泰角海南雞 (已結業)

520同男朋友去左出哂名好多好野食既旺角通菜街食我最鐘意食既泰國菜🥰未入門口已經見到五隻模型肥雞，店面唔算大，店員姐姐好熱情而且態度好好我地叫左2人套餐，CP值超高，飽到食唔哂，所以我見離檯都係3個人叫2人餐!/海南雞飯🐓🍚賣相吸引，份量適中。雞夠白滑，又唔會肥淋淋，配上個秘製水門雞醬，微辣香口，唔錯！記得記得記得，一定一定一定，唔好轉白飯，因為碟油飯係重點，好香但一Ｄ都唔會太油，而且粒粒分明，原來除左香油，仲加左雞湯！/泰式蝦餅撈麵🍤🍝呢個撈麻麻地，蝦餅就點都好食既，但個麵無咩味道，而且唔夠乾身，痴埋一舊咁。最後我地要點水門雞醬黎食哈哈/泰式木瓜沙律🥗其他菜色都比較重味，原本諗住沙律可以清清個口，但係好鹹！仲要唔夠凍/泰式拼盤🥣不過不失，無咩特別/泰式奶茶🍹我叫左少甜，啱啱好，夠香滑/食完上openrice 睇返見到有負, 但都成年前, 留意到人地碟海南雞同我個碟唔同, 佢地個碟係白飯。原來係易左手轉左老細, 仲拎埋U food 我最喜愛食肆獎！因為碟油飯真係好好食, 我一定會返轉頭，男朋友仲想試佢個生菜包

門口有5隻肥雞模型，又有店員熱情招待，馬上試一試。海南雞飯賣相吸引，味道更出人意表。粒粒黃油飯、白滑幼嫩雞隻，配上獨有黑醬油、水門雞醬，帶甜又帶酸。個人大愛秘製雞湯，用胡椒、芫茜為主調，味蕾感受有另一層次。泰式生菜包有不同程度的辣，小辣認為未夠惹火。不過，欣賞肉碎用半肥瘦，口感平衡，而且用料十足，有絲絲薄荷葉、紫洋蔥、炒米粒等材料。另外生菜新鮮，擺盤也用心。冬蔭公湯用火水爐不斷加熱，令每一口都熱騰騰。除了香料比例恰好，內𥚃更有大有文章！有多隻蝦、草菇，喜歡酸酸甜甜的萬勿錯過！要數較為失望就只有青檸梳打，酸度拿揑得未多準確，而且味道太為難忘。個人建議加點椰汁類飲品，尤其吃泰國菜，既可保護胃壁，又能一洗口腔，重新品嚐下一道美食。另外一讚，女店員熱情好客。又能以英文簡單溝通，希望成為新熱點。最後，叮叮和我非常滿意！更難得是這陣子遇到服務參差的食店，但這次卻令我重拾對嚐試新店的勇氣！

上次一丁友豪食 今次二丁友挑戰平食😂估都估唔到 我未同我男友講係邊 佢就知邊間！睇黎旺角好食泰國菜 泰角實至名歸😂❤️泰國冬蔭公海南雞湯麵 💰HKD50上次試過冬蔭公湯 已經知道係超和諧口味唔太辣 唔太咸 唔太酸 唔太甜 幾種口味出得啱啱好今次試埋湯麵版 估你唔到咁吸味 係幼麵的好處💕用米粉都有見過既 但係太幼無口感 泰角用扁幼麵條 有口感又吸味💕海南雞因為唔太熟唔太生 做餸放落湯 肉質都唔會太粗糙最好就緊係另上海南雞啦😏😏😏😏海南雞飯💰HKD48上次一丁友食半隻 今次二丁友叫海南雞飯依然滑嫩 依然係神級雞膏逼晒出黎今次加埋香味十足既雞油飯 將海南雞既體驗昇華到頂點😍加埋秘製雞湯 凍既海南雞 配上暖暖的雞湯中和一下 絕配❤️