小曼谷海鮮燒烤屋

營業中

休息中

同朋友慶祝生日， 三個人就試下小曼谷海鮮燒烤屋，位於九龍城太子道西398號御太子地下1-3號舖。 其實九龍城好多泰國菜館， 要突圍而出真係要有口碑， 店內環境非常熱鬧，有Live show， 仲好熱情唱生日歌🥳。 三人晚餐 ～ 海鮮孖寶$258(牛油蒜蓉燒蟶子三隻+ 香煎扇貝兩隻)、風味燒豬頸肉$128、 明爐香檸汁蒸桂花魚$268、 冬陰功湯$148、 豬肉碎生菜包$118、 泰式生蝦刺身$128、 泰式炸蝦餅$98、 泰式鮮蝦炒金邊粉$108、 小曼谷原隻芒果糯米飯$88、 芒果沙冰$42、 椰皇$42、 泰式青檸梳打$42、珍多冰$42。 ✨牛油蒜蓉燒蟶子 ～ 蟶子都幾大隻， 但鮮嫩的味道被牛油蒜蓉遮蓋了。 ✨香煎扇貝 ～ 扇貝有兩隻，味道不過不失，但海鮮孖寶性價比不算高。 ✨風味燒豬頸肉 ～ 口感偏硬，沒有一般豬頸肉的爽口。 ✨明爐香檸汁蒸桂花魚 ～ 桂花魚肉質嫩滑，香檸汁酸酸地，幾開胃，不過桂花魚比較多幼骨，食的時候要小心。 ✨冬陰功湯 ～ 辣度剛好，有兩隻爽口大蝦。 ✨豬肉碎生菜包 ～ 正常發揮。 ✨泰式生蝦刺身 ～ 爽甜的肉質，好味道。 ✨泰式炸蝦餅 ～ 蝦餅做型似don

一講起食泰菜，就會諗起九龍城。小曼谷都算係老字號今日嚟咗小曼谷海鮮燒烤屋呢度都算係有地標性每次經過太子道都會望到出面有個好似人咁高嘅吹氣廚師公仔同大家打招呼👩🏻‍🍳預先book咗位限時90分鐘椰青$39椰青係最快想上菜的食物夠凍夠清甜青檸菠蘿沙冰$39青檸菠蘿沙冰唔會太甜酸甜酸甜都幾開胃同解渴泰式青檸梳打$39淡淡的青檸味，健康之選泰式生蝦刺身$124一碟有六隻生蝦蝦肉到爽口彈牙雞軟骨沙嗲串燒$20沙嗲醬好有花生味黃咖喱海鮮$106海鮮款式都幾多有青口、蝦🦐、魷魚🦑泰式原味烤薄餅（2塊） $36黃咖喱配烤餅一流泰式馬拉盞通菜$87冬陰公湯（L) $186太過椰汁味重，有少少膩但可能會有人鍾意佢夠creamy泰式鐵板蠔餅$128蠔餅炸得唔錯，炸返唔算多，亦都唔係好油泰式炸蝦餅（小）$86我哋嗌咗小份合共三件每件切開一半啱啱好夠分蝦肉彈牙買單$1,138每人約$190食完都夠飽都係唔錯嘅選擇👍🏻

📍 小曼谷海鮮燒烤屋 Mini Bangkok Seafood and Grill 🎗📍 九龍城 𝗞𝗟𝗡 𝗖𝗶𝘁𝘆 • 太子道西398號御太子地下1-3號舖-Dubbed the "Little Bangkok" of Hong Kong, the Kowloon City neighbourhood is known for its small, cozy restaurants offering authentic Thai cuisine. It is the place we go whenever we feel like having Thai food, and this < Mini Bangkok > is our go-to, though it's always full and more often than not, you have to queue for it.They often invite local artists to perform here. If you're lucky, you get to enjoy live sh

