泰仔美食

營業中

休息中

九龍城出名食泰國嘢，不過條街咁多泰國餐廳，有時都會有選擇困難症，唔知入邊間好。泰仔係睇網上推介知道嘅，佢地方都幾大亦算光猛整潔，午餐都好多人幫襯。香葉辣椒肉碎煎蛋飯肉碎新鮮調味又唔太辣，荷包蛋煎得啱啱好，整穿佢撈埋啲蛋汁一齊食，真係好惹味送飯一流。泰式炒金邊粉炒得算乾身，用料都足，上枱熱辣辣非常唔錯。見隔離其他食客差唔多枱枱都叫雞翼，應該都係呢度嘅名物，下次都要試下先得。另外要留意佢午市只做到兩點，如果想食就唔好太遲啦！

朋友住九龍城亦都係泰菜忠粉 每次都係佢帶我哋去九龍城食泰菜🇹🇭 今次果然好推介。去到門口已經好多人喺度排緊隊，有Walk in嘅亦都有訂咗位嘅。我哋4個大概等咗半個鐘都唔使就有位啦 期間發現”年輕”老闆張相掛喺門口😆 再望吓叫緊位嘅大叔”店員”，原來正是老闆😆好易認得出。 題外話講完～哈哈全晚最最最最欣賞嘅馬拉盞炒通菜火候🔥啱啱好，啲菜又唔老，每條都掛滿馬拉盞醬真係好惹味炒金邊粉甜甜酸酸岩岩好～最重要係唔會有一陣粉味好大碟嘅🥬生菜包好有肉汁估唔到呢個🐠烤魚幾好味肉質鮮甜~點唔點醬都咁好味少少辣嘅泰菜🇹🇭～配龍眼冰一杯～爽歪歪另外仲叫咗~泰式生蝦❄️~都幾大隻 又新鮮💦燒豬頸肉🐽都係必食推介其實仲有好多嘢想食尤其係佢嘅燒雞全翼～見到佢燒到好靚可惜我哋太飽啦下次想食記得要訂位啦泰叔喺門口等緊你~😆