泰屋

營業中

休息中

媽咪帶我哋去試食泰國嘢第一次嚟到依間餐廳覺得都唔錯幾大間舒服環境幾好、食物方便生菜包整得幾好食夠辣同埋夠乾身炒得！另外金邊粉都吵得好好食唔會太濕，金邊粉上邊仲有個單薄嘅蛋皮包住，賣相好唔錯好靚！炒飯方便就主要係叫俾小朋友食因為唔會辣！個炸蝦餅都好好食😋小朋友食完話想再食多啲...價錢方便正常啦，有加一服務費！唔算好抵食，但味道都唔錯，值得一試嘅！個蒜蓉包就小朋友都非常鍾意食，但係就冇嗌到咖喱點嚟食，就咁食已經好好味😋

我成日都去九龍城食泰菜，質數不洗講一定高。但近日天氣凍凍地真心不想長途跋涉四圍覓食。見到樓下開了間泰屋不防試試它們水準。裝修高雅有泰國風情，感覺舒服，同朋友食飯不錯選擇。簡約木系檯面，地方都開揚，不係擠迫。首先 order我最愛的芒果沙冰,好夠芒果味道，可惜天氣冷，要慢慢飮先可以完成。這個真是必食原個椰盅海鮮焗飯，出煙椰汁漏出來，有好多椰子粒做炒飯底。有大蝦、魷魚、青口、帶子，仲有其他蔬菜配合做炒飯底。之後再原盅去焗，要二個人先食完。醃酸辣鳳爪味道酸辣適中，又無骨，又有酸辣菜一齊食十分開胃，也是泰國菜特色。但嫌細碟少少。這個又真的不錯，啖啖蝦肉，不多粉，炸嘢最緊要新鮮炸起熱烘烘不油膩。再點上泰式辣汁再配一支啤酒就一流😋食完肉要叫個菜平衡飲食金字塔。芥蘭出奇地爽甜, 配上咸肉是我之愛，二個人食完真的滿足。二個人埋單每人百幾元是好合理及抵食，下次再幫襯.

喺附近番工，食到厭哂咁滯，今日收工近近地，揀左呢間之前都食過嘅泰國菜番兜，費事行黎行去。呢棟大廈都幾多野食，偶然都喺度食晏。泰屋位於2樓，餐廳位置都幾多，裝潢都係普通餐廳一般，冇乜特別，以綠色為主，望落舒適。平日晚上都有唔少客人，我地被安排到角落位置，唔會太嘈，可以靜靜地食個飯。餐牌供應前菜、小食、湯、燒烤、蔬菜、沙律、咖喱、泰式小炒、海鮮、粉麵飯、甜品、飲品等，基本上要嘅款式都有齊，價錢都唔係太貴，人均百零二百蚊泰式炸蝦餅 $78印象中我上次黎都有食蝦餅，都覺得幾好食，所以今次再點。一份四件，剪成半份，蝦餅新鮮炸起，唔會太厚粉，外層十分香脆。蝦肉都有彈牙口感，呢個價錢唔貴，質素都可以呢椰汁鮮雞湯 $88湯品方面有冬蔭公、粉絲什菜、椰汁雞、椰汁海鮮、魚肚羹等，定價$72-148。按平常集慣就應該點冬蔭公嘅我，不過見最近食泰國野都係飲呢呢樣，咁諗住玩下新花神，試下椰汁雞，可惜冇少少失望，都係飲番冬蔭公會穩陣啲，起碼預左係重口味。椰汁雞湯，基本上就係全碗椰漿調味再加熱，本來預期會係清清地、清新嘅味道，實際就比較鹹，鹽放多了吧。湯嘅質地唔會太稠，不過實在太鹹鮮雞都不過係啲普通雞柳，冇乜特別，

今晚很想吃泰國菜，又唔想吃來吃去都在九龍城，自然搜尋Openrice，見到這裡都幾多好評，抱著一試無妨。這裡裝修都以綠色為主，唔算豪裝，不過都幾舒服，我們六點幾就到了，未係好多人，即刻點菜，上菜速度好快，之後食完走人，因為七點幾已經有人在等位。泰國金柚鮮蝦沙律($92)內有，椰子絲、紅蔥、香茅、蔥碎、辣椒碎、柚子、蝦，咬落酸酸甜甜，又辣辣地，又有椰子香味，仲有四只中蝦，呢個好開胃又好味😋😋😋，作為前菜最啱👍👍👍泰式炸蝦餅($78)，有四件，切開為八塊，上檯時已經聞好香，外皮炸得好脆，蝦肉好彈牙又有蝦味。辣椒膏肉碎炒河($68)，食落有金不換的香味，而且河粉炒得好熱，夾起河粉會出煙，河粉比其他泰菜闊，不過好軟滑，唯一缺點係有些河粉未鬆開，所以有些比較厚，如果唔係我會俾90分。飛天炒通菜($72)，用蒜頭粒、辣椒粒、鹹魚粒、蝦米碎加通菜炒成，好好鑊氣，而且無過火，鹹淡適中。鮮芒果糯米飯($45)，之前外面吃到全是凍的，這裡用黑、白糯米蒸到好熱，所以飯質好軟熟，而且帶出椰漿的香味，水鮮芒唔係太甜，而係好香芒果味，呢個甜品我最欣賞👍👍👍👍上菜速度快，鑊氣又夠，食物質素幾好，下次再來。上菜速度快

