泰金國

營業中

休息中

每次經過都一定要排隊，無得拎飛要企住排，今次平日7點去到等左1個鐘多小小😚一路排燒牛肉燒雞翼既味飄晒出黎，排隊都係一種享受好香～😂一坐低QR code 自行落單，今次兩個人，由於中伏過太多次其他偽泰國餐廳，難得黎到就失心瘋咁點，想食就點唔理咁多🫣上菜速度快大約10分鐘已經黎左兩個主食，大約20分鐘已經黎齊曬，店員都有禮貌🫶🏻👍🏻燒牛肉$88只係$88份量超多，分5成熟/7成熟，叫左5成熟，入面既肉仲帶小小粉嫩，牛味都幾重，加埋個酸酸辣辣既汁絕配👍🏻泰式燒豬頸肉$78超好食！如果再燒得乾身啲仲好，豬頸肉永遠無死，油脂分布勁平均，重點係個汁呀🦐生蝦$108Menu入面冇，要同職員落單，呢到既蝦都比較大隻，蝦頭都冇浪費到，會炸埋比你食好香好脆🐷泰式香草肉碎炒飯$78肉碎係豬肉，飯有啲濕同淋，每粒米都得一半碎曬咁，唔知係咪呢到既特色，都幾辣，但下次會想試其他🦑醉貓海鮮炒河$78河粉比較粗身同有彈性，入面有幾隻蝦同魷魚，有小小鑊氣，呢個下次都會再叫！如果多小小配料仲好~🥬馬拉盞炒椰菜苗$88好惹味又夠辣，但食到尾就越食越咸，如果多啲人share咁重口味真係好正，如果得兩個人下次都係叫番小咸🍤泰式

九龍城一直都係泰國菜既集中地 當中最出名既莫過於呢間泰金國 雖然寫左有wts/電話訂位 但係鋪頭話只有walk in😂 禮拜日都預左多人 由1800開始排 排到1840先入到座 都算係咁架啦 一行5人 叫左8樣野 味道同價錢相符 都叫抵食 （笑話一則... 以為側邊蝦頭係伴碟用 食哂生蝦就叫人收左隻碟 店員提醒先知炸蝦頭都食得.... 失禮失禮😂）整體黎講不過不失 價錢同質素都相符但係又未至於去到要排咁耐去試🙈 店鋪內疫情問題都擺少左座位 通道較窄 店員上菜都有d困難😂 環境衛生就小店水準啦 唔好期望好乾淨 有緣經過可以一試 太多人就唔好排啦 限時食飯75分鐘 可以加單一次 大家排隊就好睇定食咩啦🤤

究竟值吾值得排隊1.5hrs？沒有訂位服務！沒有華麗裝修！一試你就知……燒雞翼 $18/隻 見到係即order即燒的 ，而且見到好多食客都會點，所以等的時間較耐！要親熱食會較香口!泰式燒豬頸肉 $78 豬頸肉 肉質肥瘦均勻，燒出來不會太乾，肉質依然很嫩！點小小辣汁很香口。⚠️注意，辣汁辣度係勁勁勁辣！燒牛肉 $88必點菜式！燒牛肉的火喉控制得剛剛好，上碟時見到肉質6成熟左右。口感非常Juicy !而且份量非常多。 炸蝦餅 $78 蝦餅香脆彈牙！食得出真材實料，蝦肉比較多，炸粉薄脆的，上碟時熱烘烘！配泰式辣醬鮮味double up 🆙 泰式咖喱炒雞 $118 咖喱香滑，辣度較低。雞塊略炸過！令到雞塊更易掛汁，咖哩汁重重包圍雞塊。加一碗飯，真的大滿足！蒜蓉包$28 叫得咖喱，點可以吾叫蒜蓉包？蒜蓉包與咖喱也是絕配的！蒜蓉包本來都是很香脆，濃濃的牛油蒜蓉香！ 脆肉炒椰菜苗 $88如果食通菜食到悶，不妨試下炒椰菜苗！菜苗翠綠，加上燒肉經過炸的過程，特別咸香，是最快清碟的！生蝦 $108 泰金國的生蝦真係很有誠意！首先將蝦頭炸脆，蝦身分開！蝦肉都是很大隻而且很彈牙！配上酸辣汁，真係食指大動！做到

九龍城的人氣泰菜，搬到新舖後位置較寬敞舒適，但價格就提高了🤣雖然仍算是維持在合理定價啦🙈🔆泰式炒金邊粉$𝟟𝟠 基本上食泰菜都會叫😝喜歡佢甜甜酸酸，略嫌d蝦好似分開炒咁沒什麼味道🔆泰式燒豬頸肉$𝟟𝟠 肉質、肥瘦程度都不錯，個醬汁都搭配適宜，但覺得份量可以多點🔆泰式皮蛋炸蝦餅$𝟠𝟠 你們喜歡純蝦餅還是皮蛋蝦餅？我自己幾喜歡皮蛋😋蝦餅上枱時熱辣辣，皮蛋個心都仲係軟軟地，個人認為皮蛋蝦餅無成個蝦餅咁滯同熱氣🙈仲可以多一層口感🔆青咖哩雞$𝟙𝟘𝟠 跟我想像有出入，呢個絕對係一個湯🌝表面浮油，味道比其他餐廳嘅青咖哩辣一點。裡面有唔少雞件同茄子🍆🔆蒜蓉包$𝟚𝟠 成塊浸落青咖哩，超吸湯🤩要趁佢未變得好淋盡快食🔆泰式生蝦$𝟙𝟘𝟠 生蝦幾新鮮，無霉味。佢仲會炸埋蝦頭部分，都可以食架，不過凍左唔係好夠脆身雖然食物質素算是一般般，但因為價格相宜又沒有加一，同朋友搵個地方食泰菜，呢度可以試到好多款，大家share亦唔會太貴