天天海南雞飯 (Fashion Walk)

營業中

休息中

為左報答🐢🍯嘅愛，今日落堂同佢嚟食好西。上網睇到呢間米芝蓮餐廳好似賣海南雞賣到上天咁，所以嚟試下。一入門口我以為自己去錯餐廳，因為佢門口就係個吧檯，飲酒果啲，唔係沖奶茶咖啡果啲🤣但入到入邊就係正式餐廳，環境幾舒服，佢連餐牌都設計得好特別。而最重要係成晚播嘅歌都係啲流行曲（英文嘅）全部都係我喜歡嘅歌，美食加音樂，完全唔捨得走。嚟到天天海南雞餐廳當然要叫返個海南雞啦，158蚊例牌，其實兩個人嚟講份量好足，因為佢係冇骨，疊起兩層。啲雞好嫩滑，佢原本已經有雞汁，所以唔點醬都夠味。但海南雞唔少得豉油同泰式辣醬加埋嘅「海南雞醬」，辣辣地，味道冇出面果啲咁濃。除左呢個，佢仲俾左個沙薑汁，佢磨到啲薑好幼滑，味道唔濃但好香薑味，佢啲醬冇咁濃令你可以食到雞嘅原本甜味。然後重點嚟啦 - 油飯。佢個油飯係我食過最好食嘅油飯，因為佢個飯原本已經好夠味，真係齋嚟食飯都唔誇張。佢一啲都唔油，但做到粒粒有味，而且啲飯煮到岩岩好，粒粒分明，真係好好食，兩個女仔食到一粒不留。除左呢兩個重點菜，我地仲嗌左個香茜蟶子，因為🐢🍯好喜歡食芫茜，而我又喜歡食蟶子🤣佢將啲蟶子洗得好乾淨，白雪雪咁，再加埋佢個冷盤麻油汁，好清新嘅感覺，

以前以為這裏只有海南雞飯， 當天約咗上面飲嘢， 不如就試下， 星期五當然要訂枱喇！出名海南雞當然要食，白雞肉， 白烚 ，薄皮脂肪少， 初初食冇雞味，食到最後兩件先食到， 淋上汁都冇幫助其味，肉質是不是期待的滑，配食三種醬汁，可給中上分。石窩花膠黑磨豉豬手， 阿婆梗係鍾意食啲咩麵豉豆豉，還有花膠豬手增加骨膠原，雖比相片细盅，但滿到瀉，豬手淋，花膠滑滑軟軟，份量都合理，醬汁欠濃磨豉醬。最喜歡小炒皇， 韭菜花，炸過腰果、鹹魚仔、蝦米，xo醬炒，香口，爽口，惹味。最估你唔到係白飯，用石窩上，粒粒分明，長身， 飯香，有口感有黏性，彈彈挺身

友人介紹到此一遊招牌海南雞+雞飯：你問我得唔得？得，特唔特別？唔特別，簡單講就係同新加坡一般food court 味道，冇一種驚喜感牛肉肉骨茶：嗱嗱嗱依味就有驚喜牛味好重，牛肉好腍，牛魔王啱食，以為有藥材味湯稀清，但相反湯濃濃牛味反而唔太有藥材味牛肉脆米卷：小朋友食咗話好好味咁就信佢啦墨魚餅多士：賣相ok,不過又係冇乜驚喜，仲之見其名就知其味榴槤芝麻球：聞到有榴槤味但食落就食唔出榴槤味，但個波波都炸得唔錯想讚讚工作人員對小朋友同老人家特別照顧，好少見宜家啲年青人咁有同理心及懂得體諒他人

過江龍星加坡天天海南雞飯在銅鑼灣開業已經一段時間，初期無時無刻大排長龍，所以一直未有勇氣拜訪。今晚經過唔駛排隊，即管一試。去過星加坡天天既來到香港天天都肯定有以為去錯地方既感覺😅😅⋯⋯原本響Maxwell Food Center 裡面賣SG$3.5一大碟海南雞飯既大排檔，來到香港變左新潮酒吧餐廳，格局同星加坡完全唔同。一坐低，侍應問我地要有氣水定係無氣水，我呆左幾秒，之後點左個薏米水🤔🤔。見個餐牌係一本相冊，好似本雜誌咁，覺得好奇怪，開始醒覺香港天天走既其實係高級路線😌😌。餐牌除左星加坡都有既海南雞之外，仲有燒雞同好多其他香港特有菜式選擇，但係獨欠碟頭海南雞飯。海南雞係必點既，兩個人食例牌可以，飯要另點。飯既選擇有白飯、雞油飯，仲有個龍蝦脆米泡飯，全部石鍋上。點左一個白飯，一個龍蝦脆米泡飯。另外點左好有香港特色既小炒皇。總體食物味道可以既。海南雞都有星加坡既水準。不過兩人埋單五百幾，同響星加坡天天食一餐價錢差近十倍。如果你去天天係想回味Maxwell Food Court既風味的話就唔使去啦😎😎