九龍城很多泰國菜，而小曼谷亦相當出名，這是我第一次光顧，入門口時已見滿滿的外賣訂單，店員都比較忙碌，坐位相當擠迫。——————————————泰式雞絲海蜇沙律 $78先點了一個開胃小菜，海蜇非常爽脆😋😋 酸酸甜甜的 ，非常可口。泰式生蝦刺身 $118在其他泰國餐廳都吃過無數次，所以這個真是不過不失的生蝦😂😂豬肉碎生菜包 $82老實說看似‘’白雪雪‘’的碎肉，真的沒想到味道剛剛好，炒得乾身，少少汁，芫茜味也不重。冬蔭鮮蝦雲吞湯 $128雲吞有5粒，鮮蝦口感很爽滑，冬蔭公湯底完全不會覺得辣，鹹味適中。泰式馬拉盞炒通菜 $79份量十足，很有穫氣，正常發揮😋香葉辣椒雞肉炒河 $78這個真的見仁見智，我覺得有很重的胡椒味，味道很單一，而且河粉炒得很乾，不推薦點這道菜。牛舌串燒 4片 $28雖然是厚切，但燒得很乾身，醬汁很一般。—————————————————環境：👅👅👅食物：👅👅👅性價：👅👅👅服務：👅👅👅

小曼谷海鮮燒烤屋九龍城太子道西398號御太子地下1-3號舖 今日又去左九龍城食泰國嘢啦，當然都係幫襯小曼谷啦，而經唔係第一次黎啦，以前成日搭巴士經過都會見到，試完一次之後，簡直食過返尋味呀好彩我地算早黎到，唔使點等位，見到7點半後已經座無虛席啦今日既生蝦刺身好新鮮，食落好爽口，加埋秘制既醬汁簡直無得頂，勁想叫多一碟之後既豬頸肉沙律肉質好鮮嫩，而且份量都幾多，下層仲有新鮮既沙律菜好fresh, 配合埋沙律醋食，入口非常開胃，當前菜食岩晒鐵板豬頸肉炒通菜既份量十分之多，同埋鐘意佢用鐵板上，加埋傳統既馬拉盞炒夠晒惹味，好吸引呀最後呢個咖哩法包軟殼蟹係必食架，黎親都一定要點，真係好正，軟殼蟹炸得好香脆，而咖喱汁就好香濃，配合埋內脆外軟既法包，真係缺一不可呀

聽講九龍城出名食泰菜終於有機會 隨機搵左間試下金邊粉麻麻地 冇咩味 所以唔推介啦但生蝦刺身 生菜包 唔錯😌生蝦刺身幾新鮮 有啲冰擺底 keep住個溫度😋生菜包正常 冇話特別好食haha值得讚係環境唔錯 有現場音樂表演可以邊食飯 邊聽live music💜🤑 泰式生蝦刺身 $118🤑 豬肉拌生菜包 $82🤑 串燒

小曼谷海鮮燒烤屋九龍城太子道西398號御太子地下1-3號舖今日專登出黎係同好朋友慶祝生日，主角講到明想食泰國菜，我地當然要搵間有質素d 架啦最後決定去最多泰國嘢食既九龍城開餐啦，睇過晒openrice既食評，呢間<小曼谷>評價較高，所以就入黎試下我地大約7點鬆D黎到，好彩朋友一早訂左位可以直接入座，估唔到而家抗疫期間都仲好full, 要排隊等位。。另外值得一讚既就係餐廳全部分晒4人一檯，檯與檯之間全部用圍板隔開，好放心，如果唔想係室內空間，仲可以坐外圍有幾張半露天既檯坐定定之後當然係揀食咩啦，呢到除左一般既泰國嘢之外，仲有好多特式燒烤，樣樣都好正好吸引，非常難揀呀呢個望到都流晒口水，好大份陣陣咖喱好香， 而且軟殼蟹炸得好香脆，最後裝住咖喱既麵包吸收晒精華，真係好正平時用馬拉盞炒菜已經覺得好好味，估唔到轉左用鐵板會更加惹味，而且椰菜苗夠晒 嫩，加上醃製過嘅豬頸肉炒，原來係咁match燒原隻魷魚唔係到到食到，好巧功夫，呢到唔會燒得太乾，咬落仲有d肉汁好有鮮味，再加上點埋餐廳提供既泰式醬汁，無得頂食泰國嘢生蝦刺身當然唔少得啦，一碟有6隻全部大大隻，咬落肉質好扎實，非常新鮮

