Cambo ขุนทอง (The ONE)

營業中

休息中

天氣熱到咁，有點想念泰國！今日行開尖沙咀，去左呢間the one開左一段時間既Cambo。午餐時間人流唔算多， 可以舒服咁坐低享用。Lunch黎講 仲要係商場入面，真係大份夾抵食。 lunch set仲送埋湯我地點左份活蝦刺身，有8隻，隻隻都鮮甜，肉質新鮮。加埋d生蝦汁，辣椒辣地好惹味個菠蘿焗飯 大大份， 有兩隻蝦、午餐肉、肉鬆，菠蘿，超級大份，勁飽😂泰式豬頸肉濕炒河，豬頸肉夠淋 👍🏻👍🏻👍🏻飲品方面， 我地叫左椰汁泳同龍眼冰，食泰國食品必配，勁涼爽。

一路都食開九龍城金寶，今次黎the ONE又食金寶，發現質素好似倒退了。大約7:45左右，佢一路派緊枱，去到我地佢派左張係一個大嘅廣告展示屏後面嘅三角形枱，眼見有其他位置，所以就再等左一陣先入座。叫左個生蝦、三串串燒（豬牛雞各一）、粉絲大蜆煲、泰式炒粿條Pha Thai。生蝦有8隻，size中規中矩，肉質實淨，都幾鮮甜，不過啲汁太辣啦，有點搶左生蝦嘅鮮味；串燒燒得好香，有點焦燶，又夠乾身，不過個沙嗲醬就不夠花生香，有點遜色；粉絲大蜆煲嘅蜆細隻左好多，而且好韌，以前明明係真大蜆黎，差左好多；泰式炒河反而有驚喜，好夠味道，有點甜甜地，蝦都有味同埋唔會霉

平時去開尖沙咀，都鍾意黎呢間泰國餐廳，平日中午的話就必定會黎食，因為呢到既午市套餐真係好超值，包埋餐湯同飲品，選擇多而且又好味。今次叫左波蘿焗飯午市套餐，大大隻蝦配上炒到金黄的炒飯，香口美味，份量足夠2個人食。另外仲點左活蝦刺身同生菜包，活蝦刺身隻隻新鮮彈牙，泰式魚露配上蒜蓉粒同辣椒粒，將蝦刺身鮮味提升。生菜包係用左豬肉加蟹肉，除惹味肉香外加多一份海鮮既鮮味，味道比一般只用豬肉既生菜包更出色。呢度啲泰式甜品都好唔錯，最後當然唔少得叫番個椰汁西米糕啦。

👧🏻Wodafoodie in Tsim Sha Tsui知道呢間泰菜晚市都好旺場要排隊，今日就午市黎食唔洗排隊，又可以食佢既lunch set🤩✨🍍大蝦菠蘿焗飯(連餐湯) $88每次黎我都會叫呢個焗飯，有三隻大蝦，焗飯唔油膩，新鮮菠蘿好夠甜好開胃，最重點係肉鬆既咸香同菠蘿既甜撞埋一齊好好食🥰飯量好多，男士一定好夠飽！午市比晚市平$20！抵食！✨🦐活蝦刺身 $99食泰國菜其中一樣我好鍾意既就係食生蝦，呢到既生蝦一碟有８隻，蝦夠凍、大隻同新鮮，咬落去肉質彈牙又爽甜，配埋海量蒜蓉同辣椒一齊食真係好惹味🤤🤤👍🏻👍🏻✨🥬生菜包（蟹肉+豬肉）$98好少見生菜包有蟹肉，蟹肉鮮甜，令到成個生菜包更fresh，除左有生菜佢仲有青瓜，豬肉碎份量真係好多，呢個高級版生菜包好足料好好食🥰我食曬Ｄ生菜都仲有好多肉碎剩左，如果生菜可以多幾塊就更好啦😝📍 Cambo ขุนทอง (The ONE) (尖沙咀)尖沙咀彌敦道100號The ONE 4樓L403舖

