Orange Elephant Thai Restaurant (利奧坊) (已結業)

大角咀食好西系列又嚟啦～ 小店位於利奧坊地下，由泰國人主理嘅地道泰國餐廳🇹🇭 更提供泰國過江龍Mango Mania嘅飲品🥭 新舖裝修以簡約風為主，環境舒適寬敞，店員服務態度友善，真係唔可以唔去食呀！🥘 泰式拼盤選擇困難症人士必點之選😳 有齊蝦餅🍤 魚餅🐟 春卷🫔 同竹葉燒雞🍗 各兩件～ 上枱時熱辣辣💖 炸物外皮酥脆，炸粉夠薄身而且唔會分離，內裡彈牙爽口，香料味亦足夠😍 香葉包雞就比較特別，雞肉嫩滑多汁，都幾得意～ 🥥 椰青焗海鮮飯採用原個椰青焗😋 賣相可愛超級打卡able💗 餡料包括魷魚🦑 蝦🦐 提子乾🍇 蘿蔔🥕 腰果🥠 等～ 面頭仲有滿滿嘅椰汁添🥰 味道香甜但完全唔膩🤪 整體份量十足，最啱同朋友開心share嚟食👫🍍原個菠蘿海鮮焗飯又係賣相吸睛嘅一道菜色😜 配料同椰青焗差唔多，但加埋菠蘿同肉鬆酸酸鹹鹹咁味道非常開胃😳 每一啖都好似尋緊寶咁，幸福感滿滿🧡🥭 Mango Mania 係真嘅芒果呀！味道濃郁，香甜可口而且飲落去好順滑～ 🥤 椰子冰估唔到椰子味咁出😳 味道清甜但唔膩，消暑一流😍

大角咀多左新樓盤, 附近都多左好多好西食😆而間橙象就係博文街搬到去利奧坊, 住係附近既業主有福啦😝🔸冬陰公湯底胡爐烏頭魚 ($179)又想飲冬陰公湯, 又想食魚,而個餸就可以一次過滿足曬你✌🏻魚幾大條🐟肉嫩, 仲有d蔬菜同菇墊底, 索曬d湯味😋仲有一碗冬陰公湯另上, 俾你唔夠湯時加, 不過我地就咁飲曬😝酸酸辣辣, 屬於微辣, 超級開胃, 好快就食曬🤣🤣不過魚要趁熱食, 如果凍左就有d腥🙈🔸咖哩海鮮脆包盅 ($155)咖哩香而不辣, 充滿蛋香, 好惹味😍海鮮有魚蝦魷魚同青口, 都幾豐富🐟🦐🦑🦪麵包外脆內軟, 吸收曬咖哩汁, 超級正😁🔸泰式拼盤 ($158)拼盤包括蝦餅, 魚餅, 春卷, 同 竹葉包雞🍱每樣都有2件, 唔洗同fd爭住食😆全部都好香脆, 包雞就仲keep到嫩滑, 正😉🔸芒果冰特飲 ($36) 芒果味好清甜, 而且超多芒果肉, 消暑一流呀🥭🔸凍泰式奶茶 ($32)奶茶醇滑微甜, 茶味香, 唔似平時d thai tea得個甜字☺️食泰國菜唔一定要去九龍城既😝大角咀都食到架!!😆食完而個仲可以行兩步路去隔離街食芫荽心太軟🤣🤣評分: ⭐️⭐️⭐️⭐️

平時工作好忙，好耐冇同老公二人世界👫🏻今日難得放假，決定去大角咀食lunch兼拍下拖😇💜之前老公話好想食泰國菜，於是我哋上網搵吓大角咀有咩好嘢食😋結果發現原來呢間Orange Elephant 大角咀都有，之前我哋食過九龍城嗰間，覺得性價比好高，所以決定來呢間店試一試先！😋😋😋我哋由旺角東出發🍄搭小巴好快就去到大角咀，嚟到先知，原來呢間餐廳最近由博文街舊鋪，搬咗去新鋪利奧坊樓下😯😯😯新鋪個位喺正商場下面🤓可以話非常方便同易認👍🏻👍🏻👍🏻大角咀利奧坊新鋪門口招牌大大個，好易認😆😆店舖內部裝修好有泰國風情，有啲似去咗度假感覺😆😇我哋一共嗌咗三款食物，另外再加多兩杯飲品，分別係：💜泰式拼盤💜泰式海南雞（ 半隻）💜椰汁青咖喱海鮮🌸新鮮芒果汁Mango Mania🌸熱薑茶我哋唔客氣啦泰國菜😍😍😍💜泰式拼盤泰式拼盤包括蝦餅、魚餅、春卷、以及竹葉燒雞，每款都有2件☺️唔使驚唔夠分😂蝦餅同魚餅新鮮炸起，非常香脆🤭💜泰式海南雞話就話係半隻，但係海南雞份量超級足😯食落口啖啖都係肉😁而且雞肉非常香滑嫩口，雞皮爽脆，令人忍唔住連雞皮都食埋☺️☺️☺️💜椰汁青咖喱海鮮呢個青咖喱海鮮，份量又係十足，入面有好多唔同海鮮料，

好耐冇見嘅大角咀朋友約我食飯，我哋就選址Orange Elephant Thai Restaurant。呢度做緊推廣，每日都有$1指定菜式，真係好抵！食泰國菜當然要食泰式拼盤，可以一次過滿足晒幾個願望。炸蝦餅大大件又夠彈牙，就算唔食拼盤都一定要食佢。春卷外皮脆卜卜，入面嘅餡料都好食。魚餅就比較濃味，充滿泰國嘅味道。香葉包雞嘅雞肉幾嫩滑，仲帶有香葉嘅味道。每逢見到咖喱包都忍唔住要叫返一份，呢個咖喱海鮮脆包盅有滿瀉嘅咖喱汁。入面有好多唔同嘅海鮮，大蝦、青口、魷魚等，配埋又甜又香嘅咖喱真係好食。另外仲揀咗椰青焗海鮮飯，厚厚嘅椰漿淋喺焗海鮮飯上，撈飯一流。焗飯入面就好多配料，除咗海鮮，仲有烘得香口嘅椰絲、腰果等，夠哂豐富。最後嗌多兩杯凍飲，珍多冰同泰式奶茶飲完更加透心涼。