Thai-ger (已搬遷) 新店位置

小食拼盤🤍🤍🤍預想中嘅味道，不過炸得唔錯冬陰公湯🤍🤍🤍🤍好飲！好足料又夠味，夠酸又夠辣！仲有好多草菇！泰式通菜🤍🤍🤍🤍用咗馬拉盞去炒通菜，超級香，送飯一流！招牌海南雞🤍🤍🤍🤍海南雞好嫩滑，仲要無骨嘅！今次叫個四人餐包咗咁多樣野食（多到我覺得太豐富），仲要水準幾好，抵食！青咖喱牛腩🤍🤍🤍青咖喱牛腩表現正常，不過不失泰式炒肉碎🤍🤍有正宗泰式炒肉碎嘅味道，但係啲肉碎太瘦，同埋唔夠辣泰式鳳爪沙律🤍🤍🤍🤍鳳爪好爽口，而調味做得好好！芒果蝶豆花斑蘭葉糯米飯🤍🤍🤍🤍啲芒果可以再甜啲，糯米飯蒸得好食，班蘭味都好出！

同朋友唔知食咩好，經過見到呢間泰國野就入去試下。店舖唔算大，所以2人食都頗為迫。餐牌入面有二人餐四人餐亦都有一人餐，但二人餐只有飯冇粉麵所以我同朋友決定叫2個一人餐再加小食share。泰式船麵金邊粉$78裏面有肥牛同牛腩，仲有炸豬皮，口感都幾得意，但如果浸得太耐就冇咁好食，冇諗過佢有少少辣，如果唔食得辣就建議唔好揀呢個去骨海南雞冬蔭公米線 $88呢個反而唔辣，蕃茄味多d，酸酸地幾開胃。但米線有d碎，同埋個雞可以再嫩滑d咁就更加好。泰式通菜 $28追加小食只係加$28，加其他野食好似冇咁抵，所以就揀左泰式通菜，感覺上抵d。黎到既時候果然冇令我失望，好大碗菜呀，而且又好食，目測可能有半斤菜。芋頭椰汁西米糕 $8另外都加個個甜品，感覺幾特別，同埋都算大個。

喺D2 PLACE睇完戲，周圍睇下有咩好食，經過見到呢間好多人，就上左幾層睇下仲有咩好食。一係就唔岩食，一係就要等位，最終都係揀番呢間。有2張吉檯，張2人檯放左Reserved牌，d staff自己研究左陣，先叫我地坐張4人檯。坐左1分鐘都無，就話有3人客，叫我地轉番去張2人檯menu單叫一個main都80幾蚊，小食就6件1份，2個人食只可食到1款小食。見到呢個$248 2人餐，就感覺幾多野食 - 小食2款+湯2碗+菜1款+白飯或油飯2款+海南雞+1款餸+甜品+2杯野飲。要自己出去order，男友返黎就話個staff無禮貌，佢好少會咁講間鋪其實好細，座位好逼，之後上菜個staff都係講都無講聲，就擺落黎，我男友背住坐，每次都要我提佢小心後面我唔食醬，亦都未試過有1間泰菜唔係倒醬喺一邊，但呢間就偏偏淋落去而且呢款炸漿都唔好食椰子雞湯無雞味，椰子味亦唔太濃泰式通菜正常但食左3分2，俾我見到有條頭髮，揪出黎勁長囉油飯無油香味最滿意係個青咖哩豬頸肉，份量比預期中多，d肉係有燒過 (我試過有間食燒豬頸肉，d肉係白烚咁)海南雞都好多肉，但唔係配個汁。。我好鍾意食甜野都覺得呢個西米糕太甜