🔷泰式生蝦刺身 💰118除左生蝦本身要新鮮乾淨外，卡比認為個泰式醬汁都十分重要，呢到既泰式辣汁好夠辣，配埋生蝦同蒜片一配食，系食到好正宗既味道。🔷泰皇咖喱炒蜆 💰148咖哩係偏甜及澀身口感，意思系個水性不算高完全唔係稀身既。蜆既份量一啲都吾少而且仲系偏大隻既Size，食到好有口感亦食吾出沙，仲有其他爽口既洋蔥、青椒等，系一道配白飯同蒜苗包既perfect match。🔷泰式馬拉盞炒椰菜苗 💰82 椰菜苗炒得依舊爽口，有少許辣度但系會接受到。大碟得黎覺得草青味無乜，自問不好食菜既都可以試下。🔷牛油蒜蓉燒美國生蠔(兩隻) 💰112呢兩隻生蠔都真係無改錯名，完全係XXXL geh 美國size，熱辣辣岩岩燒好所以拎到上台真系要小心吾好比生蠔殼辣親隻手。不過話時話個生蠔燒到好香，面上配埋埋啲蒜、蔥、細細條既脆魚一齊燒，食到好有口感，生蠔十分肥美。🔷泰式蒜蓉包(4塊) 💰30 呢個蒜茸包主要係打算配咖哩食，但係竟然單食呢款都足夠美味。包本身整到好脆口但又吾會用「硬」黎形容，蒜蓉份量好足夠所以個包完全吸到哂牛油同蒜味，仲有一點就系呢個價格十分親民。🔷椰青 💰38

有一排冇食泰國嘢，剛好經過了九龍城，被搶眼吹氣公仔吸引了。走近一看原來是泰國菜泰式生蝦刺身 有六隻，好肥美，入口好鮮甜，辣得來非常之惹味，必點之選！泰式炒金邊粉 好夠鑊氣，份量大份。海鮮孖寶A+B 先$228 好抵食牛油蒜蓉燒大蟶子牛油蒜蓉香氣洋溢，最讓人驚訝的是有一些，炸魚仔。鮮甜嘅聖子栽培口感脆脆的魚仔，別有一番風味芝士煙肉粒焗美國生蠔好大隻，手掌咁大既焗生蠔，真係第一次食，想不到佢哋嘅芝士焗到脆脆的 中間的芝士拉絲，讓人讚不絕口。鐵板豬頸肉啫椰菜苗（馬拉盞）椰菜苗（馬拉盞辣得來又帶一點甜，椰菜苗炒得爽脆入味，入口仲有少少蝦乾，豬頸肉爽脆可口。牛舌沙嗲醬配厚實肥美的牛舌，值得再叫多串。

約了早前去外地旅遊時認識的朋友相約今晚食飯，本身諗住去旺角食放題，怕塞車，所以最後揀咗去九龍城食小曼谷呢間泰國菜。小曼谷門面非常之吸引而且有吹氣公仔好得意招手招客人入去食野🤣我哋三個人入到去就拎起餐牌快啲叫嘢食，因為八點幾已經好肚餓了。餐牌內容非常之豐富簡直眼花凌亂，最後叫了馬拉盞炒通菜，泰式生菜包，泰式生蝦刺身，炸蝦餅（小的有3件），仲有叫咗雞肉串、雞軟骨串、燒魷魚鬚各三串。馬拉盞炒通菜唔太鹹唔太辣味道適中，非常之好味小曼谷嘅泰式生蝦刺身簡直係冇得彈，因為虎蝦肉質爽滑，配埋店內嘅泰式辣醬真係好好好味，每人食完都好想再食多次碟🤣生菜包就正正常常，個生菜份量略嫌有D少，但豬肉就好多份量。炸蝦餅啖啖肉，外脆內熱，雖然熱氣咗啲但真係食到舔舔脷，亦都係值得encore嘅一道菜雞肉串，雞軟骨串，燒魷魚鬚串，三者味道都非常之好，其中以魷魚鬚最為惹味，所以我哋三個人最後叫多咗三串燒魷魚鬚同埋試多個燒墨魚咀，冇計啦！真係好食所以唯有encore。飲品方面我就叫咗個好鮮甜嘅椰青飲最後仲叫埋個芒果糯米飯食，芒果好鮮甜糯米飯好熱辣辣，配埋食真係一流，非常好味！總結3個人食了$1076 但食得非常之開心 環境

