篤篤船麵 (荃灣千色匯) (已結業)

經過好多次篤篤船麵都一直無試過今日忽然想食個泰麵 就諗起佢入到裡面佢座位都好闊落整體環境都好乾淨今日無試船麵 叫左兩碗大船麵試泰式豬八戒 好味指數😋😋😋呢個豬八戒一般湯底雖然有豬味 但飲唔到甜味餸分別有豬腩肉、豬皮、豬大腸、炸豬皮、蘿白、豆卜仔 除左炸豬皮 其他都係每款各兩件但比較失望係豬肉丸淋 似係麵粉丸豬腩肉肥膏偏多 蘿白煮唔透有生味青咖哩無骨海南雞湯麵 好味指數😋😋😋青咖哩湯底雖然睇落顏色偏淺但都夠味 飲落有青咖哩香雞肉正常 一般急凍肉另外lunch送一杯泰式檸檬茶整體食物質素一般但環境同服務質素都係高的

店內設計充滿色彩，大大圓枱，長方枱可以坐很多人。桌上有2種辣醬，魚露，醋提供。我一個人來到千色匯做臉部護理，護理時間7點，所以先吃晚餐，來到感覺這間泰式篤篤很吸引，所以決定一試。餐牌泰式其實主要4款，可能怕香港人口味不同，有自選配料，店主有靈活變通頭腦。先說湯底有泰國味道，深啡色濃濃香葉味道。泰式豬八戒金邊粉喜歡大碗料多，有羅白，芽菜，豆卜，好健康!炸豬皮可以未沾湯吃比較脆，平時我在菲律賓店都有買炸豬皮做零食，很惹味的。從來不知原來泰國都有餐牌有款細碗篤篤，可5碗，4碗。相信是一家人吃吧，再另選泰式小菜，真的不錯安排。完全港化的泰國篤篤

放工喺荃灣行咗陣千色店，買晒過年嘅用品啦，但係千色店嗰頭冇咩食，拎住咁重野，於是我地去左千色匯，睇吓有咩好味啦，快食完就走。喺2樓天仁茗茶嗰層，有幾間新食店，我見都幾多人食。本身我地都想食牛摩，但因為太多人，所以唔想排隊既我地，去左食隔間船面。依間餐廳一入黎，店員就會講「沙娃d cup」，裝修又好泰式，好colorful。睇下Menu，佢有大碗船面餐，又有細碗船面餐，可以食下唔同配搭，每樣都淺嚐一番，一於每個都叫黎試下。另外，都叫左啲小食同野飲。大碗船面：豬魔王（腩肉、豬肉片、扎肉）配豬湯金邊粉材料豐富，豬湯好濃，飲落鮮甜，但唔會好甜，配金邊粉好吸味。腩肉同豬肉片幾爽口，食落有少少菇味，幾特別。五碗細船面：一碗大約兩三啖左右，但可以試唔同味道既面。佢既全蛋面配辣湯都幾好食。另外，彩虹湯係南乳湯，酸酸甜甜幾惹味。小食：蓆蝦爽口彈牙，不過個蓆無咩味。泰式雜菜係滷水通菜，正正常常，如果配馬拉盞會好啲。香茅豬扒，比較乾身。飲品係青檸梳打：自動配上冰底，青檸似係醃過，整體飲品上不過甜。新鋪岩岩開，佢服務態度好，安排都得當，新鋪黎講算唔錯。麵食質素不錯，如果小食係新張過後，更上一層樓會更好！