BnR (已結業)

公公出左院啦🥹，所以出左荃灣睇佢，順便接爸爸收工。我又係爸爸公司附近睇下有咩食，見到呢間既餐廳餐牌介紹好健康😋，就入定去坐低等爸爸收工，坐位闊落，午餐叫主食仲有飲品送。麵既湯底主打「濃雞湯」，「鮮魚湯」同「特色湯」，仲有好特別既波波雞飯。我地order左一個麵一個飯，一個小食同一技豆漿。五指毛桃雞淮山麵 $68追加$13 手工韭菜餃餃（2隻）：呢排轉天氣有幾聲咳😮‍💨，五指毛桃有止咳作用，所以揀左呢個做湯底，湯底清甜唔會油膩，雞肉🐓嫩滑，淮山麵爽滑彈牙，有勁多木耳，仲有脆卜卜油炸鬼，索曬啲湯汁好好味，韮菜餃皮薄，咬落去仲有肉汁流出😋。波波雞飯 ：拎到埋黎我“嘩”🤩🤩左一聲，個飯波好大個好得意呀，份量其實都好多，油飯很入味，醬汁原來有小小辣🌶️味，性價比高。炸墨魚卷：即炸脆卜卜，好彈牙。**見到隔離枱叫左“炸芫茜牛肉波”，都係大大粒好搞笑，下次試下先。📍BnR📌荃灣大壩街65號地舖#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處#ilovefood #hkfood #香港美食 #美食推介 #美食日記 #BnR #港式粉麵 #大壩街 #濃雞湯 #鮮魚湯 #特色湯

一間令人有驚喜既湯麵店😋🔸胡椒豬肚釀魷筒淮山麵 （$76）-胡椒豬肚湯多辣，無味精 飲完唔會口渴-豬肚夠爽口，仲有油炸鬼，木耳，釀魷魚筒-淮山麵都好好味，煮得岩岩好 唔會太淋🔸波波雞飯 （$65）-用油飯整成既波波球飯，飯好香亦唔會太油-海南雞份量多同好滑口🔸炸墨魚卷 （$42）-即炸墨魚卷好脆，令人忍唔住不停食-味道岩岩好，墨魚滑都好彈牙🔸青提梳打（$36）-飲落好重青提味，加埋梳打水一齊好夾📍BnR地址: 荃灣大壩街65號地舖

早排上網見到荃灣有間新開主打做濃雞湯 鮮魚湯同埋特色湯既餐廳 主打係食雞 有飯 有麵 有好多小食飲品 今日大約晏晝五點幾到餐廳 未到晚飯時間冇乜人 座位好闊落 坐得幾舒服我地叫左一個波波雞飯 未黎食之前俾呢個波波雞飯吸引左 覺得佢個波波飯好特別 好得意 係出面餐廳都未見過 一上到枱 個波波飯仲係熱辣辣出梗煙 以為會好細粒 點知原來係有四大粒 粒粒都好圓好大 食落好香口 鹹鹹地好夠味 飯軟硬度適中 雞既份量都有好多 雞皮爽口 雞肉好嫩滑 藥膳雞准山麵 揀左米線 湯底好香好濃藥膳味 雞既份量一樣多 好嫩滑 米線好彈牙 仲有半條油炸鬼 好香好脆 魚湯淨手工韮菜餃 份量好大 有八大粒手工餃 湯底係好濃好香既魚湯味 手工韭菜餃皮薄 好多餡 好足料整體黎講 餐牌選擇多 份量好大 價錢合理 值得一試

係荃灣行街經過，見到新開無幾耐就試下先👍🏻#藥膳花膠釀魷魚筒准山麵 （$88）一拎上黎就好往藥材湯味攻陷嗅覺👍🏻👍🏻係有啖啖藥材味既雞湯 好鮮花膠同魷魚筒好足😍😍魷魚筒入面釀左墨魚膠/魷魚膠 好飽滿 亦易咬准山麵煮得岩岩好 唔會過淋花膠最食到藥膳既酒味#波波雞飯 （$65）俾左雞胸 唔鞋好滑冇煮到過火👍🏻👍🏻醬油帶少少甜 有豆豉碎 點雞夠哂惹味 波波飯係雞油飯 好夠味又唔會太油膩以為波波飯會好細份，原來唔係食完夠哂飽😂

