Thai 2.0 (已結業)

當日和太太在荃灣宜家傢俬購物後，就走到旁邊的愉景新城商場，走到累了時在759旁看到這間泰國餐廳，便和太太食個晚飯再回家✏️位置: 8/10✏️環境: 8/10✏️衛生: 8/10✏️服務: 8/10✏️食物: 7/10餐廳位於愉景新城近荃灣警署的側門旁邊，位置算是方便，餐廳面積不少，環境空曠舒適，食物味道不差，在愉景新城附近是一個不錯的選擇🌟黃咖喱牛腩 - $78黃咖喱味道香濃，屬帶有椰香的港式咖哩，用料足而且夠香，牛腩夠稔亦夠入味，味道不錯🌟白飯 - $13點了咖哩又怎能不加一碗白飯呢🌟泰式鮮蝦炒金邊粉 - $78金邊粉炒得香，而且不會散，雖蝦肉不算大隻但仍夠新鮮，整體味道好🌟芒果沙冰 - $36帶點芒果香氣但不會太甜，沙冰夠滑，很消暑🌟芒果椰汁沙冰 - $36其實是芒果沙冰加上椰汁，同樣是微甜的芒果味，並帶有一點點椰香，鮮甜爽口🌟芒果糯米飯 - $60食完主菜就想食甜品，點了這款芒果糯米飯，糯米飯口感不差，芒果亦夠新鮮🍽Thai 2.0📬地址： 荃灣青山公路荃灣段398號愉景新城2樓2030號舖

今日去左愉景新城，經過見再間泰國嘢食裡面好大嘅，環境唔錯，又舒適，加上好耐無食泰國嘢，於是入去食晚餐😋😋🌟 冬蔭公湯味道濃郁，足料，唔會太咸，估唔到2人份量都有6隻蝦，廚師好細心，將蝦腸整走，再將蝦既角剪走，值得一賺👍🏻👍🏻🌟 海南雞（半隻）雞肉嫩滑，雞唔會太肥，配上辣辣地既雞醬，味道唔錯，要加上又醃紅蘿蔔，醃蘿蔔，酸酸甜甜，好開胃😋😋🌟 泰式鮮蝦炒金邊粉賣相已經係正宗既泰式炒金邊粉，辣粉，花生碎，芽菜都係放旁邊👍🏻👍🏻份量大碟，而且足料，蝦肉彈牙爽口，金邊粉炒得入味，調味剛剛好，加埋辣椒粉一齊食都唔會覺得好辣😋😋🌟 泰式炒雜菜炒雜菜都唔馬虎，加左蒜蓉落去炒，廚師即叫即炒，好有穫氣，而且雜菜新鮮爽口😋😋🌟 炸蝦餅蝦餅即叫即炸，蝦膠彈牙，外層炸得香口，唔會炸得過火，亦都唔會覺得油膩😋😋🌟 芒果沙冰黎食泰國嘢，必點芒果既食品，天氣好熱，叫左杯芒果沙冰😂沙冰即叫即整，芒果香甜，好香既芒果🥭味，必點😋😋

同先生去完宜家傢俬掃貨，順便去愉景新城醫肚，揀咗呢間價錢貼地嘅泰國餐廳，地方寬敞而且座位夠哂闊，坐得舒服，好適合行完街充下電。餐廳食物選擇唔少，而且夠多元化，仲有好抵食嘅二人餐可以揀。椰青即叫即開，超級新鮮，加上雪到凍冰冰，清甜解渴，一流！飛天通菜大大碟好抵食，而且夠哂惹味，配白飯一流。青咖喱雞帶有微微嘅椰香，微辣嘅醬汁加入各種泰式香料，夠哂香濃，同樣係白飯殺手。鮮蝦炒金邊粉亦係大大碟好抵食，即叫即炒熱辣辣送上枱，炒得夠火候亦夠惹味，唔錯。餐廳嘅食物整體質素唔錯，而且勝在價錢超值，亦坐得舒服，下次行完街可以再嚟。

熱辣辣既夏天來了 ，令到人胃口麻麻地。 泰國菜就自然成為首位，而呢次就見到間幾靚Thai2.0餐廳，而價錢又吾貴,啱哂一家大細，入去就點左個二人餐黎試下!泰式金邊粉淨係睇擺相已令人食指大動，顏色炒得均勻的淺橙色金邊粉，乾濕度恰到好處！就好似藝術品一樣，甜酸適中嘅口味。令人胃口大開。冬陰功湯材料豐富既湯入面有小蕃茄、菇菌等，而且一碗內有幾隻蝦，很足料呢！酸、甜、辣度也調較得剛好，令人喝到停不了口，超正！泰式炒雜菜味道都不錯的，清清地當清腸胃，較健康的一款餸。珍多冰質感爽滑味道清甜，外層煙韌、色澤鮮艷。消暑一流。

