四季常餐 (德輔道中)

營業中

休息中

中午12點半左右黎到位於中環嘅四季常餐食午餐🥣大概等咗十五分鐘就可以入座🥰午餐選擇只有四款，我就揀咗海南雞飯 ($59) 配熱飲，叫完餐好快就有得食😍望落雖然好似唔係好大碟不過絕對飽肚！油飯好食唔會過份油膩👍海南雞勁滑☺️個人認為點甜豉油可以更突顯海南雞嘅鮮味👍朋友叫咗叉燒炒蛋飯配秘制豉油汁 ($58)，叉燒好入味，不過就有啲唔夠嫩🙈整體黎講正常發揮～性價比高👍其實四季常餐嘅常餐都好出名，下次黎開中環會再試下😋

當日落雨濕濕，在中環辦完公事後就找間顏色店醫肚，內心的鬧鐘跳出了幾個寶號，最後選了四季常餐這茶餐廳落腳。據小妹所知佢都幾紅，之前限聚令限枱令下，食環同Green object 一日光顧三次，揸住把軟尺當令箭，左度下右度下，好彩食肆都係跟足規矩，不過光明正大打開門做生意，可能招人妒忌啦。據報導說生果報業大亨兒子開的店～所以就poo 來poo 往，彈出彈入個不停。入到去餐廳，待應哥哥隨即被再三告誡千萬不要在食物未黎之前除口罩，都明白的驚弓之鳥係特別謹慎，眼見所有食客都係跟足規矩的。枱面有酒精搓手液比食客自行消毒雙手然後再進食午饍。當日餐廳大約有三成滿啦，又或者係過咗飯鐘所以未係最滿嘅時間，小妹點了海南黃油雞飯及凍奶茶一杯，呢度嘅凍奶茶係冇冰嘅所以係最正最好飲拍得上Iron Man嘅「藍」興集團冰鎮奶茶。然後等一陣，飯和飲品都來了可以除下口罩享用美味的午餐。先試一塊雞，雖然都已經知道佢係雪藏雞但係都不至於太差，至少雞肉連皮係黐埋一齊唔會分開，冇食到有雪藏未呢點係讚嘅，然後雞油飯香，唔會太硬或太黏，小妹最近居家抗疫研究了不少食譜，雞油飯連埋雞湯斑蘭葉煮，其實都幾考功夫因為又要煮到個飯軟硬適中但