篤篤船麵 (荃灣千色匯) (已結業)

叫咗口水雞麵，d口水雞都幾大碟👍🏻👍🏻我平時食開辣，勁鐘意食辣野，我覺得呢間d辣都幾啱味。夠辣之餘，最緊要係啱味，係好味嘅辣，唔係一味辣。所以，呢間要encore。

千色匯真係無city walk嗰邊甘多野食，不過都有幾間唔錯嘅細舖，唔洗點等位，又幾好食。（2條友食已經唔想再過去大鴻輝，等lift等到頸都長）睇完menu諗都唔洗諗，食泰國野必嗌燒豬頸肉，燒得香口juicy係基本，個汁都好食。海南雞睇相都唔錯，所以都試下，一定無其他海南雞專門店甘好食。算係滑同嫩嘅，浸得唔錯。凍檸茶無走冰，但唔够凍😅叫左職員換杯，爽手有禮貌，值得讚兩句。舖頭細細，凳都細啲，坐梳化位會好過坐木凳。

嚟到千色匯，二人打算簡單求其吃⋯⋯看見門口大大個餐牌寫著篤篤二人套餐，諗都唔諗就走進去試⋯⋯室內的木凳仔硬身又窄，未見舒適好坐。篤篤海南雞~很快就上第一道菜，雞未算滑。秘製豬頸肉~由於早吃，店内食客未算多，但海南雞和豬頸肉都是室溫，相信是預先整定，故有點失望。冬陰功湯~幸好未算辣，普普通通。香葉肉碎撈泰國河粉~河粉質地煙煙韌韌幾有趣。泰式青芒果魚柳沙律~這道菜應該是第一道菜來，可惜是最後先上菜，炸魚柳被濕流流的青芒果蓋著，真的有點奇怪。炸魚柳方面，可能炸得太乾身，口感太硬身。整體來說食客未算多 ，又未到繁忙時段，但上菜時，每道菜式，全是室溫，而且沙律應該第一道菜上來，但反而是最後一道菜才上，感覺有點失望。

想食泰式船湯河？呢一間都做得好正宗，🍜荃灣分店人氣都幾高，今晚同朋友食dinner，叫咗兩款主食同🥠小食都好滿意！嫩滑嘅豬頸肉，🪴加上香茅等泰式香料醃製，食落彈牙🐷而且有好香燒出嚟嘅味道，爽口之餘，又可以保持住入邊嘅肉汁。海南雞船湯河，🐤有米粉同金邊粉選擇，雞件都幾足，皮薄爽滑，雞味濃郁。正宗泰式豬手，😙骨膠原非常豐富，炆得夠腍身。每一嚿都可以食到豬皮香滑嘅口感，😋同埋豬手嫩滑肉質。

打風前夕，諗住食飽啲，打算用一餐就可以捱到個風過咗去於是肯定要嚟我哋荃灣出名曬名嘅船麵餐廳食飽飽啦。呢度最出名嘅梗係船麵啦，因為佢有個泰國正宗嘅廚師主理，船面湯底係真係用牛骨同埋牛肉去熬出嚟㗎，絕無味精，食完都唔會覺得好頸渴，個遊船河面底呢就好足份量，如果兩個唔大食嘅女仔一起食都應該會食得好飽，咁但係淨係食船麵係唔夠嘅，你一定要試吓佢哋嘅小食，無論係炸嘢吖定係甜品都好好味㗎。不過呢度嘅飲品呢大多數都係罐裝嘅，所以推薦飲佢哋自己整嘅泰式奶茶，都幾接近泰國當地嘅口味！佢啲飯就稍微乾身咗啲，不過啲餸係真係好好味㗎，全部都好正宗，不妨一試！

黎到荃灣，個個朋友都話篤篤CP值高今次一於試試，上網睇餐牌好似轉左依度侍應好體貼，見你一袋二袋 會比大D位置你，如果全部櫈都有椅背就好，老公表示有意見，難坐得耐叫左兩份肥牛船湯河，超濃超香牛肉味如果揀金邊粉係會超級大份量，老公都食唔晒，如果金邊粉 份量少一D 就岩岩好沙嗲牛肉（半打）勁鐘意個醬泰式魚餅 就會愈食愈spicy粉絲春卷，炸野岩晒我泰式蝦餅再黎椰子水，超有泰國風味CP值高，又多小食款揀，下次一定再幫襯