呢間餐廳一出荃灣廣埸過條馬路就到，勁方便。入面裝修唔似一般米線店，走簡約休閒風格，絕對坐得舒服。波波雞飯 $65★★★★☆雞飯整到波波狀真係好得意，成個賣相好特別，唔好睇少個4粒波，大大粒份量好足。雞飯每舊都係新鮮搓成熱辣辣，上枱仲冒住煙。雞飯軟硬剛好，食落有啲香茅香料雞油香，唔會淡某芋某。雞件用黃油雞，雞皮幾爽，就算雞胸位食落都唔算好茶口。最精髓係佢個醬汁，用左洋蔥炸香完去煮，食落甜甜地帶啲洋蔥香，撈飯點雞都一流！藥膳花膠雞淮山麵 $82★★★★☆個湯底有藥材味，加左紅棗、杞子等，飲落幾清甜，配落幼細爽口嘅淮山麵都幾襯。冇咩味精，飲左好多湯都唔見有口渴。花膠都有兩舊，爽滑冇腥味。雞肉好多舊配埋個湯都幾唔錯。另外仲有條細嘅油炸鬼，點湯食一流！整體好順口唔會太藥材味令到人卻步。炸墨魚卷 $42★★★★☆墨魚卷外面用腐竹包裹住，炸完之後勁香脆，入面墨魚卷夠彈牙有咬口，有墨魚肉，唔會正係粉漿，點埋個泰式辣醬，正。鍾意食香口野必點。🌟總括：湯底冇味精幾健康，雞飯賣相特別，整體味道唔錯，經過荃灣可以一試。

荃灣廣場附近又開左新店😆咁愛米線嘅我當然要去試😎餐廳主推藥膳雞湯湯底🍜特別推薦花膠釀魷筒淮山麵, 將墨魚滑釀入魷筒真係夠晒特別!! 仲有得食油炸鬼！而且配料非常足🤭花膠釀魷筒淮山麵 $88全部淮山麵都可以轉河粉、米線或泡飯! 所以如果唔鍾意淮山麵嘅口感,都有其他選擇㗎✨我今次就轉左河粉！雖然面唔係太多,但係配料好足夠,所以我都係好飽🤣除咗有兩大塊花膠, 三件大大嚿釀魷筒,仲有炸油炸鬼! 配上藥膳雞湯湯底真係好好食😋 不過冇諗到配菜仲有粟米芯同埋雲耳🤣餐飲 冰泡菊花蜜 +$8冇諗到係樽裝！不過有啲覺得太甜了🙈波波雞飯 $65呢個波波飯賣相真係好可愛🤣同埋實物比相更加大份！朋友淨係食咗兩個波已經覺得好飽🙈感覺嗰度有兩碗飯🍚雞好滑,不過有啲可惜係個飯係類似海南雞飯嘅飯, 但係唔係好入味~ 雖然都好粒粒分明！餐飲 凍奶茶 +$5 正常發揮炸墨魚卷 $42呢個價錢有4件, 略嫌有少少貴🙈不過味道係好食的!!

今日去荃灣做嘢，喺大壩街見到呢間，第一眼睇裝修以為係cafe，諗住入去嘆冷氣飲杯咖啡蛇下， 點知去到門口睇餐牌，原來係賣米線。準備調頭走去街尾，點知門口姐姐好有禮貌咁講解佢哋啲米線有咩特別，我見佢講到身水身汗，就問佢有冇咖啡飲，佢話有，咁我就入咗去。睇餐牌比波波雞飯個名吸引左，睇相啲飯真係搓到一個個波咁，再加埋海南雞，諗住橫掂要食lunch咁就試吓。出餐都幾快，我先試海南雞，掂喎，滑、有雞味、點埋啲醬油，真係唔錯。再試埋啲飯，有啲扣分嘅係我以為佢哋搓到一啖一個， 出嚟個份量原來都幾大粒😆 不過食落都唔錯嘅總括嚟講，呢間嘢我會再嚟試埋佢哋嘅米線，如果都係有驚喜，我會納入我荃灣食堂之一👏👏