食咁多間泰國菜，呢間係少數食完想再食既餐廳，佢唔單止上菜速度快，仲要好好食。唔怪得佢門口咁多人排隊。食親泰國野，點生蝦係基本野啦，佢啲生蝦好大隻，好似厚切咁，肉質好結實，點辣醬食真心一流，我一口氣食曬我份量既3隻。🙃個燒雞有分全隻同半隻，兩個人既關係叫左半隻，原本都擔心會「鞋」，因為我地都鍾意食滑雞。黎到之後，唔可以話好滑，但佢烤乾左啲雞油，雞肉都仲keep到好嫩，點埋佢個辣汁，啲醬汁即刻比雞肉吸曬，無誇張，好好味🤤明爐魚只要蒸既時間岩岩好，魚夠新鮮，都好難整得難食，呢間佢兩樣都有🤤，加左青檸，成碟魚好清新，兩個人都清得曬🥰聽朋友講過，只有新鮮椰子既果肉先會易畢，呢間既椰子好易畢，係咪啫係好新鮮既意思🙃兩個女仔加一個白飯，食完唔會太飽，岩岩好，好滿足😋

評語:今日一行14人去食泰國菜，我地訂左枱本來係講明要圓枱，但去到只係俾張長長的枱我們，真係討厭，傾偈都唔方便！但都冇辦法，冇理由依家轉地點，所以就有得佢了。等齊人後就睇睇餐牌有咩好食，見餐牌的食物好多花款，真係睇到人地眼花撩亂呀！但因為我地有十幾個人，睇隔離枱的碟頭唔係太大碟，所以每一款都要打雙份叫。等我講一講先！泰式生蝦刺身好新鮮，爽口，配埋個醬一流！👍串燒叫了牛，豬，雞，他切成一片片，口感唔夠，味道一般，冇乜特別！菠蘿炒飯飯夠乾身，面頭有幾片雞肉，旁邊有肉鬆伴碟，味道尚算好味！泰式拼盤有蝦餅，魚餅，春卷，味道可以，似是在外內賣回來，不是自已店內做的，所以冇乜特別。芝士蝦球芝士雖然唔多，但好似咬橡膠的感覺，如果冇芝士應該會好食好多！咖喱軟殼蟹啖啖肉，配有大大個麵包，咖喱汁香濃，送麵包一流！　值得推介！👍泰式無骨鳳爪，酸辣適中，好有泰國風味！咖喱青口，青口新鮮，大大隻，咖喱一樣香濃，都幾好食！炒雜菜，面頭好多菇，好足料，食落幾香，唔錯！泰式馬拉盞炒通菜，馬拉盞好夠味，通菜爽口！泰式馬拉盞炒椰菜苗，椰菜苗好嫰，爽口！泰式鹹魚炒椰菜苗，鹹魚好惹味，椰菜苗爽嫰！椰汁西米糕拼泰式千層糕，西米