726呢棟大廈其實都幾多野食，韓國野又有，打邊爐又得，燒肉又有，週三晚上同幾個朋友一齊黎食左2樓呢間泰菜，質素不俗呢。平日晚上時間，客人唔算好多，一出lift門已經好快有店員招待，我地坐左喺梳化位。餐廳位置都幾多，裝潢就唔算好有泰式風味，青綠色嘅座椅、木枱、燈光柔和，環境都ok。座位間空間感足，唔會覺得逼狹，餐枱係正常大小，不過如果好似我地點菜較豐富，都有機會放唔落，好在店員夠醒目，及時搬多張枱俾我地餐牌選擇豐富，有小食、燒烤、湯品、沙律、蔬菜、咖喱、肉類、海鮮、飯麵、素泰菜、印度菜、甜品、飲品等，定價都可以接受，我諗人均二百零蚊左右啦。另外有4/6/10人套餐，不過睇過就唔太啱我地食，而且有四個人自己散叫都唔會話好貴，於是我地一律單點。泰式炸蝦餅 $78/4件食泰菜不能少嘅一定係炸蝦餅！蝦餅賣相唔錯呢，分成一半，總數八件，炸粉唔厚，而且幾香脆蝦肉都幾爽口，略嫌實左少少。串燒沙嗲 $82/半打（豬/牛/雞，選兩款）我地揀左牛肉同雞肉，沙嗲汁唔會好辣，沾上串燒都幾惹味，個人認為牛肉比較出色，一般出街食嘅牛串都比較乾、韌，呢度嘅牛串有嚼勁，但唔會燒得過老反而雞肉就鞋口左少少。泰式香茅燒雞

想食泰國菜第一時間一定諗起九龍城, 不過要交通方便就一定係旺角; 旺角較新既一座食肆, 開左一間樓上泰國菜餐廳, 就可以要滿足呢兩個要求。放工六點多去到, 暫未見有人流, 裝修、餐具擺位都非常整潔。呢度食物款式多多, 除左主打泰國菜之外, 更有印度咖哩選擇。一心想食泰國菜既我, 當然揀左平時食泰國菜必點既款式試試。【泰國椰青】HK$40先開一個椰青解解渴, 即開椰青非常清甜, 仲可以刮埋入面既椰青肉食。【串燒沙爹】HK$82有豬、牛、雞串選擇,客人可以自選兩款。我就揀左牛肉同雞肉, 一碟一共有六串, 串燒keep到juicy肉汁, 相比下, 牛肉串較為出色, 肉質林而入味, 但雞肉不算嫩滑, 肉汁相對冇咁juicy~ 點上沙爹醬後, 味道再提升了一點 。【泰式炸蝦餅 (4件)】HK$78外表炸過亦沒半點油膩, 皮脆, 內裡既蝦餅略帶點彈牙鮮甜。【馬拉盞海鮮炒河】HK$82原來一碟份量都幾大份, 有豐富既食材, 例如魷魚、蝦、青口同埋各式配菜, 增添不同口感。炒河濕潤, 唔會好乾, 炒得幾有穫氣, 帶少少辣, 夠哂惹味。【海南雞飯】HK$75個飯可以自選白飯/油飯, 我地揀左油飯, 雖然

近排成日落雨，真的很想吃些鹹鹹濕濕酸酸甜甜的食物，這種性質食物好容易會聯想到泰國食物，這間位於彌敦道的＂泰屋＂位置方便，坐位舒適，是不錯的選擇泰式炸蝦餅 - 炸得火喉剛好，蝦餅實身彈牙香口，越式牛尾煲 - 牛尾份量多而且很入味，夠腍牛味重，酸酸甜甜微微辣很醒胃泰式香芒軟殼蟹 - 香芒濃郁，味道偏甜，材料豐富軟殻蟹外脆內嫩很惹味印度油酥餅 - 油酥餅不太酥化，口感較實，不過點汁醬就很適合泰式咸青檸雪碧 - 咸青檸感覺清熱氣，最啱食完煎炸野後飲的飲品😆