汎花餐廳 (已結業)

早幾日行長沙灣，發現咗間隱世西泰fusion 菜，呢款fusion餐廳我冇乜見過，加上餐廳門面裝修得幾靚幾光猛，喺條少人同主要得車房嘅街特別顯眼，所以吸引咗我去試佢嘅4-course special menu都幾抵食，最貴都係$138，包頭盤、餐湯、主菜、甜品，仲有餐飲，我同朋友一人一個set，食完都幾飽，連埋加一人均都係$150左右，抵食！頭盤：🌟泰式燒菠蘿沙律🌟泰式青木瓜沙律餐湯：🌟青咖哩雜菌忌廉湯呢個湯望落平平無奇，但一飲原來好驚艷，因為個湯好香香料味，溝落忌廉湯令個湯冇咁濟，味道感覺有啲似飲緊creamy啲嘅冬陰功，好特別，而湯入面仲有好多切片磨菇，朋友都大讚，我覺得呢個是日餐湯直頭可以放入menu主菜：🌟冬陰功大蝦意粉兩隻虎蝦好大隻，撈咗鹹蛋黃輕輕炸過，食落特別香，而蝦肉又新鮮爽口意粉同磨菇份量好多，用冬陰醬煮出黎嘅意粉酸酸辣辣原來幾惹味，而且仲食到啲香茅味，同埋醬汁夠得黎意粉又整得幾乾身🌟煙三文魚紅咖哩意大利燉飯紅咖喱香而不辣，食落啖啖飯都夠汁，飯入面仲加咗粟米，甜甜地令層次提升，而除咗煙三文魚，仲有好多魚籽甜品：🌟朱古力泡芙泡芙有好多朱古力醬喺面，咬開粒泡芙爆哂啲吉士醬出

行長沙灣見到呢間餐廳，裝修幾特別，望真啲原來係食泰國菜，於是入去試吓店員年輕又有禮貌，有預感餐廳食嘅嘢應該好有特色，果然不失所望！是日餐湯表面上係一般紅菜頭湯，但食落去係好有咬口而且脆脆地，而且微辣，廚師應該花咗唔少心思，呢個湯幫我預先喚醒味蕾，驚喜！泰式燒菠蘿沙律菠蘿燒過之後，甜味爆發，除非有人好憎菠蘿，如果唔係，一定鍾意❤️煙三文魚紅咖喱意大利燉飯 $138飯煮得好軟熟，吸晒啲汁，真係好好味😋紅咖喱唔辣，唔食得辣嘅朋友都食到👍🏻👍🏻👍🏻黃咖喱蒜蓉虎蝦薄餅 $128餡料非常足料，而薄餅厚度剛剛好，絕對唔會餅多個餸，而且熱辣辣焗到好脆，真心好好食，絕對推介👍🏻👍🏻👍🏻👍🏻👍🏻擺近時已經聞到蒜蓉香味，食入口蒜蓉焗到脆卜卜，薄餅又脆卜卜，加上虎蝦，好惹味！顛覆我對薄餅嘅感覺，原來泰式薄餅都可以咁好食😋蝶豆花鮮奶一出場已經好鍾意，因為隻藍色好靚，佢仲將鮮奶打成濃厚嘅奶泡，每一啖都飲到濃濃嘅奶香味，加上蝶豆花，好有特色，唔會太甜，又唔會太膩😍😍😍😍😍我哋四個人，點咗一份特色四道菜套餐，再加3個主菜，兩個大男人都話食到好飽，份量真係好足！點主菜加$20就可以有餐湯，沙律，同特飲，真係超值，強烈推介

大隻仔今次覓食嘅店舖就係💥 汎花餐廳 Blossomy Thai Cuisine 💥 大隻仔今日去咗一間性價比超級高嘅泰式西餐廳，值得推介俾大家。餐廳位置喺內街，大隻仔都係朋友介紹先知道有間咁正嘅餐廳。餐廳位置其實唔難搵，係長沙灣天悅廣場行入一兩個街口就到。除咗價錢抵食之外，食物質素仲要幾好，而且份量夠多，最重要就係餐廳冇用餐限時，臨近聖誕節約朋友出嚟食飯就可以慢慢傾偈。而家餐廳做緊優惠，set dinner 同「晚市套餐」買三送一，單點主菜只要加$20就可以轉成「晚市套餐」，套餐包括餐湯、沙律、主菜同任選一杯特色飲品。（泰式奶茶、蝶豆花飲品、芒果乳酪飲品…）大隻仔睇過menu，單點意粉最平$78起，加$20 轉成「晚市套餐」即係$98，三送一後，即係$70幾蚊就有一個4道菜套餐，係咪好抵呢！😉😉⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 黃咖喱軟殼蟹雜菜意大利燉飯 $108 +$20 轉「晚市套餐」包餐湯 + 沙律 +