Orange Elephant Thai Restaurant (博文街) (已搬遷) 新店位置

泰國餐廳大行其道，但係又有幾多間泰國餐廳是正宗呢?呢間orange element就係正宗之選，稱得上泰國宗師。 佢定時有一蚊雞小菜，大家一定要留意時間，mark實你的心水之選。名副其實年輕椰子，肉質十分之嫩，椰子水十分清涼同解渴。簡直係消暑之選!燒雞是一定要食，否則走寶，它的工序是十分之多，因為燒雞被一條骨串連起。加上食落去肉質鮮甜，亦不會老，稱得上外脆內嫩， 而且有淡淡嘅燒香味。飛天通菜亦係一定要食的小菜，與辣椒一齊炒，十分惹味，十分之開胃。雖然帶點辣，但係可以接受到。軟殼蟹外脆內嫩，一定要趁熱食，否則放長咗，就淋，加上蒜蓉令到軟殼蟹色香味俱全，若果叫飯食的話，蒜蓉一定要留，因為用嚟送飯的話，十分一流。

難得嚟到奧海城，朋友話帶我去食間好味嘅泰式餐廳。喺門口見到呢個優惠，我同朋友都鍾意食鳳爪，今日呢個1蚊雞優惠就啱曬我地。雖然係1蚊雞優惠，但份量都唔少，兩個人食啱啱好。鳳爪酸酸辣辣，好醒胃，又唔會辣到食唔到，啱曬我哋呢d唔係好食得辣嘅人。見到隔離枱食呢個粉絲煲，我哋都叫埋一份。粉絲軟硬適中，煲底嘅粉絲浸住d汁比較入味。蝦就得兩隻，放咗喺粉絲下面，可能係焗得太耐，蝦肉有d老，整體還好。泰式燒雞好好味，同泰國食嘅味道一樣，而且雞肉好嫩滑，強烈推薦！！！見到餐牌有黃油飯就叫咗一個嚟試下。黃油飯比較遜色，飯比較似糯米，食落去口感唔係太好，朋友叫嘅白飯更好味。椰青係另一推介，椰青水好清甜，椰肉好易刮，同平時食開嘅椰肉相比，呢到嘅椰肉比較腍，好似食緊啫喱咁，最後飲曬椰青水食曬椰肉😂