入素

營業中

休息中

好耐都無食素啦， 堂食限聚令亦可以開放至4人，所以一定要約朋友出街食下飯。 今日試下一d 新派素食， 就連一向食素嘅朋友都話想試試， 當中的套餐有包一碗素湯及飲品 最好食- 叉燒小食中的叉燒， 唔會太甜。 一定要試海南雞飯但可能唔慣食素， 咬到雞皮， 感覺有啲怪怪的， 但雞肉就ok 推介- 白汁和咖喱吉列豬扒飯豬扒咬口都ok , 亦都脆口。 白汁亦都唔會太cream.推介喇沙海鮮湯- 喇沙湯底中的海鮮味做非常真實。 亦都味道濃厚。 讚👍🏻可以令一些對海鮮敏感的朋友， 像幻想自己食緊真正海鮮喇沙， 令佢地讚不絕口

同朋友食個生日飯，因為就佢住得近加自己茹素就試下呢間，順便懲罰少有嘅素食黃店。地方都唔算難搵，石門站隔離就係，舖頭唔大間，好彩book定唔駛等，夠鐘都係啱啱有枱。嗌咗個海南雞飯，串燒拼盤同埋四喜烤麩餐，大概等咗10分鐘左右出齊晒，個人最驚喜始終都係雞飯，當然唔排除係茹素太耐冇食過雞飯有啲掛住。但上菜嗰陣真係好像真，雞皮係蝦餃皮質地，仲特登拮左啲窿仔睇落再似啲，雞肉就係豆製品，不過都有少少似雞胸咁嘅層次。至於佢配埋三個醬好正，好多雞飯都未必配齊，個人覺得最好食係黑醬油，其他都正常，不過中間嘅醬就唔係配泰式辣醬，係自調嘅甜酸醬。配菜有唔少沙律菜，略嫌麻醬味太濃。至於個飯就黃薑飯嚟嘅，食落薑味幾重，上面加左啲燕麥片又幾得意，不過唔太夠熱，飯就唔爛嘅，ok，食雞後飲埋湯消一消滯都幾好，香菇粟米湯幾清新。其餘兩個略略講下，烤麩個顏色都幾深色，但食落冇想像咁鹹，反而個冬菇幾淋，成件事都好索味。跟餐有埋素魚丸湯同白飯，我就覺得個丸太淋，唔係好食得出咩嚟。串燒就有沙嗲素牛串同素雞串，春卷，薯條同好似麥樂雞嘅野，其實炸芋餅嚟。牛串比較好食，雞串就比較明顯似豆製品，蕃薯條同薯條佢就俾甜酸醬，但個人覺得茄汁

咁啱嚟到石門，商場入面好多店舖都好多人排隊💛但呢間就唔使排，其實素食都可以好好食㗎！大家真係要多多支持！嗌咗海南雞飯，$78，包一碗香菇素湯同花茶佢碗香菇素湯真係好驚喜，原本以為素湯都會好清、味道淡，但佢呢碗素湯菇味真係好濃郁好飲到想嚟多碗！花茶都好香💕一直都好鍾意飲花茶，估唔到呢度都會有海南雞飯嘅雞其實就係平時食嘅腐竹素雞，上面加多咗層啫喱咁嘅「雞皮」，賣相都幾可亂真，仲有齊醬汁同薑沾，味道不過不失入素嘅menu好細心咁標明係純素、奶蛋素、有冇含五辛，素食人士嚟到就好方便喇～店舖入面貼嘅poster，雖然我唔係素食者，但最近為咗保護動物同環境，都想食多啲素食💛

第一次寫食評, 全因"入素"這間食店給我們的驚喜.約左朋友去石門. 在商場的一角, 地方不是很大, 但食物和價錢都十分出色.我們最喜歡 "海南雞飯"  飯香(唔油)之餘, d雞做得好似, 連雞皮都有, 好味其次推介 "咖哩手抓餅", 媲美我在台北永康街食過的串燒都好好味 (encore 左兩次)我太太食左個 "和風定食", 味道不太濃, 剛剛好. 又有跟梅子涼瓜, 幾 refreshing由於碟海南雞飯好好食, 追加 "口水雞", 唔算好辣, 幾惹味價錢好合理, 自己睇, 會再番食