影片
更多
2014-10-17
4101 瀏覽
美籍好友C兄被派往廣州工作已有一年，雖然多次來港，卻因工事繁忙，未有機會碰面。八月上旬，碰巧佢姐姐越洋公幹，兩姊弟相約於香港相聚，大家就襯姐姐飛機到達之前，一同午膳聚舊。C兄喺廣州食住家飯多，因為鐘點「阿姨」大多煮中菜，所以就想轉吓口味，同XO仔食韓國燒烤。為方便起見，地點揀選喺佢姐姐入住o既酒店附近，一家一個「喊臉」都冇o既「韓國館」。「韓國館」雖然隱蔽，不過跟住Openrice上o既地圖行，一啲都唔難搵。餐廳正門係一個凸出黎o既三個形，望落去好似間細小o既獨立屋咁。行到入去先知原來地方都幾大，座位大多為四人卡位及散座，全為膠皮櫈，兩個人坐就特別覺得闊落，小肥只係略嫌燈光暗咗少少，地方打掃得唔夠潔亮。可能我地入座時已經成兩點，全館只剩我地二人，服務生亦較為懶散，吓吓要等人行過先有人幫忙落單、換碟等，唔問就連茶水都冇杯飲，莫講話添呀！好在落單嗰位哥仔總算有耐性地解釋每客套餐所包之食物，成功挽回少少服務分。C兄同小肥食量都有返咁上吓，所以就叫咗三款午市特選套餐黎分，每客包有白飯、熱湯、小碟及主菜。白飯熱辣軟熟，熱湯就幾辣吓，以蔬菜為主o既小碟則野味爽脆，比主菜更為美味。午市特選套餐之L2
C兄喺廣州食住家飯多，因為鐘點「阿姨」大多煮中菜，所以就想轉吓口味，同XO仔食韓國燒烤。為方便起見，地點揀選喺佢姐姐入住o既酒店附近，一家一個「喊臉」都冇o既「韓國館」。
「韓國館」雖然隱蔽，不過跟住Openrice上o既地圖行，一啲都唔難搵。餐廳正門係一個凸出黎o既三個形，望落去好似間細小o既獨立屋咁。行到入去先知原來地方都幾大，座位大多為四人卡位及散座，全為膠皮櫈，兩個人坐就特別覺得闊落，小肥只係略嫌燈光暗咗少少，地方打掃得唔夠潔亮。
可能我地入座時已經成兩點，全館只剩我地二人，服務生亦較為懶散，吓吓要等人行過先有人幫忙落單、換碟等，唔問就連茶水都冇杯飲，莫講話添呀！好在落單嗰位哥仔總算有耐性地解釋每客套餐所包之食物，成功挽回少少服務分。
C兄同小肥食量都有返咁上吓，所以就叫咗三款午市特選套餐黎分，每客包有白飯、熱湯、小碟及主菜。白飯熱辣軟熟，熱湯就幾辣吓，以蔬菜為主o既小碟則野味爽脆，比主菜更為美味。
午市特選套餐之L24泡菜煎餅（$75）：泡菜煎餅唔算係好辣，不過最大問題係好似好濕咁，唔夠香口。
午市特選套餐之L34烤LA牛肋骨（$80）：牛肋骨味道香濃甜美，可惜肉質較韌，未能成為推介之選。
午市特選套餐之L35烤雜錦肉（牛、豬、雞；$80）：依味烤雜錦肉可以話係劣呀，因為三種烤肉都一樣咁乾、咁嚡、咁老！
「韓國館」雖然地方夠大，不過其服務參差，主打韓式烤肉菜式亦不甚美味，午市套餐每人平均消費都要成舊水，如果有得揀，個人會選擇於其他地方用膳囉！
張貼