▪️海鮮孖寶(牛油蒜蓉燒大蟶子+鹽燒鮑魚) ▪️$288蟶子上面鋪咗d蒜蓉，用牛油燒香，最後撒上脆嘅魚乾，但係味道係有d奇怪。牛油同d調味其實同蟶子唔太夾，估計係牛油唔係我地平時普遍市面嘅牛油，味道有d怪，恕我地唔太識欣賞啦。而#鮑魚 就調味燒完，再撒上脆魚乾，味道口感中規中矩。▫️泰式生蝦刺身▫️ $118黎到最好奇嘅#生蝦刺身 ，生蝦剝殻切開鋪係冰粒上面，每隻蝦上放咗一粒蒜頭同一粒辣椒，充滿挑戰精神嘅我地梗係試下食哂落肚😤食完個下以為冇事，但係吞咗過多幾秒，陣辣味爆出黎，哈哈😆生蝦嘅口感係處於唔算爽口又唔淋嘅程度，係幾得意嘅😬▪️泰式飛天炒通菜▪️ $79普通有咸有辣嘅炒通菜。▫️椰青波波▫️ $45椰青波波就係椰子去殼，成隻椰子嘅果肉可以全部食哂，椰汁冇雪藏味，清清甜甜。不過好似椰青波波係現成品，見到staff將包裝拆開，再拎黎俾我地🤭▪️原隻榴槤冰棒▪️ $28都係現成品，不過原粒榴連去核再整成雪條，真係幾好食，一次完成兩個願望🤩

今次真係一次好差既體驗，先係入座！Book左6:30，我地6點鐘左右就到左，佢都可以安排我地入座，但就叫左個侍應帶我地出門口，去左轉角既分舖度坐，（但係間舖明明仲有好多位），都唔緊要，入左另一間舖之後竟然帶我地去到最入個雜物房度坐，好焗，一陣味，同樣地出面都係有位🤷🏻‍♀️，點解要帶我地去最入雜物房度坐？我地當然唔肯啦，咁個侍應就幫我地轉過個位置上菜既時候發現全部都係出面拎入黎，即係代表呢度係冇廚房，所有野食都係係隔離舖整完拎過黎，出面係馬路，人多車多，食物大部份都冇蓋cover住就拎過黎，感覺真係唔太良好！杯沙冰有故事㗎，話說我哋起初叫咗粒粒菠蘿冰，杯菠蘿冰嚟到溶左好多，嗰侍應見到個上面冇菠蘿粒，之後即刻叫人收走換過杯，但係嚟到唔好以為好多菠蘿，得個兩小粒，粒粒芒果冰都係得幾粒好細既芒果係面，同我預期中既粒粒真係相差得遠，唔講粒粒，講味道，味道偏啖，冇乜菠蘿同芒果味，個甜味完全係糖水，幸好佢冇整到太甜，不過我真係情願飲其他野生蝦刺身，味道同其他泰國舖既一樣，冇乜分別，唔係特別鮮甜鳳爪整得都幾入味，偏辣！味道Ok! 鳳爪份量唔太多，配菜好多😂咸魚粒炒椰菜苗，說好的咸魚呢？食左一半先見到d

好耐都無黎九龍城，事關無地鐵站係吊腳d😅！難得朋友帶我黎食泰國野，就幾遠都黎食。呢間餐廳係馬路邊，又勁大個門口，好易搵！睇到呢幾頁，就見到超多野食！😍😍😍可惜得2個人食飯叫唔到好多野食...😢基本上我5次去食泰國野，有3次都會叫生蝦刺身，同行朋友話唔明點解會係泰國餐廳叫刺身，等同我都唔明火鍋店有刺身食一樣🤷‍♀️，不過泰式生蝦刺身係食個醬汁加片生蒜，完全唔係蝦本人個鮮味啦😆！講番呢個蝦，好爽脆，一d都唔會淋同”梅”，收你$108係有d貴，但都幾大，算值得食！👍🏻我地無叫到咖哩又學人叫薄餅😂，無所謂啦，想食就得😁，即叫即烤，新鮮熱辣上枱，烤得脆又勁香，就咁食都好好食！每碟分量都幾大碟，d通菜幾幼，食落無渣！我好鍾意食泰國餐廳既炸蝦丸，通常都好大粒又好好食！呢度既蝦丸特別d，入面包芝士，切開仲流心添，炸得唔油膩，好香口，芝士同蝦丸好夾，好好食！呢個有驚喜，估唔到d河粉好彈牙，煙煙韌韌，最抵食係，d雞肉同河粉一樣多🤣！味道偏辣少少。汽水一杯都幾十蚊，呢個新鮮椰青清甜又夠大個👍🏻2個人食5百蚊有找，都算唔錯，好食抵食過係尖沙咀食泰國野！