普慶餐廳

逸東酒店普慶自助餐？我細細個就聽過呢個名嘞！由於我唔係好大胃口，所以自助餐/放題一直都唔係我搵食的首選，但朋友搵到限時優惠，普慶自助晚餐買二送二優惠！即刻集齊到4位飯腳去朝聖嘞！普慶自助餐位於酒店地庫B1層，由正門入穿過Foodcourt，再落中間樓梯，就係餐廳位置，有兩隻大狗雕塑歡迎你！今次我地好好彩，坐近生蠔同海鮮區附近！近水樓台可以望住生蠔區排隊長短決定出動時間呀！當日供應的生蠔係美國生蠔，尺寸唔算大，但尚算飽滿，非常鮮味！每人每次限取兩隻，唔夠呀？望住條隊少咗人，再拎過！凍海鮮供應有長腳蟹、麵包蟹、小龍蝦、青口、翡翠螺、凍蝦……呢幾款海鮮除咗小龍蝦外其餘我都有試，個人首推長腳蟹、其次凍蝦、之後係翡翠螺……食咗幾轉生蠔+海鮮，其實我都飽飽地，朋友話一定要食埋即蒸波士頓開邊龍蝦！果然無介紹錯！好鮮甜，肉質彈牙飽滿！最後就係用movenpick雪糕填滿埋我個甜品胃嘞！

好耐無食buffet，見舊年逸東酒店翻新完都未去過，就趁屋企人生日去 The Astor 大吃特吃一餐成人每位$595長者小童$435 （加一服務費）Buffet 六點半開始，我地早左十分鐘到，已經有好多枱坐定定等開餐。呢度地方好大，一共分八個美食區，就算要排隊都唔會迫迫夾夾。八大美食區分別係海鮮及沙律區、海魚燒烤區、刺身及壽司區、天婦羅及串燒區、亞洲及印度風味區、西式美食區、甜品專區和中式燒味區。一開始大家都專攻冷盤 - 龍蝦、刺身、生蠔。雖然要排下隊，不過好快就到，好快就可以埋位開餐。龍蝦🦞長腳蟹🦀 大大隻好多肉，好鮮甜。6款選擇刺身我食左4款都好新鮮肥美 - 三文魚、油甘魚、北寄貝、帶子，另外仲有希靈魚同八爪魚。冷盤我都食左2 round，即刻抵哂日式美食唔少得天婦羅同串串，呢度炸得/ 燒得剛剛好，所以都好多人排隊。除左壽司🍣同刺身，呢區仲有好多冷小碟，實有一款岩口味。食左好多海鮮同魚生，真係飽左八成熱燻我都無食，但值得一提既係呢度有好多唔同味道嘅鹽選擇，有啲味道仲好特別添，紅酒味啦🍷、espresso ☕、抹茶🍵味等等，放響唔同嘅區域，配肉類、串燒、天婦羅都好好味㗎食到中間，侍

今次輪到靚女同事同我慶祝生日，選址位於佐敦逸東酒店嘅「The Astor」。皆因之前見到唔少關於呢間餐廳嘅buffet廣告推介，賣點係即開生蠔及豐富海鮮。食物款式多樣化之餘，價錢合理，又有新穎靚靚裝修，這麼看起來是不是很誘人呢？！是晚我倆懷著一顆期待的❤️走進餐廳，環顧四周，才發覺裝修格局是挺普通的茶室，大部分牆身以及地板均以瓷磚砌成。酒店打通了上兩層後，營造出空間感、超高樓底的氣派。Buffet 已經開始，人客稀少，估唔到我倆嘅坐位會被安排係偏辟區😦嘅卡座，餐桌上嘅杯杯碟碟唔係崩掉殘舊，就係大排檔餐具😣，感覺更低檔次！唔係吖嘛😤畀成6舊水一位㗎，坐係茶餐室食buffet？！即時向侍應生反映，有禮貌的他反問我哋想坐邊度，話會盡量安排的。我哋當然希望坐係餐廳較開揚嘅中間位置啦🤔，影相都靚啲。雖然最後都有安排到一個較好嘅座位，但真係唔多明白🙄點解要留空咁多無人坐嘅中間位囉😒⋯⋯地方大，活動範圍也大，卻跟鄰桌太相近。嘢食多，美食款式真多，卻嫌桌子真細小。食物分開擺放係唔同嘅區域，花多眼亂下，反而會令客人錯過某些美食啊😐海鮮區「龍蝦迷」當然第一時間去捧波士頓龍蝦場啦！龍蝦size唔算大隻，蝦膏亦