見細佬考完試，帶佢食好野輕鬆下，呢間Cambo係第二次黎，水準都keep住係度，細佬都食得好開心生蝦非常新鮮，唔會雪到冷冰冰。酸、辣度調校得宜，辣得好過癮(細佬話)，我唔太識食辣，就小心地挑出辣椒，就夾粒粒蒜就已經非常滿足！菠蘿飯份量都幾多，要好小心咁「筆」先唔會跌到周圍係。 飯炒夠乾身，配以菠蘿粒、紅腸、火腿，口感豐富。三隻蝦蝦蝦就唔係真大蝦lol 但勝在夠鮮同彈口。 (+25蚊 印式薄餅)另一份主食，我地點左泰式青咖喱軟殼蟹鍋配法包！一serve到枱面，職員就點火熱住咖喱鍋，咖喱味香濃。為保持口感酥脆，軟殼蟹另上！我同細佬都係印式薄餅fans，所以order埋，煎得熱辣辣、又煙韌，點埋咖喱汁，大滿足。

下午行完街，經過The One睇到呢間泰國菜好多人食緊，又突然好想食泰國菜，即管試試😆首先叫咗份活蝦刺身$99酸酸甜甜嘅辣醬，配上新鮮嘅活蝦刺身🦐，好開胃😄朋友叫左份午餐set泰式炒粉 $72 （+$8叫多杯椰汁紅豆冰）味道不錯，食得出好有火喉👍🏻泰式青咖喱軟殼蟹 配法包 $99哇～ 呢個真係好好味😋 青咖喱甜甜地 裏面仲有茄子🍆而軟殼蟹另外分上 可以點嚟食但法包就比較耐先出～ 食到有啲飽飽地先出😌味道：5/5環境：4/5服務：4/5衛生：4/5抵食：4.5/5

泰國野就更係要食生蝦啦⋯⋯佢地嘅生蝦好新鮮個醬汁調得好好味😋加左蒜粒冇得輸，必點的。泰式炒金邊粉：酸酸甜甜有小小花生碎一齊食好開胃，蝦🦐嘅份量都唔小，我個人覺得唔錯👍🏻👍🏻👍🏻串燒沙嗲配泰式炒飯：串燒有齊豬牛雞，滿足晒三個願望😂炒飯一碗仔，可以試晒咁多野.讚👍🏻泰式甜品拼盤：有我最鍾意嘅芒果糯米飯😍熱熱地好正，仲有其他糕點，焦糖燉蛋好味呀⋯⋯樣樣有d呢餐好滿足。飲品點左兩杯奶茶🥤

今日同啊妹行街，先黎到The One覓食兩個都想食泰國野！Search到呢間好似好吸引咁我地率先order左生蝦刺身基本上係我地兩姊妹必食嘅泰國菜九隻生蝦BB, 上面鋪滿蒜同辣椒我唔客氣啦隻隻都好有肉地，好fresh~~都幾辣下刺激嘅開始~~Pad thai又係我地必點主菜之一，繼續我地嘅蝦蝦蝦~蝦肉彈牙，羅望子醬好重手，好甜，微辣套餐有跟一碗湯，清清地，解下辣，不錯。之後嘅重頭戲！「泰式青咖哩軟殼蟹」！見網上都多人點，所以試試佢！平時青咖哩跟豬或雞就成日試，呢個真係好新鮮軟殼蟹另上保持佢酥脆嘅口感，成set配法包，點咖哩汁食又係正！下次多幾個人食一定會點份薄餅..實行點到佢一滴咖哩汁都唔剩lol 今次兩個女仔就唔眼闊肚窄啦 我地好like個椰青，真係好refreshing...一啖辣嘢，一啖椰青水仲可以刮埋啲椰肉 食，好正刮到手軟，好掛住去泰國旅行啲姐姐會刮埋比你嘅時光呢個lunch真係大滿足，食飽飽可以行街lu~

特別推薦大家✅泰式青咖喱軟殼蟹鍋(配法包 / 印色薄餅)Green Curry Soft-Shell Crab w/ Baguette / Indian Bread✅活蝦刺身 Raw Prawn Sashimi✅冬蔭大蝦湯粉(set) Tom Yum Soup Noodle w/ Prawn 《泰式青咖喱軟殼蟹鍋(配法包 / 印色薄餅)》青咖喱係用鍋上🔥，食落小小辣椰味濃，入面仲有翠玉瓜、茄子、豆角等做底🍆🥬好入味，軟殼蟹🦀係分開上，唔會整到濕哂，保持到鬆脆感，仲有法包/薄餅點青咖喱都好正😭(不過要睇下好唔好彩係唔係啱啱整好)💰$96《活蝦刺身》活蝦生鮮爽口🦐，酸酸辣辣又多蒜🌶好開胃，清新得嚟又重口味💰$99《冬蔭大蝦湯粉(set)》冬蔭功湯底好夠味，唔算好辣，酸味比較重😌，係好醒胃嘅湯粉👅💰$65*椰青($42)🥥好清甜，椰肉多又嫩，不過就比較淡椰味**lunch set跟餐有野飲，凍奶茶似港式唔係泰式，有茶味，味道唔錯😎

