泰Grill (享和街)

想同朋友補祝生日～先發現荃灣有好多泰國菜見到呢間好多好評就決定嚟試下～星期五夜晚朋友大約6點15左右先到達職員告知當晚訂座已滿需要門外等待訂座客人缺席先可以入座果然好受歡迎！我大約6點半左右到職員表示可以安排入座但需要7點半前離開！特地嚟食泰國菜嘅我地當然無問題啦打開餐牌 選擇好多～但我地兩個人好快就決定好要速戰速決兩個人點左3個菜2杯嘢飲：#泰式燒雞（半隻）$148建議先點！因為需時20分鐘上菜好快！可能因為要7點半前交檯！熱辣辣嘅燒雞～外皮好脆！好juicy!好入味！好值得叫！#泰式船麵（豬肉）湯底好濃！但我其實唔係好識分越南河粉同船麵感覺好似🤣但啲麵索哂湯好正！#肉碎生菜包每次食泰國菜都好鍾意點呢個個人唔食得辣感覺呢個比其他地方食過嘅辣少少！不過生菜量好足～唔洗擔心最後剩係食肉碎#泰式蛇皮果梳打 $38睇menu見到幾特別就試下～雖然唔知咩係蛇皮果飲落酸酸地但係易入口！有啲似酸梅？但唔會好酸個人嚟講好鍾意可以解下辣～#珍多冰 $38朋友就點左呢個～應該係益力多？乳酸？成餐飯超滿足！！不過見到檯檯都差唔多點左個虎蝦冬蔭功！推薦想食泰國菜嘅朋友！有好多都想試～會再嚟（記得早啲訂位先

呢間泰式餐廳越開越多分店 有保證🍴食物質素唔錯 味道正宗 價錢唔貴 推介👅.📌軟殼蟹•蟹肉炒飯 $108軟殼蟹炸到金黃焦脆 蟹肉甘香飽滿 但蟹腳略嫌過窿🦀炒飯底好足料 真係有幾多蟹肉 仲有三色豆同白豆粒🥕🌽🫛雖然唔係好有鑊氣嗰種 但味道唔錯 清爽輕盈✨.📌泰式燒雞(半隻) $148呢個真係必食 超出色 外賣左一隻番屋企‼️雞皮燒到爽彈冇脂肪 每舊邊邊位仲脆卜卜🐔雞肉嫩滑帶點韌勁 似用左蜜糖燒 清甜入味 同微鹹肉香好夾🍯配埋灑滿嘅香口炸乾葱同酸甜醬 味道更豐富🧡.📌手打青咖哩(素食) $88青咖喱比一般紅黃咖喱辣度高 不過唔會過辣 配搭香甜椰奶 甜甜辣辣 惹味開胃🍛揀左素食(雜菜) 有西蘭花, 椰菜花, 秀珍菇同白豆 全部索晒汁 好入味🥦🍄‍🟫🫛咖喱冇平時咁稠杰 配包撈飯又得 就咁飲都唔會太重口味同好溜💚不過份量偏少 唔夠喉🥺.📌蒜蓉包 $35一份有五塊厚切法包片 兩面搽滿牛油烘到熱辣辣 金黃色🧈外層超香脆 入口唔會過硬 微微鬆軟韌勁🥖點青咖喱食一流🙌🏻但蒜蓉味冇乜 同咬落會有油滲出 少啲牛油多啲蒜香就更好🧄