Check In ThaiViet (已結業)

餐廳主打泰國菜同越南菜，咁就可以一次過食晒兩個地方嘅嘢食～▪️水果杯一坐低就會送上水果杯，有提子同埋紅火龍果，好貼心▪️雞酸辣椰汁湯味道比較平和，唔會太酸太辣，椰汁味突出，入面仲有唔少雞肉▪️軟殼蟹米紙卷（4件）米紙卷入面除咗有軟殼蟹，仲有牛油果🥑、紅蘿蔔🥕、青瓜🥒、生菜🥬，口感層次豐富▪️泰式原隻燒魷魚原隻燒魷魚都幾大隻，燒得好香口，食落好腍，唔會靭▪️飛天通菜通菜保持爽脆口感，辣辣哋，幾惹味▪️泰式炒金邊粉金邊粉炒得夠乾身，撈埋側邊嘅辣椒粉同花生，食落帶少少辣，幾香▪️黃咖喱牛肉配白飯呢個係lunch set，配上泰式青木瓜沙律，青木瓜清新，少少酸，好開胃。黃咖喱▪️泰式椰子雪糕紅豆冰面頭一大球椰子雪糕，而杯入面都有好多紅豆，好足料▪️泰式奶茶杯入面有以泰茶整成熊仔造型嘅冰，好得意🤩，另外有一壺泰茶可以自己倒入去，再溝埋杯底嘅煉奶，飲落茶味濃郁，唔會好甜▪️芒果糯米飯有三種糯米飯，除咗普通白糯米飯，仲有紫糯米飯同溝咗薑黃粉嘅糯米飯，好特別，而且煮得軟糯，配上清甜芒果🥭，食落鹹鹹甜甜，滿足Check In ThaiViet📍上環新街15-17號地舖

之前喺IG見到有人分享Check In ThaiViet嘅熊仔冰泰茶，感覺幾吸引，今次去開上環就過去打卡！泰式香辣肉碎生菜包（$108）擺盤好靚，生菜新鮮爽脆，肉碎用咗洋蔥、豆角、辣椒等炒香，非常惹味！越式米紙素卷（$78）米紙卷入面除咗有新鮮沙律菜，仲有熟度完美嘅牛油果，健康之選！串燒沙嗲（$108）有齊雞、牛、豬，每條肉串都先經醃製再烤，非常入味，自家製沙嗲醬口味獨特，微酸微甜加上花生香。泰式奶茶（$38）我就係為咗佢而黎😍杯入面有已調味嘅奶底同得意熊仔茶冰，然後客人自己倒入茶，飲落茶味香濃又唔會過甜！泰式椰子雪糕紅豆冰（$48）幾有驚喜！個人超鍾意呢度嘅椰子雪糕，椰味香濃之餘，椰肉又有咬口，紅豆冰整體較甜！

Lunch包湯🥣/沙律🥗 + main✨雞酸辣椰子湯/泰式青木瓜沙律💫評分: 8/10📝望落好似得一細碗，雞都幾滑，呢款俾冬陰功更加飲得出椰汁嘅香濃，正宗嘅味，如果大碗啲就好，另一款泰式青木瓜沙律都好就俾平時嘅辣！✨泰式金邊粉💰78💫評分: 7.8/10📝金邊粉炒起熱辣辣唔會好油膩，蝦仁都有3大粒夠爽口，側面有辣粉、花生碎同青檸，用蔥炒好香口！✨青咖喱燒雞配白飯💰78💫評分: 8/10📝就算燒雞浸晒係啲青咖喱都仲帶啲香脆，青咖喱辣度比較輕，入面有青豆、豆角、泰式茄子，送飯一流‼️✨布吉蟹肉咖喱米線💰98💫評分: 7.9/10📝咖喱湯底都幾濃郁，真係有粒粒蟹肉，啲米線吸晒啲湯，仲有好多蔬菜好健康！👍🏻Lunch set加$可以有飲品✨泰式椰子雪糕紅豆冰 (+💰25)💫評分: 7.5/10📝想飲特飲跟餐加＄，紅豆🫘吸晒啲汁，椰汁加椰子雪糕，椰味好重，透心涼！ℂ𝕙𝕖𝕔𝕜 𝕀𝕟 𝕋𝕙𝕒𝕚𝕍𝕚𝕖𝕥📍上環新街15-17號地舖(西營盤🚇A1出口行5分鐘就到)💫評分: 7.9/10💬西營盤同上環中間嘅小店，餐廳比較細，2-4人嚟比較好！當日平日中午有人想walk-in都無位，所以如果想一定有得食可以bo

呢間有半開放式座位嘅泰國餐廳位於上環同西營盤之間嘅小巷，牆上畫滿可愛嘅手繪圖畫，甚具特色。𖦹 菠蘿海鮮炒飯 $98  以原個菠蘿上枱，賣相十分吸睛，滿滿嘅肉鬆同埋腰果，加上蝦、魷魚、蟹柳、原粒菠蘿等配料，極為豐富，飯粒炒至粒粒分明。𖦹 軟殼蟹米紙卷 $98半透明嘅米紙入面係軟殼蟹、牛油果、紅蘿蔔、青瓜同埋生菜，點啲酸酸甜甜嘅醬汁，開胃之選。𖦹 青木瓜鮮蝦沙律 $88爽脆嘅青木瓜絲加上鮮蝦，撈埋酸辣嘅醬汁，非常清新，夏天食就一流。𖦹 泰式凍奶茶 $38衝住隻熊啤啤而嗌嘅thai tea！只要將啲茶入個杯到，佢就會浮返上嚟重見天日㗎啦，搞勻杯底嘅煉奶再飲，入口唔過甜，茶香四溢，仲帶啲花(?)香。𖦹 泰式椰子雪糕紅豆冰 $48椰子雪糕濃郁得嚟食到啲椰子肉，好驚喜，如果可以再多啲紅豆，相信口感會更佳。