Tiramisu' Lab (已結業)

Tiramisu（提拉米蘇）可謂是意大利最具代表性的經典甜品，雖然在香港尚算普及但要嘗到正宗口味亦並非易事。Tiramisu' Lab據知由中環意大利私房菜Segreto的意籍店主兼主廚Ermanno Lelli創立，除了可於網上訂購外現時可於中環、上環及尖沙咀門店購買現貨。作為全港首間提拉米蘇專門店，除了經典原味之外更有抹茶、士多啤梨、香蕉太妃派等創新口味，全部口味均沒有酒精成份，以方形透明膠盒盛載方便食用之餘亦適合當作散水餅。1960”經典提拉米蘇 ($48)沿用意大利家傳秘方加入原隻巴斯德消毒意大利雞蛋蛋黃及馬斯卡彭芝士（mascarpone）再於表面灑上可可粉，口感綿滑細膩，以濃縮咖啡浸泡手指餅濕潤之餘咖啡味齒頰留香。開心果米蘇 ($56)馬斯卡彭芝士混合開心果醬質感比原味更加軟滑，開心果味道溫和香醇，表面綴以開心果碎增添口感別具層次。泰式椰香芒果米蘇 ($52)三款當中又以泰式椰香芒果米蘇最為清新，甫打開盒蓋已有陣陣椰香撲鼻而來，除了表面放上芒果肉外中間亦加入芒果蓉，配以椰絲名副其實充滿泰式風味。

同朋友去中環街市行街，發現呢度充滿住好多唔同精緻糕點嘅小店！作為Tiramisu控 ，經過見到呢間Tiramisu嘅專賣店嘅時候，就已經被啲Tiramisu小盒子深深吸引住啦！呢到嘅Tiramisu蛋糕出名係用家傳秘方去製造，加入原隻鮮蛋黃混合mascarpone 芝士去打Tiramisu 嘅忌廉，務求令忌廉嘅芝士味更突出，口感更加creamy！材料方面都非常之講究，選料上乘，堅持選用全意大利材料！款式眾多，有啲口味嘅配搭亦非常創新～Pistachio Misu’ 開心果米蘇💰HK$56見到有開心果味咁特別，即刻聽唔住買返個開心果米蘇嚟食！表面充滿開心果碎，啲忌廉都係用開心果蓉混合打成，一食落去就感受到好濃郁嘅開心果香味，入口好順滑！估唔到開心果同Tiramisu都幾夾～Thai Coco Mango Misu’ 泰式椰香芒果米蘇💰HK$52朋友就簡咗呢款充滿泰國風味嘅泰式椰香芒果米蘇，表面有啲椰絲同椰肉做裝飾，中間果層有芒果肉，再配合埋啲芝士忌廉，食落個味道酸酸甜甜，好清新～除咗有Tiramisu 小盒子可以買嚟自私食之外，呢到仲有6人份量同埋唔同尺寸嘅生日蛋糕比人任君選擇！下次有朋

本身一向對甜品都有少少狂熱，尤其喺食自助餐時最尾梗係一大碟甜品作結，朋友都話見到人都癲。而晌自助餐裡面，似乎意大利芝士餅（提拉米蘇）好似喺必然嘅一角，今日食完晏，過嚟逛一逛中環街市，見到「Tiramisu' Lab」，發現有好多唔同口味嘅意大利芝士餅，非常吸引。估唔到意大利芝士餅都做到咁多款式，睇睇啲宣傳牌，寫住來自意大利家傳秘方，更喺全港首間提拉米蘇專門店，並標榜全以意大利材料嚟製造，自然有一定嘅賣點。先喺餅櫃望兩望，睇到唔同大細嘅意大利芝士餅可供選擇，所以，無論買一小個自己食，還是買一大個作為生日蛋糕一同共享都得。不過，眼見有啲款式都已經賣晒，店員話如果買大個裝嘅最好預訂心水口味，因為熱門口味都好易缺貨。鋪面側邊，仲有幾個吧位，買咗之後，想悠悠閒 坐喺度即場食都無問題。而我就買咗拎返公司慢慢嘆嘅，揀咗3款，據店員講都喺較多人揀嘅款式，我就純粹因為鍾意芒果，老婆就鍾意開心果，再試埋個經典原味咁就喺我哋嘅選擇喇。1960"經典提拉米蘇 $48傳統做法梗用意大利手指餅，而唔喺用海綿蛋糕啦，而手指餅浸浸咗咖啡，所以食落去嘅時候口感夠晒濕潤，但就喺無加酒嘅版本，比較老少咸宜；中間嘅馬卡風芝士