御泰坊-泰越菜

營業中

休息中

朋友相約聚餐，就黎到APM搵野食，原本打算食日式火鍋，可惜人太多，唔想排，見呢間御泰坊有位，可以即時入座，所以就改係呢間食泰菜。印象中之前大家都相約過係呢間食飯，食物味道唔差，所以改食呢間都冇異議。一坐低就即刻睇下點咩食。泰式鮮蝦金柚子沙律用小小既玻璃樽裝住，份量有D少，鮮蝦肉質爽口，柚子清而不苦，配以香脆既腰果和清新既蔬菜，作為前菜實在唔錯。馬拉盞通菜應該係好難會煮得難食既一道菜，除非D菜好老或者煮到好老，所以D醬汁穩定，份量適中就唔會出意外！呢碟馬拉盞通菜係穩陣之選，唔錯架~泰式鮮蝦金邊粉係用粉絲去炒，配以蝦肉、瓜絲、紅蘿蔔絲等，份量剛好，味道唔錯，又係穩陣之選，好快清碟！見餐廳推介星洲咖喱軟殼蟹南瓜盅，就叫咗黎試下，估唔到會咁令人失望南瓜盅先以小型南瓜掏空入面南瓜肉作為器皿盛載已切件既南瓜肉、軟殼蟹和咖喱。賣相唔差，但泛起既油光顯得有點油膩。食落發現南瓜同埋D咖喱味道唔夾，而且軟殼蟹咬落一陣油膱味，搞到個個停哂手，食唔落去，剩返好多！炭燒豬頸肉配辣椒汁係食東南亞菜必叫既！用炭燒呢個方法去烹調豬頸肉，令肉質留有獨特炭香味，配以辣椒汁更惹味！因為大家都仲未飽，所以叫咗碟馬拉盞炒西蘭花

是日與幾位好閨蜜行山後，到apm食下午茶。假日處處都擠滿人潮，剛好御泰坊有位，就此來輕食也。這是單點菜中值得推薦一員：泰式鮮蝦金柚子沙律 Pomelo Salad with shrimps, dried fish and cashew nuts賣相：以玻璃瓶裝起沙律，既能清楚看見每款材料而且具層次感，鮮綠鮮橙顏色配搭亦搶眼不凡，幾條蝦尾從瓶口突出，很有動感。食材：金柚子果肉味道酸中帶微辣，柚子醬汁開胃。鮮蝦去殼，也去除蝦腸，這一點我可是非常在意的，加分!沙律菜份量不算多，但配有腰果碎，增加口感。如果再配上兩條素春卷或者米紙卷的話，就更完滿了！

平時食泰國菜都會去九龍城食，因為放工由觀塘過去都唔係太遠。但係今日遲放工，又肚餓，又想食泰國野，就近近地去左apm食。泰式鮮蝦金柚子沙律同豬肉生菜包的味道都唔錯，做小食都幾好。但係個罐太細，要畢出來好麻煩。如果係用碟上會比較好感覺啲豬肉已經一早炒好上碟時唔太熱。其次仲叫咗馬拉盞通菜同菠羅雞柳炒飯。通菜好快叫完唔到幾分鐘就上菜，好重蒜蓉味所以食物都不錯，但菠蘿雞柳炒飯較失望飯太林食，而且無菠蘿味...價錢同味道成正比，三個人share不太昂貴