推住bb車出街食飯, 人車都坐得舒服真係好緊要, 喺愉景新城759斜對面新開嘅泰2.0地方好大, 枱與枱之間非常闊落(有大圓枱, 卡位, 4/2枱), 完全啱哂我地一家大細, menu泰菜選擇仲好吸引添😋.🇹🇭泰式鮮蝦炒金邊粉 (HKD78)平民泰菜必食Pad Thai, 好大隻蝦🦐, 炒得均匀上色入味, 加入大量蛋絲豆卜, 金邊粉口感又夠腍又有Q彈感, 大碟+抵食.🇹🇭泰式豬頸肉炒飯 (HKD78)想食豬頸肉, 又想食炒飯, 原來仲有好多芥蘭, 炒蛋, 洋蔥...好好味, 驚喜炒埋蕃茄仔入個飯增加juicy感, 切粒豬頸肉份量10足, 最啱一人一碗(其實唔止一碗)開心share.🇹🇭泰式馬拉盞炒通菜 (HKD68)馬拉盞醎香十足, 炒到通菜充滿住葱蒜櫻花蝦仔香味, 啖啖都有櫻花蝦lor. 多葉而嫩綠嘅通菜超正😋, 而且都幾大碟, 當食多啲菜吧!🇹🇭冬蔭公湯 (HKD78)店家冬蔭公湯有好濃嘅蝦味, 各種香料滾成嘅味道豐富唔會一味得個辣字, 淨係菇都有2款. 最讚嘅係: d蝦大隻<li個係基本啦>, 新鮮<一搣離殼>而且仲要𠝹好背脊挑埋蝦腸. 一大煲以酒

好耐無得去旅行啦！大家都應該好心郁郁！但無辦法，只好係香港感受下異地美食！我諗泰國菜都係唔少人嘅選擇！通常我揀嘢食都會揀啲輕量啲，可以揀多幾款試多幾款！😆食泰國菜我大多數都會叫燒豬頸肉，豬頸肉其實係一款好難會難食嘅，但我真係試過有間米線嘅豬頸肉真係可以整到柴到唔想食！而咁次嘅炭燒豬頸肉好有炭燒味，而且一啲都唔柴，調味上又唔會太濃，如果食得濃味嘅有兜秘製汁可以俾你點！而出街食多想讕係健康咁叫碟菜🤣而馬拉盞炒通菜都係我至愛，而碟菜鹹度啱啱好，就咁食唔駛有飯餸都冇問題！主食叫咗份泰式鮮蝦炒金邊粉，份量都好足，金邊粉又保持到口感唔會煮得太淋，加埋花生粒好香口，而最驚喜係入邊有辣菜圃，都係第一次食到金邊粉有辣菜圃，好特別食落又更爽口😋另外泰國唔少得嘅甜品 芒果糯米飯，即叫即做所以等候時間要耐少少，但好值得上到嚟飯仲熱辣辣好淋👍🏻加上香甜芒果，正！

堂食晚市終於開放，今晚在荃灣愉景新城食晚飯，口痕痕想食泰國菜，晚上七點多到達「Thai 2.0」。餐廳裝潢花上心思，有越泰風味，而且空間感大，整體環境都予人舒適悠閒。炸蝦餅表面金黃酥脆，每一口都好似食到新鮮的蝦肉，非常之彈牙爽口，高度推薦！配上泰式醬汁更加醒胃，酸酸辣辣，很有泰式風味。泰式鮮蝦炒金邊粉 每次食泰國菜必叫，金黃色的金邊粉，配上大大隻鮮蝦，賣相非常豐富，好足料。芒果軟殼蟹米紙卷配料有芒果、牛油果、軟殼蟹等等。炸軟殼蟹加上不同水果蔬菜，配搭一流，令整個菜式變得清新健康，口感非常豐富。泰式龍眼冰必試的泰式飲品!! 龍眼香甜，而且好解渴。餐廳環境真的讓人很舒服放鬆，食材新鮮，食物質素很棒，讓我們有個美好的晚上。

試到一間可回頭嘅泰國菜餐廳，好耐冇晚市堂食，值得紀錄一下。餐廳易去，名同招牌都好易記易認首先好欣賞佢嘅內部環境寬敞，枱與枱之間唔會好迫，唔怕傾計嘈到格離，另外裝潢都好精緻，燈光夠猛，始終新開係唔同啲！特別係門面，有泰國特色！食物方面，整體唔錯～唔算肥膩~泰式拼盤：可以一次過試盡四款唔同嘅泰式小食，豐富同埋份量都好足夠春卷：口感清新輕盈，皮薄，餡料主要係蘿蔔椰菜絲呢啲素菜，冇肉串燒：揀咗雞肉，點唔點沙嗲醬汁都係咁好食！鳳爪沙律：去骨鳳爪好開胃，生菜爽口清新蝦餅：脆香熱辣辣，外脆內彈，新鮮，沾下酸辣醬相得益彰泰式鮮蝦炒金邊粉：有櫻花蝦、蛋、豆腐乾、韭菜、芽菜，蝦仁又多又有彈性，咬到芽菜爽脆可口，襯得十分好，好大碟，一個人都未必食得晒咁  芒果沙冰：滿到呢～唔係好甜! 芒果味夠濃~ 夏天飲應該再正啲~ 泰式飛天炒通菜：用蒜頭、麵豉醬同紅椒等爆香，夠哂惹味!! 不過唔係好食得辣嘅人可能會覺得辣咗啲，但其實避開啲紅椒、送飯、或者食完飲返啖芒果沙冰就完全唔驚~仲有好多唔同嘅嘢食留返下次試啦！好多餐廳新開好食但之後一般般，希望呢間繼續keep住水準啦