泰屋

營業中

休息中

朋友帶路今晚去旺角TOP隔離棟大廈食泰菜，雖然樓上餐廳座位不少，但晚上7點來幾乎滿座。相信大家為食而來，味道滿意留到食客心。美食選擇多一時花多眼亂，點了幾款都咁好食，而且價錢經濟，回頭指數相當高。泰國金柚鮮蝦沙律 $98爽口大蝦四隻，金柚份量唔少，味道清甜飽滿多汁，撈左酸甜醬汁加椰漿，美味開胃。泰式沙嗲 (半打) $85 雞豬各三串，大大串啖啖肉，而且好入味，醮埋沙嗲濃郁惹味。冬陰公鮮蝦湯 (細) $88 二人份量有多，湯味香濃酸甜開胃，湯料有大頭蝦和大量秀珍菇都好足料。印尼海鮮炒貴刁 $88賣相普通味道又唔錯喎，貴刁大大片索汁好夠味，份量唔少配料十足，海鮮青口魷魚大蝦皆見，仲有粟米芯、紅椒青椒絲、蛋絲、洋蔥樣樣有，都幾好味。

春天嚟咗一排，又翳又濕嘅感覺令人好贅重，想去濕除咗飲湯水，上去726食吓泰國嘢不失為一個好提議大胃怕怕地食沙律，不過金柚另計，啖啖唔酸又好甜，仲有好大隻嫩滑嘅蝦，淋上椰汁係好特別嘅做法，令到佢更加惹味，加埋腰果，口感滲雜但過癮通菜炒得好香，唔多食蔬菜嘅大胃，竟然爭住將呢碟菜夾清光，辣椒同醬料非常吊味，絕對醫得好蔬菜恐懼症冬陰公亦係好合大胃口味，從未試過飲冬陰公飲到會勺多碗湯，追住飲，味道香濃，材料豐富，最緊要唔會酸到飲唔到先啦菠蘿炒飯個樣盤滿砵滿咁，實情啲料又真係幾多，有大大塊蝦、魷魚、青口，雞肉等，而且炒飯索晒菠蘿味，睇嚟係幾新鮮呢間晚市嚟講都算抵，唔怪越食越多人walk-in

今晚同朋友去食泰國菜, 一行5人柯打了以下菜式 :1. 蒜蓉炒泰國椰菜苗 ($85)2. 泰國金柚鮮蝦沙律 ($98)3. 泰式沙嗲 ($85) - 雞肉, 豬肉各三串4. 泰式珍寶拼盤 (蝦餅, 魚餅, 素春卷, 雞中翼) 大 ($218) 小 ($138)5. 冬蔭公鮮蝦炒飯 ($85)6. 原個菠蘿海鮮炒飯 ($98)7. 泰屋甜品拼盤 ($138) - 有芒果糯米飯, 迷你椰青肉綠豆糯米糍, 椰汁西米糕 × 4, 千層糕 × 2, 芋頭糕 × 2, 蛋菜糕 × 2食物水準正常, 服務好, 侍應會時不時主動幫我哋加水.P.S. 訂位時講明用膳時間為90mins, 不過之後冇人喺出面等位, 我哋可以繼續坐~

2019年1月23日。晴。旺角。除咗日本嘢，泰國嘢都係另一至愛～呢日就卜咗枱食呢間泰國餐廳成個場唔算大，建議卜枱，因為餐廳都好受歡迎我哋共點半左右上到去，前面有個無卜枱嘅客，已經要等到八點半先有枱餐牌有晒啲散叫嘅菜式，另外都有套餐，但就四人餐起計醃肉碎生菜包，$85少少辣，多多趣～豬肉好惹味，仲有肉汁，唔會好乾身包成生菜包就更清新份量非常多，生菜食晒仲有好多肉碎，最後撈埋落個飯度加餸，又夾喎！一流！炭燒豬頸肉，$80豬頸肉份量亦絶不欺場肉質爽脆，再加埋個鹹酸醬汁，泰式風味湧晒出嚟～冬陰公鮮蝦炒飯，$85一直都非常鍾意冬陰公湯，有時仲會喺屋企自己煮添～見到餐牌上有呢個冬陰公炒飯嘅組合，覺得好神奇所以喺好奇心驅使之下就嗌咗，想知會係咩味結果原來係好夾喎！冬陰公味還原度高，有香料味、有酸味、配料都齊埋，正！泰國金柚鮮蝦沙律，$98柚子唔似平時啲沙律咁係一粒一粒嘅，呢個沙律嘅柚子係成梳成梳嘅！用料十足～沙律醬亦較濃郁惹味～泰式奶茶，$25色澤金黃，茶味濃厚～清甜好味～～

