象泰 (已結業)

同老公仔仔係屯門睇完戲，知道雅都商場宜家有好多美食選擇，所以嚟睇睇；最後決定食象泰。平日晚上，餐廳都坐滿9成，相信好受歡迎；打開餐牌見到有好多選擇，我哋點咗～泰式菠蘿海鮮炒飯 $98賣相精美，而且比我想像中大碟😂有兩隻大青口，竟然鮮味十足，比自助餐凍盤個d更鮮甜😮$98咁大碟，如果朋友多，真係抵食串燒沙嗲 老公有沙嗲癮😅沙嗲大大串，一樣係抵食之選，雞肉無燒到過乾，如果調味上可以甜少少會更正粉絲蝦煲百幾蚊竟然有兩隻大size蝦，真係估唔到！粉絲好有味，充滿八角及其他香料味道，入口滿滿泰式風味👍愛泰必食海南雞飯半隻海南雞連飯$98，叫多個菜，兩口子都夠食😋雞肉好滑，好香；油飯都夠味，正❤️龍眼冰泰國餐廳我最鍾意飲龍眼冰😚龍眼夠足料，讚。青檸梳打餐廳分開上，梳打汽水自己倒，即刻抵飲晒，老公好滿意。

係屯門食泰國菜，除咗小曼谷之外，其實仲有一間叫象泰嘅都唔錯！今日同朋友喺樓下睇完戲，就上咗嚟你間泰國餐廳食嘢有泰國裝修，食落都好食d海南雞飯啲肉質唔會好鞋，配合佢個特製醬汁食，酸酸甜甜，喺夏天真係唔錯！個黃油飯都好味，都唔算係好油膩豬頸肉青木瓜沙律酸酸甜甜，喺夏天做開胃菜真係好好食，食完之後好似越嚟越肚餓蒜蓉牛油雞翼蒜蓉味重，配合牛油嚟煮估唔到又幾香，而且雞翼外皮趣卜卜，正！蒜蓉包蒜蓉包焗得啱啱好，外脆內軟又唔會好硬！如果有埋咖哩黎點應該更加好食，可惜我哋食唔到咁多野芒果沙冰，椰汁冰夏日炎炎，一定要飲一杯沙冰消消暑，好新鮮既生果！飲得出個芒果沙冰唔係用糖漿溝出來屯門又多左一個食泰國菜好地方呢！

天時暑熱，只好走到商場「避暑」，也剛好試了這間泰菜。海南雞飯作為泰菜的常客，是絕對不能少的。海南雞肉雖然尚有小骨未去清，但肉質十分嫩滑。可惜油飯味不夠油，否則便能稱作完美。小食拼盤(小)有雞翼、串燒(一雞一豬)、春卷及蝦餅配甜酸醬各2件。每件小食都做得十分出色，當中以春卷做得最好，外脆內多汁，實為必叫之選。三色冰也是不錯的選擇，夠大杯，配以椰漿已叫人回味。這裡環境不錯，行商場累時正好來這裡補充能量再行過！

平時黎到屯門食泰菜比較多人去的一定是位於置樂的小曼谷，但其實屯門仲有其他出色既泰菜~就係位於雅都商場既象泰，味道同環境更好我同媽媽今日中午黎到先叫一個set lunch 係海南雞飯，飯粒充滿油香味!再叫一碟豬脛肉，份量頗多，我十分欣賞它的醬汁同燒得唔會太乾，入口尚有肉汁平時泰菜多數係通菜，椰菜苗，但呢到竟然有炒蓮藕片所以再點了一碟泰式西蘭花炒蓮藕片，味道不錯。飲品方面我點了椰汁珍多冰，椰汁味濃郁又大杯~

想近近地食泰國菜所以今日下午就同朋友二人去到屋企附近嘅象泰，呢間餐廳我已經食過幾次，今日再來幫襯。店鋪裝修新淨環境舒適，座位夠寬敞，好適合同朋友邊食邊談 ，今次叫咗個海南雞飯同泰國冬陰功湯金邊粉配豬頸肉。海南雞飯嘅雞醃得啱啱好，唔會太鹹，肉質夠滑，份量亦唔少，雖然雞本身已經夠味道，不過幾鍾意呢個醬汁，味道甜甜酸酸，雞油飯整得唔油膩夠乾身。泰國冬陰公湯金邊粉個湯底味道一般，太重蕃茄味，豬頸肉都夠厚身，口感可以。飲品選擇咗自己鍾意嘅椰汁冰。我覺得整體嚟講質素算唔錯價錢又相宜。

一家四口在這裡吃午餐，看看午餐牌，全部也是$52或以下，十分超值，而且選擇很多。我們點了一客海南雞飯，肉質十分嫩滑，皮上的脂肪不多，很少連皮吃的我也忍不住口要試，就算連皮帶肉食晒也沒有罪惡感😆在炎炎夏日最好點豬頸肉撈檬，配上酸酸辣辣的醬汁，令人開胃。我們還點了一客菠蘿炒飯，雖然不是原個菠蘿上，但炒飯用料十足，很多新鮮菠蘿肉，我的至愛😋另外，點了一客青木瓜沙律，這個沙律偏酸，當作伴菜吃令人十分開胃。看見鄰桌的薄餅很吸引，我們也忍不住點了2塊，雖然外表很多油，但吃時覺得很鬆化，美味！最後不得不提我的香茅茶，很少餐廳有香茅茶選擇，喝下第一口令人感覺清新，有淡淡的香茅香氣，是夏日消暑良伴。