平成二十二日本料理 (已結業)

今日成班同學聚舊，班麻甩話要食好食日本放題，我依個肥佬咪一齊顛吓啦！打開《xx男女》話依間好介紹，咪試吓囉！原來依間小店喺山林道已經有好多年歷史，主打新鮮食材！主打菜式包括《6吋特大甘海老》、《日本油甘魚》同《北海道帶子》！食得放題咁緊喺乜都試吓，但依三種主打一定有試！《6吋特大甘海老》真喺超大隻，同我的手差唔多大！而且肉質彈牙，非常新鮮！而且差唔多每隻都好多糕！食落真喺啖啖肉，又爽口！《日本油甘魚》同《北海道帶子》冇個別影到相，但食落都喺有種好新鮮，肉質彈牙！食到食材嘅原味！完全打破對日本放題平的觀念！其實今晚真喺食咗好多嘢，真係數都數唔哂，而且好嘢叫咗好幾次！有啲重點欣賞喺佢哋嘅燒物，即叫即做，而且每件都用心製作，每次加咗少許海鹽吊味！燒物當中我自己最欣賞喺《鹽燒雞翼》、《鹽燒海蝦》同《羊鞍》！如果鍾意食羊嘅朋友，一定要試吓！火鍋方面，我自己最欣賞喺《特選肥牛》同《日本黑豚肉》，依到嘅肥牛雖然同其他火鍋店嘅本地肥牛，口感同味道都頗唔同！但血味冇咁重，食落唔覺得上火！打邊爐真喺好少叫豬肉，一來印象會太肥，攪到成煲油，二來太難咬！但依到嘅《日本黑豚肉》，切得好薄，容易煮熟，而且唔會太肥

最好朋友生日，佢欽點嚟呢度食，我地幾個想瘦身嘅姊妹，捨命陪淑女~ 本來以為好難Book位，但好友很容易就book到，而且7點半呢一輪仲無乜野人，係8點半後先開始漸漸多人，我地有成大半時間都坐得相當舒服。一坐低侍應生已送了一板海膽刺身給我們，原來惠顧4人就有~ 而且很好吃，不太腥~ 如果可以提供wasabi就好~ 不過就蘸鼔油也不錯~ 話說其中一位好朋友K，話呢個粟米天婦羅好得意，睇個樣真係同蕃薯無異，但食落真係好特意，一片切好了的粟米，竟炸得這麼甘甜~ 哈~ 有趣~ 最重要我從來沒有到日本食店的放題有粟米天婦羅吃~ 推介這個高湯素翅真的好吃，濃濃的高湯，也有可見的素翅，雖然素翅不是什麼貴價材料，但沒有放題店把這個放進菜單，上次來的時候還售罊，所以大家真的要快點! 這個五目炒什菜和炸雞軟骨沒什麼特別，只是想一提炸雞軟骨沒有提供檸檬失色不少~這個蒜片牛肋骨肉值得一點再點，牛肋骨肉充滿牛香味，入口即散發出來，而且薄薄的很好吃。刺身方面，雖然這店因為周年紀念而推出巨蝦，可惜真的太巨了，我吃了一隻已不想再吃第二隻，螺刺身其實可以像其他放題店，用大螺切粒，總好過以東風螺造型出嚟....感覺像東風螺