千賀水產 (已結業)

由鑽石山出發，坐左大約一個鐘頭車程，到朗屏站行左十分鐘路程都唔算難搵。可能卜得早，5:00pm都唔算多人，有6-7圍入左座，座位都坐得舒服。野食方面，全部野食都算普通，比較好食嘅算係芝麻雞翼，海鮮都算新鮮，隻蝦仲識郁。但其他炸物，例如雞軟骨、雞扒都唔係咁好食，壽司都一般，臨走我仲叫左個海膽粥，都ok既。今次食得太飽有一個芝士麵想食都食唔落，出面仲有個夾糖位，可以比人夾完攞走，我哋選擇5:00-7:00 時段$238 ，但未到7:00點d職員不斷咁收野，堅睇得出想趕你走🤣🤣所以我頭也不回就走了。一個字瀟灑。（好似係三個字）

慶祝好朋友生日，梗係食放題啦 盡情豪飲豪食！ 放題，梗係要講攻略篇啦！ 呢間餐廳特別在主打水產磯燒， 即係bbq海鮮，我至愛。一坐低，先嚟水產拼盤。每枱有一盤， 分量因人數而定，我哋兩個人，所以每樣兩件。 大蝦、鮑魚、扇貝、蚌…… 真係好正！ 大蝦有木筷子咁長 真係啖啖肉！ 放題紙有得再reorder㗎， 計下計下 我總共食咗10隻大蝦。 提一提，食磯燒海鮮記得落啲鹽提味。又係嗰句，放題唔食粉麵飯係原則！ 但係佢個海膽粥最真係好正 上湯煮滾後放飯，再滾後放 蝦膏同海膽，最後放生雞蛋， 真係超好食。 食放題，粥都要reorder，真係唔講得笑其他必食推介刺身榮螺象拔蚌帶子，必食！網燒牛，好濃牛肉味，好juicy麻辣花螺，辣味就好微，但係個醬汁好好味露筍牛肉卷， 牛肉juicy蘆筍爽脆，good match磯燒粟米，好香甜，記得落少少鹽提味磯燒菠蘿，食開燒菠蘿嘅都知係無敵呀蝦天婦羅，上枱嘅時候記得即食，皮薄餡靚薑燒豚肉，唔會一陣猪嘅騷味，好淋肉汁好夠鰻魚壽司、帶子壽司、仲有香芒吉列蝦蟹卷，必食！飲品方面好多選擇，最驚喜有呢隻apple cider！ 淡淡嘅酒味、濃濃嘅蘋果味啱曬女士。甜品都