式款多多的泰式餐廳，有沙律、燒烤、海鮮、炒粉麵飯等等，十分豐富。環境企理，座位之間有適當距離，自成一格。冬蔭功 ($83)• 高甜度的冬蔭功湯，而酸辣度相對較輕微。• 大蝦和配料同樣交足貨，湯汁吸收了配料豐富的味道，非常有層次。活蝦刺身 ($99)• 蝦肉鮮嫩、帶著獨有的韌性；處理得乾淨，除了蝦尾外，剩下的都是可吃用的部分。• 而舖在蝦肉上的醬汁和蒜蓉更加是這道刺身的精髓，蝦肉充分吸收各種酸甜、微辣的味道後變得十分惹味。生菜包(豬肉 | $68)• 生菜放在雪櫃保持低溫和乾爽，菜的表面不會有多餘的水份而影響口感。• 肉粒大小均一，混合了一些香草來配合豬肉的味道，放在生菜上卷起一齊食，口感和味道同樣豐富有層次。泰式炒粉 ($72)• 不過不失的金邊粉，保持一貫泰式小炒的惹味程度，油膩度適中、口感煙韌。• 碎粒花生份量頗多，可以均勻曬在金邊粉裡，顆粒的花生加上爽脆的芽菜令金邊粉更有口感。通菜 (泰式炒 | $62)• 可選擇以泰式、蒜蓉、咸魚或是清炒。• 泰式炒通菜會有輕微的辣度，爽脆又惹味的通菜很適合配以炒粉或炒飯一齊食。

係尖沙咀收工又想食泰國野，特別係生蝦，朋友介紹下就黎左the one 4樓既cambo。環境: 成間鋪環境唔算特別大，但亦唔會太迫。枱面同餐具都十分清潔，一d油積同食物積都冇。店內環境以暗光情調為主，好有浪漫既感覺。服務: 呢間cambo的服務質素要特別讚一下，所有店員都好有禮貌，上菜時間可以用奇速黎形容，真係做到賓至如歸既感覺。食物: 半打串燒沙嗲，3牛3雞，我推薦牛肉串，好多肉，炭香十足，放耐左亦唔會硬哂。相反雞一開始非常香口，但放耐左會有少少出現乾乾地既情況，所以串燒親熱食是常識吧。泰式活蝦刺身 一開始以為得7隻，原來中間都仲有1隻， 一共八隻。生虎蝦好新鮮好好味，佢既汁一開始已經幫你加好哂落去，唔洗自己點，個人覺得汁調得幾好，甜同酸比例岩岩好，唯一要留意佢真係好辣，唔係好食得辣既人要自己潑開d辣椒粒。椰菜苗 (蒜蓉炒) 味道好好，超香蒜味，佢用成粒蒜咁炒，亦落得唔多油，好健康。泰式炒粉 味道調得好好，油亦唔多，醬汁方面比較易食得出茄汁味，粉方面好有咬口，師傅炒得好均勻，唔會太乾或太濕，感覺好高質。

還未進門口就感受到濃濃的泰國風格，無論是裝修或裡面的香氣都令人覺得自己去了泰國，店裡面用了開放式設計，令到客人不會有壓迫感，大家覺得坐的很舒服。「活蝦刺身」🦐活蝦刺身味道鮮甜，蝦非常新鮮，外面有香濃的大蒜同辣椒，再加上酸甜的醬汁，一口可以食到酸、甜、辣，下面底部舖了一層椰菜，可以平衡比較重口味的醬汁，令到本來重口味的菜變得清新。「泰式炒粉」🥘金邊粉上面加上蛋、蝦肉、茄汁、青檸等配料，再用大火猛炒，使到炒粉變的香口乾身，最後加上花生碎撈混搞和，為整個菜增添了多一重的口感，入口微甜，然後嚐到酸味，令人想不停地吃。「泰式明爐大蜆鍋」 🇹🇭使用了一個火爐不停的煮着，可以悠閒的慢慢吃也可以，因為爐的關係，菜不容易放涼。大顆的蜆被放在鍋爐的旁邊，不會長時間受熱而做成over cook。鍋下面有不少菜跟泰國粉絲，加上酸甜的調味，令到整個湯鍋變得令人好開胃口。「椰青」🥥這個椰青又大顆又清甜，裡面的椰青肉好嫩，能夠好好的解決辛辣味，比較怕辣的人建議點這個。服務不俗，店員送菜速度快。

