一喜日本料理

營業中

休息中

媽媽同我口味相近, 帶埋佢去搵食當然係最夾, 今日兩母女又一齊出動, 食日本菜！豆腐野菜沙律$78坐底先點沙律好似已成習慣。呢盤沙律菜唔只夠新鮮, 菜葉仲難得的厚身, 咬落"烚烚聲", 非常爽口, 加上軟滑豆腐, 爽滑交替, 係一盤出色嘅沙律。 唯一可以挑剔嘅係麻醬偏多, 如果醬汁分開上就更好啦。四款橙紅色系嘅刺身爭艷奪目, 海膽$188、活赤貝刺身$78、三文魚刺身$88、甜蝦刺身$88。海膽濕潤飽滿, 每瓣都可以輕易地完整夾起, 可見鮮度十足。每板海膽都附上白飯同紫菜 , 不過我就鐘意原汁原味, 一匙一匙直接放入口, 享受甜中帶甘嘅韻味。活赤貝, 口感極為爽脆, 鮮味十足。甜蝦肉質細緻, 鮮甜味美。厚切三文魚, 每片都厚到成隻手指咁闊, 色澤鮮明, 非常肥美。牛肉紙火鍋 $98肥牛片輕輕燙熟, 肉質保持嫩口, 濃郁牛脂同肉味滲透入湯底。粉絲正好吸收湯中精華, 美味彈牙。牛舌串$58, 雞軟骨串$28, 雞腎串$28, 蕃薯串$18串燒燒得均勻焦香, 送上時仍冒著熱氣, 其中牛舌爽彈有嚼勁, 特別出色。日式芝士年糕48年糕比想像中更軟糯, 芝士餡完全溶化, 十分治癒。富士蘋果蜜$38

不經不覺同老婆已經踏入10週年，為左慶祝呢個咁重要日子，我地訂左同事大力推介嘅一喜來慶祝我地一起10週年。👫我地收工係K11集合，行過去位於寶勒巷嘅一喜日本料理非常近，我地7點未到已經到餐廳，由於未到晚市繁忙時間，所以客人都未係好多。餐廳裝修以木色為主，擺放有多幅令人感覺舒服自然嘅掛畫，而且座位寬闊，環境非常舒適。😙同事係常客，佢推介我地來一定要食A5和牛同空運海鮮，可惜我老婆唔食牛，唯有約下次同老友佢地來先食啦。一喜將每日空運海鮮寫係木牌上面，我地係當中挑左老婆都鍾意食嘅活赤貝刺身，另外點左一客沙律、一份卷物、一個細嘅豚肉鍋同幾款燒物，一於食餐好嘅。😁蟹子沙律 $68蟹子沙律份量比我地預期都多，沙律汁唔多，青瓜絲新鮮，配上蟹子，口感非常爽脆。活赤貝刺身 $68今日四款空運海鮮入面，唔好刺身嘅老婆只鍾意食活赤貝，呢個活赤貝雖然只售$68，不過都好大隻，爽口又鮮甜，沾上少少山葵同豉油，非常惹味。😋油甘魚腩海膽卷 $138油甘魚腩海膽卷上枱時我地都嚇左一跳，原本諗住用油甘魚腩同海膽呢D比較貴價嘅食材做卷物, $138應該大概有3至4件，估唔到一份居然有8件! 油甘魚腩油脂豐富，加上香濃嘅海

雖然早就過了生日，但這頓飯是藉着慶生為名而揮霍，在網上翻來覆去尋找一家價錢中上的日本餐廳，最後鎖定這裡。坐在靠窗的座位，窗邊放置着富有日本色彩的擺設，桌上有一個小藤籃，裡面放着的木牌子代表供選擇的刺身。當天翻了三位"貴妃"牌子，深海池魚$388，日本海膽$168及活赤貝$68。首先來到是深海池魚，師傅刀工了得，刺身薄得能透出碟上花紋，同時使我震撼於此生從未吃過薄成這樣的池魚刺身，這裡大概只夠抵我平常吃到的五六片，又不見它份外鮮甜，索價$388感覺好魚吃不成，倒是自己成了水魚。這道菜咱一的特色是配上的汁料並非日本鼓油，而是用上酸酸咸咸的汁，貌似是柚子醋，這種汁料有提鮮效果，但依然無法把平平無奇的薄魚片化腐朽為神奇。點這個螢光魷魚沖漬純粹為了滿足好奇心，朋友則是完全不敢吃。初嚐螢光魷魚，口感是軟軟滑滑，它就像平常的魷魚，不過是更小更薄更軟的版本，味道頗咸帶着微腥，不可連續單吃，否則太咸。這東西於我來說一定不是好吃，但說難吃也不至於，至少我能獨力把它吃完，我會以奇怪來形容它的味道，嚐過這次已滿足了好奇心，不會再點。接着上來三款刺身──日本海膽、帆立貝及活赤貝，藤籃裡沒有帆立貝的木牌子，這是從