松記糖水店 (已結業)

日前於銅鑼灣晚飯後突然好想吃糖水，驚覺銅鑼灣的糖水舖買少見少，叮一聲醒起堅拿道天橋底有間松記糖水！記得當年光顧得最多的是深水埗店，當年松記出名款式多價錢便宜, 可幸到了今時今日，糖水款式依舊多，還很創新，但價錢已緊貼潮流了！是日想食傳統野，熱食較窩心。海底椰滋潤，晶瑩剔透，近日天氣乾燥是個不錯的選擇！椰汁喳喳創新，除了豆豆外，還引入台灣流行的芋圓地瓜圓子。圓子都很煙韌，地瓜圓少甜，百吃不厭！最欣賞的是這粒綠茶奶黃湯圓，湯圓一般給人飽肚沉悶的感覺，這粒湯圓口味創新，奶黃餡軟滑幼細，相比起傳統湯圓可謂一大革新！

今日係銅鑼灣同朋友一齊HEA 左一個下午, 中途站到左松記糖水HEA, 平時夜晚經過時，出面一定人山人海，好多人等位，原來下午係少咁多人，得1,2張枱有人坐....海底椰紫米露味道淡左D , 都OK GA杜圓蓮子茶都幾甜六寶湯丸幾特別, 一碗可食到唔同味道湯丸腐竹旦 加丸非常普通,

同朋友仔同佢個仔係銅鑼灣區食完晚飯，橫掂時間尚早，大家話不如搵個地方再傾過，諗咗一陣子，最後去咗「松記糖水」。話曬食糖水，大家見到個MENU就好自然地好開心咁揀下食乜，左揀右揀，心大心細，樣樣都想食。我朋友個仔一坐下即刻話要食朱古力雪糕，結果朋友個仔叫咗「Summer」即係朱古力加芒果雪糕球加生菓加2條百加支。我見碗甜品都有好多好大件生菓，$34蚊算OK。而我朋友叫咗碗熱嘅「海底椰紫米露」，佢都話唔太甜，OK好味。而我梗係叫咗我超LIKE嘅「心太軟加芒果雪糕」，其實雪糕係有我得揀味道，有芒果，曲奇，草莓，朱古力同雲呢拿，5種口味。不過我覺得我個件心太軟個SIZE細咗啲，而味道方面，都係不是太甜。總括來說，個日埋單都係＄103，唔洗加一，價錢都都合唔，當然係銅鑼灣來說。

看著餐牌上推薦的「咖啡木糠布甸」便點了一客。咖啡木糠布甸 $21馬利餅都壓得碎碎的，馬利餅的香滑如粉末，十分滿意。夾著一層一層的冰凍涼透心的咖啡雪糕，只是奶香味略淡。夏日來個涼快甜品，吃一下便滿心歡喜。只是它的份量好輕盈，只為過過甜品癮的女生吃一個便足夠。咖啡木糠布甸上枱時，我立馬下單多要一碗海底椰紫米露。海底椰紫米露 $30海底椰有滋陰潤肺、除燥清熱、潤肺止咳等的功用，喝甜湯也可以很健康。(嘻~)海底椰清爽，本來煙韌的紫米煮久了，有點軟林。上層還加了椰奶，香味十足，就是紫米太軟，讓這碗糖水變得太可惜。一整碗的海底椰和紫米露，吃下一整碗，人就飽得跟吃完飯一樣，飽腹感十足！