今晚過左去尖沙咀食泰菜，平日都要排一陣隊先入座，可見幾受歡迎。由於唔太肚餓，所以兩個人只係叫左三樣野﹕活蝦刺身、泰式青咖喱牛腩鍋（配法包）和泰式燒木綿魚。活蝦刺身有七隻，調味汁調得唔錯，辣得黎幾惹味，生蝦亦都新鮮甜美。泰式青咖喱牛腩鍋可以揀配法包或者白飯，我地揀左法包。法包外脆內軟，青咖喱辣辣地，配埋食一流。牛腩好咬，唔會硬繃繃。泰式燒木綿魚第一次食，條魚本身冇乜味，不過唔會鞋口，配埋佢附既醬汁就升華左。

終於食到喇！次次行街經過都見大排長龍，所以夜晚預早左收工六點半趕到來，但都要等多十幾分鐘先有位，無法啦得獎店系質素有保證難免大受歡迎。想食泰菜唔去九龍城來尖東，約人飯局此地點確係最就腳，商場有冷氣等位都舒舒服服。菜式太多一邊等位一邊揀菜式最好不過，食咁多野埋單唔過五百蚊都幾實惠。活蝦刺身 $99朋友超鍾意，蝦共有7隻好新鮮，肉質爽口彈牙，淋左酸汁十分開胃，面層鋪滿青紅辣椒粒，唔小心咬到相當辣好刺激。生菜包 (豬肉) $68菜葉柔軟包捲肉碎不散爛。肉碎較濕相當入味，混合大量香料食起來酸酸辣辣好惹味，夾埋生菜味道清新。五片生菜葉唔算好多，二人食份量有餘，抵食之選。串燒半打 $89雞牛豬各兩串，雞肉大件夾抵食，豬肉比牛肉更香口惹味，串燒肉嫩保留到肉汁燒得不錯，唔點沙爹醬都已甜甜地相當夠味。泰式青咖哩軟殼蟹鍋配法包 $96做緊推廣價相當抵食，青咖喱鍋和軟殻蟹分開上，青咖喱鍋用火保持熱度，咖哩汁甜而不辣帶少少椰香，炸軟殼蟹食時先沾上咖喱汁保留口感鬆脆，法包堅係外脆內軟索汁力強，法包夾住軟殼蟹再浸透咖喱汁此食法完美至極，口感味道一流。仲有3件薯仔和咖喱鍋內的茄子，食晒就相當飽肚，所以我投降放棄了！

Cambo一到晚飯時段就排曬長龍，好在朋友一早訂咗位活蝦刺身　$95次次嚟都一定會點！醬汁酸辣醒胃，生蝦爽口彈牙，好好食泰式拼盤（細）　$108冇乜驚喜嘅小食拼盤，有炸蝦餅、泰式魚餅、香葉包雞同埋春卷。味道中規中舉，計埋加一都百二蚊，可以不點。泰式明爐大蜆鍋　$96湯底鮮甜得嚟帶點辣，為呢個鍋加咗唔少分！蜆肉唔算肥美，但係都幾入味；配菜同粉絲做得非常出色，配菜好fresh，啲粉絲爽滑又吸汁，正！泰式青咖喱軟殼蟹鍋（配法包）　$105青咖哩一啲都唔辣，仲甜甜地好香椰汁味，適合唔食得辣但又鍾意食椰香咖哩嘅我哋軟殼蟹冇咩特別，反而好鍾意食佢啲法包／薯仔，吸滿青咖哩，超入味椰青焗飯　$98食食下先發現未影相，因為個椰青飯一上枱我哋已經被佢個份量震懾住大大份好抵食，本身上面仲有啲海鮮同好誘人嘅椰汁㗎，啲飯黏黏地充滿椰香椰青　$40泰越菜嘅最佳拍檔，椰汁冰凍清甜，椰子肉質嫩滑，滿足嘅一餐！