又同朋友出旺角飯聚，今次揀間泰菜，抵食又好味，岩哂夏天食。泰國金柚鮮蝦沙律 $98，睇落細細碟，原來都有四隻蝦，金柚份量也算多。金柚飽滿多汁又甜，仲有清新果香，配爽口大蝦，醬汁微辣帶酸甜，仲有椰子香，清爽開胃。泰式沙嗲 $85，有牛、豬、雞，可選兩款，份量半打，都好啖啖肉，燒得幾香口。牛肉夠嫩腍，唔會乾，沾沙嗲醬更惹味，個醬有花生粒，亦帶果仁香，不像一般餐廳的偏甜，咸味剛好。雞肉有彈性，比牛肉更有咬感。迷你小食雙拼 $82，原本想選香葉包雞，但無哂，所以揀魚餅，而蝦餅係我常點的小食。小食即點即炸，真係好熱辣辣，蝦餅炸得香脆，個炸皮好正，蝦膠極爽彈，有蝦肉粒，啖啖肉之餘，有蝦味突出，食完唔膩。魚餅令我驚喜，估唔到冇我食香葉包雞，但魚餅都唔錯，魚肉真材實料，也微彈好咬，仲加左豆角粒增加口感，味道很泰式，因為好重香料味，食出明顯的香茅風味，好好食。原個椰盅海鮮焗飯 $88，唔好睇表面個層椰漿好少會唔夠味，的確加了椰漿味道更香更濃，但個飯加左椰青水煮，越咬越出椰子味，炒得粒粒分明夠爽口，配埋海鮮食一流。蝦爽滑、魷魚好彈牙、青口肥美脹卜卜，不會腥。整個飯份量頗多，保證飽肚抵食。鮮芒果糯米飯 $4

東南亞菜方面，最鍾意喺泰菜同馬拉菜，睇番自己嘅食評，原來都有一段長日子無食泰菜，可以講喺一時癮起，同老婆揀咗晚閒日食番餐泰國嘢。泰菜館唔喺咁多心水，不過，佢話出開始創入啲雜貨，網上搵搵就點中「泰屋」。726呢幢商廈都嚟過幾次食嘢，知道每層格局大概喺點，一出電梯就喺餐廳。不過，店家巧妙架起一道屏風，予人感覺分番用餐區區域，而內裡裝修摩登簡約，無傳統泰菜館滿天神佛般俗氣。深啡嘅木餐枱，配搭青綠色梳化椅，幾有種小叢林嘅氣息，而最喜歡喺近窗天花掛滿綠葉，雖然明知喺假嘅，但令餐廳睇起嚟更好睇，如果天花都掛多少少，整體感覺仲好。依家好多餐廳都提供免費wifi，大多數都需要密碼，既然又開放俾客人用，但絕大部分都唔會擺個密碼出嚟，吓吓要問店員就嘥佢哋時間啦，「泰屋」就好喇，索性印埋問張枱墊紙度，唔使多此一問！香港嘅泰菜館一向都提供好多款菜式，由頭盤、燒烤、湯類、沙律、蔬菜、咖喱、肉類、海鮮、飯品、粉麵、甜點都一應俱全，唔使點數，目測一次都睇出足足有過百款食物。飲品方面，除有慣常見到嘅泰式特飲，如椰青、珍多冰、三色冰……之外，仲有一系列特色沙冰，以及啤酒、餐酒。咖啡榴槤沙冰 $38咖啡、榴槤兩種皆喜愛嘅

今晚很想吃泰國菜，又唔想吃來吃去都在九龍城，自然搜尋Openrice，見到這裡都幾多好評，抱著一試無妨。這裡裝修都以綠色為主，唔算豪裝，不過都幾舒服，我們六點幾就到了，未係好多人，即刻點菜，上菜速度好快，之後食完走人，因為七點幾已經有人在等位。泰國金柚鮮蝦沙律($92)內有，椰子絲、紅蔥、香茅、蔥碎、辣椒碎、柚子、蝦，咬落酸酸甜甜，又辣辣地，又有椰子香味，仲有四只中蝦，呢個好開胃又好味😋😋😋，作為前菜最啱👍👍👍泰式炸蝦餅($78)，有四件，切開為八塊，上檯時已經聞好香，外皮炸得好脆，蝦肉好彈牙又有蝦味。辣椒膏肉碎炒河($68)，食落有金不換的香味，而且河粉炒得好熱，夾起河粉會出煙，河粉比其他泰菜闊，不過好軟滑，唯一缺點係有些河粉未鬆開，所以有些比較厚，如果唔係我會俾90分。飛天炒通菜($72)，用蒜頭粒、辣椒粒、鹹魚粒、蝦米碎加通菜炒成，好好鑊氣，而且無過火，鹹淡適中。鮮芒果糯米飯($45)，之前外面吃到全是凍的，這裡用黑、白糯米蒸到好熱，所以飯質好軟熟，而且帶出椰漿的香味，水鮮芒唔係太甜，而係好香芒果味，呢個甜品我最欣賞👍👍👍👍上菜速度快，鑊氣又夠，食物質素幾好，下次再來。上菜速度快