21-5-2022 (Sat)同老公送完膠,行吓街,到lunch time食嘢喇,由於唔太肚餓,所以要輕食,行到嚟呢喥,老公話食過船麵嘅呢間(上次食評係2020年12月14日刊登嘅呢篇: https://www.openrice.com/zh/hongkong/review/yeah-%E5%8F%AF%E4%B8%80%E6%AC%A1%E9%81%8E%E8%A9%A6%E5%94%94%E5%90%8C%E5%98%85%E7%B2%89%E9%BA%B5-e3892922),啊.我哋嚟到又係啱啱重有位,睇menu,冇咗船麵,咁要:3. $19.00嘅泰妹蘭香籽飲品芒果味呢個係來貨,唔評,不過雪得唔夠凍.4. $16.00嘅青檸梳打俾樽泰國梳打同有青檸嘅杯,由客人自己斟落杯飲,我覺得糖漿落得啱啱好,唔太甜,味道又清新.味道:5分 2. $68.00嘅沙爹雞肉半打等咗一啲時間,呢個到嚟,見到份量唔同,蘸沙爹醬食,沙爹醬唔夠惹味,有啲失望.雞肉都燒得juicy嘅.味道:3.5分1. $58.00嘅芒果糯米飯呢個等好耐至嚟,唔通係後上?見佢兩個糯米飯係兩隻色,綠色嗰啲應該加咗班蘭.食落

今日去完銀行整野已經是中午12:30，我一出門口傾盆大雨，正好附近有個商場，於是入去避雨兼且搵食。睇過幾間都係比呢間海南雞吸引住，一於入去試吓！叫咗一個海南雞飯雞油飯煮得飯粒分明，也不太油，味道不錯，唯金象米的飯香仍未足夠，但算可以接受；海南雞水準也可以，雞肉尚算嫩滑入味，唯部份雞皮脂肪稍多，也可能熟後未過冰水，外皮未夠爽脆這碗香茅豬扒湯河，湯頗鮮但稍甜，但係都‘幾泰國’，豬扒係我喜歡那種，肉質做得夠鬆，唔係乸到冇晒味嗰啲茶餐廳貨色，味道也不錯另外跟餐加$20我哋揀咗一個小食，炸蝦餅，上枱嘅時候，Size同蝦丸一樣，完全唔可以叫做蝦餅，極其量都只可以叫蝦丸，蝦丸尚算彈牙，不過不失！另外還叫了一碟泰式生菜肉碎，啲嘢都嚟到7788，本來諗住影返張大合照先至開始食，點知等呀等、等呀等都未到，店員見我哋左望右望行過黎問我哋欠乜嘢，然後入去廚房幫我哋追，再多一陣仲未到，都係開始食，食咗一半仲未有影，最後唯有取消咗佢；由於我哋張枱對住出菜個窗口，見住其他嘢係咁出，唯獨冇我哋嗰碟，心諗問題出喺廚房排單嗰度，希望店家能認真改善，以免因服務而浪費師傅的手藝；但話翻轉頭，肥仔店長也作出多次致歉，我哋也知不

疫情期間，呢間餐廳寫住晚市外賣自取78折，但到咗落order後期才說2人餐沒有折。另寫住外賣盒收費$2，但實際1個2人餐總共收$14(7個外賣盒？)，$188既餐總共收咗$202。等下等下，得閒計下，原來散叫2人餐既所有食物，都比2人餐平$20以上，感覺收費唔公道。原本上次食覺得正正常常才再過嚟幫襯，見呢個商其他食肆好多都無開，都知生意難做，但佢咁樣收費法，真係令人感覺好差，就算點好食，下次也不會幫襯了。

