱氣嘢，飲返碗鮮味十足嘅八爪魚生蠔湯，真係好滿足呀。套餐仲要包2杯飲品，呢餐我哋食得好滿足呀！

韓燒店有下午茶餐、想都未想過、心想又係宣傳手法吧！好奇心又來了、一於去試過究竟。嘩。。。！只＄48一個主食　+　一杯飲品、如加多＄10可選多一個小吃。份量絕不簡單、飽足夠程度可免吃晚餐。下午茶餐均送有韓式清湯、泡菜、海帶和炑八沙律、果然韓式風格。與友人分別選了青檸梳打和柚子檸檬梳打、清甜可口。鐵板ＬＡ骨配粉絲熱騰騰、黑椒香氣隨風飄散、樸鼻而來。ＬＡ骨肉質鬆軟、調味較濃、剛好配合粉絲的淡味。芝士雞肉串燒啖啖雞肉、醮熱烘烘的芝士、勁誘惑。芝士粟米又一誘惑之選、芝味濃郁、粒粒栗米醮滿芝士、邪惡！！韓式煎餅口感有點似食日式紅豆餅。內餡有花生、松子、杏仁、有嚼口之餘又香口。整體食物水準中上、價錢又吸引、值得推介友人。 

喺香港比較少食韓國餐，始終覺得價錢貴質素又普通，與其成日去韓國，不如過去先食多啲吧！但今日好朋友老牛指明要食炒粉絲，唉好啦，聽聞呢度有下午茶餐，就試試啦環境：大部份都係紅色或藍色卡位，只有少量圓檯。而每張檯上都有一個雜抽氣喉及燈於一身嘅裝飾，既抽走油煙又可照亮食物，啱晒需要影相嘅朋友們。店內不停播Kpop，音量都可以接受，而且快歌慢歌都有，所以唔會感覺好嘈吵下午茶餐：一律$48，+$6可以無限添飲(添飲種類不限，第一杯可以係凍檸茶，第二杯可以係熱人參蜜），前菜當然不可少，有泡菜、豉油海帶及菠菜；最後仲可以選擇一款小吃，有糖餡餅、炑八沙律或迷你煎餅.... 仲要無加一？！海帶牛肋骨湯：韓國人生日必定要飲嘅湯，雖然只係好普通咁以海帶及牛肉煮成湯，但入口清甜而且非常足料，每一啖湯都充滿海帶；老牛唔食牛，太好了俾晒我吧！切成好細粒嘅牛肋骨肉仲連筋而且牛肉味香濃，口感軟綿唔會黐牙泡菜：第一口係鮮甜，心諗太好了終於食到唔辣嘅Kimchi，但心諗得太快，仲未趕得切吞，一鼓辣味已經湧入喉嚨... 水呀水呀.... 好彩成支檸檬水放喺檯面.... 定過神來，先甜後辣真係充滿層次... 希望我嘅人生都唔會