瓊媽媽 (書局街)

營業中

休息中

2020年1月4日。晴。北角。書局街同錦屏街食店林立原來書局街有間價格實惠嘅食店2點幾喺附近搵食，見到呢間瓊媽媽門庭若市入面仲要坐滿晒，決定行多一陣再返嚟食～3點左右再嚟人潮先冇晒睇嚟平日lunch都好旺場！所以睇下餐牌，發現外賣全部都平$5、$6而家呢個市道仲可以唔使$40就買到外賣，仲送例湯！真係相當化算！秘製豬軟骨菜飯，$52豬軟骨燘得非常入味，肉質軟滑一啲都唔嚡口，軟骨已經變成啫喱狀，感受到源源不絶嘅骨膠原～例湯亦都出奇地鮮甜！完全唔覺有味精，足料好味～海南雞油飯，$48先要一讚個油飯，香口之餘，仲粒粒分明～海南雞就皮軟肉滑，加埋面頭嘅薑蓉同隔籬嘅黑豉油，十分吸引～兩個人夾埋齊頭$100～抵食！

海南雞飯 ($42) 轉油飯 (+$6)評分：7/10.之前偶爾去柴灣時見到呢間鋪頭但冇入去食，之前見到原來開到嚟北角，主打各種唔同嘅雞飯，除咗海南雞仲有手撕雞同口水雞。飯都有好幾款選擇，白飯蔥飯油飯任揀覺得佢哋嘅海南雞做法有啲特別，其實好油吓，但聽到伙記話如果唔咁樣處理就會太乾。我比較欣賞佢哋個豉油同蔥油～油飯都唔錯，鐘唔鐘意咁油臘臘嘅雞就真係見仁見智，都係諗住未試過試下新嘢 😗 外嚟講價錢還可以 ，或者下次可以嚟試下其他飯餐