Orange Elephant Thai Restaurant (博文街) (已搬遷) 新店位置

老媽子約我放工食飯，佢話係大角咀先探朋友，同埋佢揀左呢間橙象食泰國野🤤。記得我都食過呢間係九龍城既分店，都幾好食而且抵食，所以就再冇異議。睇地址以為係大角咀偏遠地區，原來係奧運站行落去3、4分鐘就到架啦，好方便! 阿媽揀得好😜! 餐廳地方都算好大，又有大圓枱又有卡位，我地7點到已經滿左6成，到食野既時候都差唔多滿哂，應該有唔少都係街坊，應該都幾好口碑同好食既!餐廳而家仲出埋一蚊一個餸，想唔叫都唔得! 今晚就係黃咖哩雞🥘。但老媽子又話好想食海南雞，好啦，全部都係雞，冇咩所謂既。食唔哂反正都係佢食特飲都好好啊，椰青🥥好青甜，芒果冰🥭好香濃芒果味，夠哂足料!一蚊餸得黎一D都唔hea，當然唔會話好大份，但兩個人食都好足料，除左有雞仲有唔少配菜，有齊洋蔥、紅蘿蔔同薯仔，而且煮到好入味。呢個黃咖哩比較溫和，椰香同咖哩味配合都幾恰當，最好就係一D都唔辣，媽子都大讚~菠蘿🍍海鮮炒飯好足料，半個菠蘿對上仲筆到好滿，4人份去食都有剩啊! 而且炒得好有鑊氣，唔油仲又有海鮮同肉香，因為有唔少臘腸，海鮮一樣又大又足料，有魚🐟有蝦又有青口帶子同魷魚🦑，食極都仲有，不得了。我地食到好開心，攪到隔離枱既情侶都跟住叫呢

$1 一隻雞好似間唔中都見到、但$1 一條魚🐟真係第一次見！。泰式明爐烏頭魚。一入到已經見到每檯都有條烏頭魚😆星期三限定既一蚊魚、當然唔可以錯過。味道唔算太濃、唔太辣、算係比較清淡既泰式魚。入面有D椰菜、一齊煲完吸收左魚湯既味。鹹肉炒椰菜苗。夠穫氣！菜苗新鮮清甜、完全唔會有苦味。。泰式海南雞。雞肉都幾滑、配埋個泰式辣醬好好味！2個人食半隻雞，好快就食曬！。芒果沙冰同椰青。芒果🥭沙冰味道清新、不過好似淡左D、如果加多D果肉、口感應該會更好。椰青清甜爽口多汁！食泰國嘢必飲！。環境。室內環境比較西式同開揚。整體感覺唔錯、而且餐單都仲有好多菜色選擇、今次試食完、下次都可以encore再食其他菜色！

九龍城既泰國菜餐廳Orange Elephant原來係大角咀開左分店喇!! 而且地點更近港鐵奧運站, 交通比起九龍城總點更為方便。幾個月前食過九龍城既Orange Elephant, 印象中食物質素唔錯, 所以我就預早book定檯今晚一家人一齊食返餐泰國菜。榜晚六點半左右, 餐廳內人流較為少, 不過大約近8點左右, 餐廳內人流明顯較多, 門口更有唔少人等位入座。門外更貼著一張宣傳廣告, 每晚九點後, 都有7折優惠, 真係抵!!呢間分店既menu其實跟總店的完全一樣, 我地就揀左幾款share齊齊食。【椰汁冰】HK$26很甜, 不過等d冰溶左, 甜度好少少, 解辣既好選擇。【泰式香茅炸豬扒】HK$1$1優惠係每日唔同, 而今日係星期日, 香茅炸豬扒就做緊一蚊優惠。賣相唔差, 雖然溫度上唔似即炸, 表面沒有明顯脆口, 但點上泰式酸酸辣辣既汁, 都幾惹味, 一蚊算係咁啦~【泰式海南雞(半隻)】HK$112每次黎Orange Elephant我必食既一定係海南雞, 而且一直都KEEP到水準。海南雞色澤金黃, 更顯新鮮。無骨海南雞啖啖肉, 肉質嫩滑, 點上兩款醬汁, 令味道更加提升!【雜棉串燒(