呢間篤篤船麵好似已經開咗好耐之次每次經過都好想試吓疫情下都好耐好耐冇去過旅行因為疫情下食開既好多餐廳都已經冇開..就嚟試吓我地認知一定唔會中伏既船麵泰式牛丸船麵睇過樣都好正常，食落好難食個湯底有啲粉粉地咁, 好似係屋企幫肉豬肉飛水果d水咁，仲好臭一邊食一邊反胃，令到個牛丸反而算係幾正常如果有負星一定俾負星迷你木瓜沙律呢個已經係咁多樣嘢入邊比較正常，不過食到木瓜已經差唔多爛既味道秘製燒豬頸肉呢個已經係最好食，叫做係擺入得口不過其實都係又乾同好薄泰式船麵呢碗真係終極大佬，勁勁勁難食完全打破咗我地對船麵既認知完全諗唔到點解船麵都可以咁難食我見到佢個湯底唔知點解會好似好多粉粉地既感覺，但係一d都唔係好濃牛骨既味道個顏色其實見到已經反胃冇咗平時船麵嘅顏色重點係碗嘢完全無味剩係得啲好臭嘅味道兩碗都係船麵但係個湯底完全唔同味不過都係咁難食唔知係咪因為行咗疫苗通行證第二日疫情下已經冇咩人食但冇咩可能連招牌船麵都咁臭咁難食雖然用膳時間係有下午茶供應不過我地怕細碗唔夠，已經唔係叫下午茶**當食緊d咁難食嘅船麵既時候..仲要聽到員工傾計..話你咁唔舒服不如返屋企休息吓, 但係另一個員工堅持唔收工疫情下咁樣真

話說新年期間好多食肆都無開，咁啱見到荃灣間「篤篤船麵」有開，睇menu啲嘢食好似唔錯，所以就去咗試~ 🧡泰抵食二人餐（$188）二人套餐包一款前菜、兩款主食、一款小食、兩碗船麵同兩杯飲品！ 食得咁豐富先至$188，仲要免加一，真係好抵食！味道方面就中規中矩，正常發揮~其中芭提雅燒雞髀最好食，咬落好脆口，同個甜辣醬好夾，個人幾鐘意！ 🔸泰式鳳爪沙律🔸秘製燒豬頸肉🔸芭提雅燒雞髀🔸泰式肉碎生菜包🔸泰式船麵🔸金橘檸檬綠茶🔸泰式熱奶茶 🧡冬陰功湯鍋（跟餐+$38）

荃灣千色廣場入邊一間出色嘅泰式餐廳，全店的裝修非常有泰國風味，恍如置身於泰國夜市中！店面細細但入邊嘅座位非常多，仲坐得好舒服添，平日嘅晚市仍有不少捧場客！全因價錢便宜，食物味道正宗，套餐仲好抵食！超級推介->泰抵色二人餐!泰式鳳爪沙律用料新鮮，沙灘菜好爽，鳳爪脆口配上淋面醬汁帶小小辣！紅咖喱牛腩非常有驚喜，牛腩入味，而且好有口感，唔會鞋又唔會梅，超級好味！秘製燒豬頸肉燒得剛剛好，唔好太焦，食到豬頸肉爽脆感，又唔會太油膩！沙嗲串燒有成6串咁多，真係好抵食，相對串燒，我覺得個醬就更為出色，花生沙嗲味極香濃！冬陰功湯係以$38追加，估唔到上枱都幾大份，一人一碗之後仲有得再添，而且入面仲有好多海鮮，推薦大家追加本身個餐可配船麵/白飯，我覺得船麵比較有特色，結果碗麵係比相像中好味，有驚喜泰式奶茶

禁晚市堂食14日之前嘅最後晚餐，好想食泰國菜，搵到呢間都已經開咗一段時間嘅餐廳。有啲後悔應該一早嚟試，食多幾次。泰抵食二人餐多啲嘢揀價錢又唔係太貴。堂食免+1，人均都係$100左右!!!果然太抵食呀前菜揀咗呢個泰式鹹蛋木瓜沙律，實物同宣傳照一模一樣呢，好開心，因為好大一碟！我覺得都係以酸辣為主，甜同鹹都唔係好食得出，雖然佢真係有鹹蛋（白色個啲），但係食物一有辣味好容易蓋過其他味道。話辣又唔係真係好辣，不過都已經算係今晚最辣嗰樣食物。青木瓜切得好平均嘅一絲絲好爽脆，絕對係一個開胃嘅前菜。主菜之一：芭堤雅燒雞髀啖啖肉唔係太肥膩/咸。切件咁上絕對方便分嚟食用主菜之二：紅咖喱牛腩呢個有驚喜，好特別，因為佢啲咖喱汁好重椰子香味～令到成碟菜都係甜多過辣。除咗牛腩仲有蘿蔔同薯仔🥔送飯一流。有啲嫌個飯份量唔夠多添套餐奉送嘅泰式船麵同白飯。個船麵反而一般般，可能諗住呢間餐廳叫篤篤船麵，以為係佢嘅招牌菜期望高咗啲，同埋佢個湯底嘅顏色有啲烏黑唔係好討好？Anyways味道係正常發揮嘅。小食：四式拼盤大部份都係煎炸嘅傳統泰式小食：炸春卷、蝦餅、蔗蝦同魚餅。呢啲真係現場堂食最好，熱辣辣夠新鮮同埋香脆，如果外賣拎