即使開張半年，經過總會見到門外長長既人龍，周日6點喺附近睇完戲，一望之下冇人排隊，即刻試試聞名已久既天天。 可能因為係第一批就座，所以都分左張四人枱，唔需要搭枱。我地叫左：蟶子冷盤、海南雞、天天石鍋雞飯、波士龍蝦、鴛鴦菜花、燉湯(花膠白肺、松草花燉雞各一)。 當晚六點已經冇晒想試既酒糟四寶，於是叫左個蟶子冷盤。但上枱同menu有少少圖文不符，結果食晒成餐飯，碟野都好似冇掂過咁。 主打既海南雞雞脾部分算嫩，但係雞胸都係唔夠滑…秘製醬汁唔算特別加分，都係點返蔥油最好。相比之下，石鍋雞飯有驚喜，好味過海南雞！唔會太油膩，雞味又冇被掩蓋。 鴛鴦菜花其實係馬拉盞炒菜，用石鍋上，夠鑊氣之餘又唔會過咸，我地覺得係全晚最好味。 本來都怕食龍蝦會搞到隻手污糟晒，但見佢標榜起晒肉，所以試下波士龍蝦。上枱果然起晒肉，龍蝦上只放左薑蔥，所以淨食唔夠味，但配上新加坡風味辣醬就夠晒野味！燉湯都算中上質素，但豬肺重有少少味，可未沖洗得夠⋯埋單$900/2人，咁既價錢重有好多選擇，亦覺得唔需要排晒隊等。

曾經係新加坡食過主店既海南雞，果時覺得係食過最好食嘅海南雞，一直都想再食，可惜未有機會再過去食，今次知道佢嚟香港開分店，聽講係海外第一家分店，所以就急不及待前來排隊，大約18:20左右到達，見到條隊已經排到轉彎處，雖然無預期咁誇張，但都要排大概2個鐘，排隊期間，員工會間中出來斟水/茶俾排隊嘅人士，呢種服務都幾貼心，差不多排到既時候，又可能會安排你去門口bar枱位置坐下，順便睇下叫唔叫野飲，不過我地都未來得及睇果本酒水menu,已經有位了。一入到去，燈光有點暗，可能係想營造新加坡food court 既氣氛吧，座位好寬敞舒適，我地2個人坐既係4人圓枱。值得一提既係香港呢間除左主打既海南雞，仲可以品嚐到另外3-4間新加坡出名的食肆食物，所以本menu都幾厚下，當然幾乎所有人都係為雞而來啦。由於係晚飯時間，所以冇套餐供應，我哋就叫做一個例牌再加一窩大飯，雞嘅份量唔算多，不過食落感覺就真係同印象中係新加坡食到既不相伯仲，即使平時唔鍾意食既雞胸位置都整得唔諧，下面仲鋪左d青瓜，感覺清新得來更無油膩感👍🏼👍🏼👍🏼個油飯都處理得好好，唔太油，飯粒軟硬適中，而且用石窩裝住，可以保持到飯嘅熱度。總括嚟講

見外賣 app 可以訂天天海南雞，開心到不得了，第一次訂購還有半價優惠！原價$69的外賣，現在只係$34.50。外賣的包裝設計很靚，未開都巳經很開心。油雞和雞的份量較細，不過沒關係，早巳預計了。油飯雖然不是暖的，但又不致於凍，還是軟軟的，幾好食，有淡淡的雞油香。雞的份量和飯差不多，想必經過計算和配合。雞肉很嫩，連雞胸肉都是嫩嫩的，浸着雞的汁説實很好味，所以連汁我都用來伴飯。青瓜和芫茜都好爽好香，係好新鮮的感覺雖然份量較細，個餐盒還有好多位，其實可以加多一點點會更好 ...... 但我都會再買