泰旺泰國小菜

營業中

休息中

餐廳人流極高，中午個場會爆哂。成個餐牌都係$50內超抵食，又多選擇，有粉又有飯。泰國餐要有嘅都有都有。叫完嘢食之後，先聽到隔離有個客話咸肉炒飯/咸蛋黃雞粒炒飯? 超好食，要Anchor個香葉肉碎蛋飯都勁吸引、同事都話佢個泰式海鮮炒公仔麵好好食，下次一定會再嚟試試！// 泰式炒金邊粉中上質素！$50係超高質。勁足料，有超彈牙、新鮮、有咬口魷魚，仲有勁多蛋、櫻花蝦、蟹柳、蜆肉！！！加啲花生，完全係合格有突，水準超班！啲粉係源用泰式金邊粉，正常發揮，唔會過濕過乾。味道亦控制合宜，唔會太過重口味需要喝水。係廚房即叫即炒，聽到炒鍋器嘅聲，因為花咗啲時間等，上到嚟係熱辣辣、會冒煙，不過真係唯一可惜咁都未有食到鍋氣。

918：無骨豬手飯（$47）份量大，好多豬手，應該都有不下10件，豬手入味，有肥有瘦，有皮有肉，有筋有膏，醬汁味濃，整體不錯。另外仲配咗少量咸酸菜，特別醒胃。如果覺得肥膩，可以點酸辣汁，酸酸辣辣，無咁油膩。910：泰式炒金邊粉（$47）份量適中，鑊氣可以，金邊粉炒得唔濕淋淋，但可以再乾身少少就更好，至於味道正常發揮，酸酸甜甜。配料有幾多款式，豆卜、豆乾、芽菜、蝦皮、雞肉、雞蛋、蔥、花生碎。午餐奉送熱飲，凍飲另加$2，沒有加一服務費。