每次經過荃灣千色匯都係行759同阿布泰就算，今日同媽咪行街，一於就試吓呢一間篤篤船麵。晏晝一點幾去到，見到有個二人餐，啱晒我呢啲唔想唸食咩嘅人，$188仲要堂食唔收加一，可以揀頭盤一個，主食兩個，小食一個，兩碗船麵或者白飯，連買兩杯嘢飲，呢個價錢邊度搵呀！！泰式時蔬: 見到有咁多餸想食清清地所以頭盤叫咗個蔬菜，生菜份量都幾多。泰式海南雞: 分量唔算太大，可能有¼隻雞？但係其實入邊都有好多肉，而且雞肉都煮得好滑，唔會過熟。紅咖喱牛腩: 呢個係成個餐嘅重點，本身以為會係茶餐廳嗰種，但係呢一個擺碟同埋份量，絕對值得自己當一個餸。左邊有薯仔，右邊有蘿蔔，兩樣都煮得好淋，牛腩更加唔使講，都有5-6嚿 ，而且唔會好寒酸，每一舊都好有份量。有少少牛筋位，都係一咬即鬆，好似食緊骨膠原咁樣。四色拼盤: 春卷，䉀蝦，魚餅同蝦餅各兩件。全部都係即叫即炸，我食到最尾先再食春卷，入邊都仲係熱辣辣嘅！船麵: 本身見到咁多嘢食，諗住食少啲澱粉啦，以為睡眠會喺出邊咁樣，得幾注，點知真係成個麵上，我諗三個人食兩碗連埋呢個餐都夠飽！金橘檸檬綠茶: 酸酸甜甜幾好飲，本身想少甜，但係待應姐姐話係沖嘅，好彩都唔算過甜。想讚一讚

行完千色，千色匯1期2樓有間食泰國料理的餐廳，見佢有個泰抵食二人餐 SET FOR 2喎$188堂食仲要免加一，咁抵就同個FD 一齊試下。前菜：泰式咸蛋青木瓜沙律爽辣的青木瓜沙律，係一個好好的開胃菜。入面撈咗少少咸蛋粒，調起個沙律味，仲有少少蝦乾，增加咸鮮味，沙律本身已經用咗酸辣的魚露調味。主食：1. 秘製燒豬頸肉切到薄薄地的豬頸肉燒得好香脆，肉質唔會好乾柴，另外有個醬汁配返，我地覺得唔點都好夠味，呢個朋友大推。2. 紅咖哩牛腩原來都好大碗㗎，配料有冬瓜，薯條先係重點，炸過先炆，形狀會完整啲，食落更香口。紅咖哩顏色雖然深味道濃，但唔辣偏甜。唯一缺點係個牛腩煮得過火有點柴。小食：泰式拼盤有蝦餅、蔗蝦、春卷及魚餅各有兩件，當中以魚餅最特別，帶有少少冬蔭功，外面係米紙的春巻就略為油咗啲，仲有泰式辣醬可以沾。但如果貪心的你，呢個多款式的泰國小食真係滿足哂了。套餐奉送兩碗泰式船麵，用咗金邊粉做麵。船面湯底非常濃，咁樣配合主食好似食緊超多餸的船麵，如果唔飽的話仲可以配飯。另外我地加$38追加咗冬蔭功湯，佢係火鍋上，入面有兩隻爽口大蝦，煮個陣留意住唔好煮到過熟。冬蔭功湯的酸味好強烈，辣係慢慢滲出黎，