吉利尼 (已結業)

因工作來到附近，一個人的晚餐諗住對自己好d,見到呢間裝修唔錯就入黎試下。 點了以為穩陣的海南雞飯，但結果都令人極度失望。 油飯很乾而且有怪味，雞肉很韌。。。點了薑蓉豉油都仍然好似無味一樣。。。仲有間鋪好多蚊飛下飛下。五十幾蚊食個咁既飯令人好唔開心 >.<真係好難食 T_T

本人雖然未曾去過新加坡, 但卻對辛辣及椰香的菜肴情有獨鍾, 讓您胃口大開.食店的裝修在我之前的食評有介紹過, 圖片請參考之前的食評. 但這裡有些微改動是靠近落地玻璃的位置由沒有椅背的長椅改為卡位, 所以坐位會比較舒適!有看過我食評的朋友都會知道我之前曾吃過這食店它的叻沙, 咖啡和咖央多士都非常出色. 今次會嘗試一下它其他的海南雞飯和香茅豬扒飯.海南雞飯($55): 凡是星馬餐廳，一定有這一道海南雞飯, 這裡的雞肉嫩滑, 不會過肥膩, 我是很注重健康的人, 雞皮不肥膩沒有肥膏可以連皮一起吃, 醬料有豉油,蒜泥及辣椒醬, 蘸些特製的辣椒醬拌著吃，非常可口; 油鹽飯很有飯的油香并不會過咸, 冬天吃可以暖暖胃; 伴碟番茄和青瓜都很新鮮和清甜. 香茅豬扒飯($46):  豬扒炸得很香脆而肉質嫩腍, 肉質炸得金黃色買相一流但不會煎過火, 肉的油份由裡面滲出來但不會過膩, 更滲出清香的香茅味, 吃點生菜絲以減肥膩感.咖央多士(套餐+$10): 叫套餐加$10可嘗到咖央多士, 多士焗得很香脆加上厚厚甜香的咖央醬及牛油非常惹味!嘗試過其他的食物, 它的水準真是不錯, 有時間會再來光顧的!

星期六黎開呢頭行街買野，未行之前梗係搵野食e左肚先啦！呢排新加玻野甘hit,又比我地搵到間專食新加坡野既連鎖餐廳，一於試下先！一坐底，就同友人講要點薏米水，黎到亦無令人失望，好正宗，無偷工減料喎。南亞風，又點少得kaya toast 呢！呢個都無令人失望，自家製既kaya sause好濃蛋香，又吾會得個甜字，加埋牛油，成件事好合理，我同友人一人半塊夠哂！到main course la......個叻沙湯底正過toast box, 好香蝦米味，椰汁同香茅分量剛剛好，再加店內既秘製辣醬，自己調較辣度！好惹味啊！順遂比個名吸引中，其實就係用叻沙既配料加sause黎撈米粉。略嫌味道不夠濃。海南雞皮爽肉滑，味飯味道香濃！值得一食！娘惹咖喱雞加prata，prata吾會太油膩,咖哩吾算辣，但就好香濃。仲有好貼心既設計，我可以慢慢充住部iphone慢慢食都吾驚無電啦！成個brunch食得好食又舒服，價錢又吾算貴，絕對會encore!

星期六去過killiney，整體上算唔錯，各種食物都可以叫做合格有餘。出食物都算快。服務可以叫好，服務員都較為自動及有禮貌。當日試左咖央多士、喇沙、米邊、海南雞飯、咖喱雞連簿餅及黑甜咖啡。要快d會是咖央多士、喇沙及海南雞飯，凍左會較唔好食。