泰苑小食

營業中

休息中

經過嗰兩層行仲快過搭嘅扶手電梯，又再嘟多次安心作為入熟食中心憑證後，推門就去番我熟悉嘅《泰苑小食》。是日免費搭車，加上自從通咗宋皇臺站之後，整個九龍城又躍動起嚟，於是帶挈埋呢區食肆生意。由之前企舖門口熱情招呼你入去坐，到依家唔齊人唔俾入，或限時交枱，或不容加單……因此呢啲繁忙時間，寧願去番啲規矩冇咁多嘅舖。其實泰苑唔算小食，絕對係小館。冇嚟將近一年，品質keep到，炸蝦餅又彈牙又脆，食多舊都唔滯。串燒雞牛豬本嚟就係家人必叫。呢間串燒肯定全熟，配點嗰個沙嗲醬汁亦好惹味，但就要不停強迫症咁自行𦧲哂啲燶肉邊……食緊熱氣嘢特別想飲沙冰，尤其現場冷氣唔大，體感廿五六度，嗌咗青檸、菠蘿，超大杯飲極都有咁。近來去泰菜館都愛上泰式炒粉絲，少少酸甜。粉絲、剝殼鮮蝦留尾、花生碎…..有齊滑、爽、彈牙、少硬顆粒口感。特別想食軟殼蟹，冇配青芒沙律改用咖喱，大概6件，食到其中一件有濃稠蟹膏喺口腔綻放不知何故有啲中細獎嘅感覺。

係人都知九龍城最多既係泰式餐廳, 但要搵一間又平又好食, 服務唔差既就唔係咁易, 有好幾間街舖又或者連鎖店都會大排長龍, 但究竟又係咪真係咁好食咁好服務呢 ? 講真自己都有試過果 D , 價錢貴就一定, 個人覺得食物質素麻麻至普通, 服務有 D 更不值一提, 所以識搵就一定會搵間平靚正, 就係市政街市 3樓呢間, 泰國家庭式店舖, 係呢度都開左十幾廿年, 價錢平質素好, 服務好呢度既沙冰飲過咁多次, 都係濃淡度岩岩好, 而且唔會一舊冰咁, 同時一定係新解生果即時製造, 冬蔭公既酸辣岩岩好, 湯料用足鮮蝦, 草菇同泰式香料而做, 再來就係每次必食既泰式生蝦, 雖然只係得 6隻, 但每一隻都係大大隻又厚肉, 再配埋苦瓜蒜頭泰汁一齊食, 而蝦頭就係炸到好脆又有蝦膏, 簡直無得 flight,  今次好似同蝦有仇咁, 另外叫左個咖哩蝦, 泰式黃咖哩汁味濃而唔辣, 再配埋新鮮蝦, 個咖哩汁可以叫個蒜蓉包點來食, 一 D 都唔會浪費咖哩汁, 泰式通菜, 少少辣好醒胃, 菠蘿海解炒飯, 甜甜地帶有好重既新鮮菠蘿味, 再配埋新鮮既海鮮炒飯, 另加一個泰式炒粉絲, 原來又係用海鮮來炒, 呢餐同 D 海鮮

九龍城泰國餐廳林立，但價錢實惠的又有幾多間？家人說都很久沒有食泰國菜了，今晚就來到位於九龍城街市頂樓的熟食市場晚飯。泰苑小食多年前爸爸已經帶我們來食，很久沒來，不知味道如何呢？事不宜遲，我們大食一族馬上點菜！無論去哪間泰國餐廳都必點冬蔭功(L)($90)。湯有一定辣度但不算很辣，適量的椰汁帶出香味不會搶去味道。湯裏的配料都算足，有幾隻蝦，還有大量菇。我們點了蒜蓉包(5件)($30)配咖喱食。包上的蒜蓉份量多，蒜味濃，在剛烘好的包上散發著吸引的味道。新鮮炸好的6件泰式炸蝦餅($60)體型較細，不過夠熱質感彈牙。另一樣我們全家都愛食的就是泰式炒金邊粉($50)。份量適中，調味不錯，只是炒得略為較濕，乾身一點會更佳。我們試了一個柚子沙律($65)。上面鋪著兩三隻蝦，蝦跟冬蔭公和炒金邊粉的蝦是一樣的。由於前面兩道菜本身有調味，調味也較濃，除了爽之外沒有在意蝦的味道。這個沙律清新，蝦都是爽的卻沒有甚麼味道。下面的就是柚子，冰涼的柚子肉多汁，香甜帶點酸十分開胃，吃的時候把旁邊的腰果拌起來很配，特別是夏天很醒胃剛燒好的串燒沙嗲(牛+雞)(6串)($60)很熱。無論是牛或者雞，燒過以後保留了本身的肉汁