鰹烏冬 (寶華閣)

營業中

休息中

近日聽聞鰹烏冬係長沙灣開左鋪，一直想試下香港既手做烏冬有幾好食，所以上個周日特登揸車去試下。可能係星期日既關係，下午1點去到都有6、7個排緊隊，小店入面得3-4枱倒，所以都等左半個鐘左右。鰹魚清湯烏冬素聞佢地既湯係搵鰹魚乾自己煲，飲落亦同坊間搵粉沖既順口好多，清湯比濃湯更易入口，飲多幾淡都唔覺口乾海苔冷烏冬食烏冬如果想食佢既質地，一定係食冷烏冬！因為冷縮熱漲既關係，冷烏冬一定會比熱烏冬有口感。鰹烏冬既冷烏冬亦唔列外，佢既麵條比熱烏冬幼身，更能沾上更多既湯汁，入口亦十分煙韌，非常推薦

今日Lunch同事提議去試下依間日式烏冬，一入到去真係好似置身係日本一樣，食客坐住高櫈圍住吧檯，真係別有一番風味！知道老闆係去左日本拜師學藝，所以對佢地既烏冬好期待！咁我嗌左海苔味既冷烏冬，一上菜就見到草綠色既幼烏冬，食落又唔太覺有海苔味，咬落彈牙同煙韌，加埋混左芥末既鰹魚醬汁，食落都好開胃，但又未去到好好食，反而同事嗌既天婦羅雞件同關冬煮就好有驚喜，天婦羅雞件既天婦羅粉炸得好薄好薄，咬落好脆，重點係入面既雞肉鮮嫩多汁，調味亦都做得好好，超級推介！關東煮亦煮得好入味，見到廚師好細心切走白蘿蔔既邊邊，令到白蘿蔔煮既時候更加入味，食落夠腍身同好有本身既甜味。

前排係網上面發現到呢間烏冬專門店！聽講師傅專程遠赴日本學藝 再係香港開店 本身只有觀塘一店 今年更加係荔枝角開左分店！身為烏冬狂迷 點可以唔試下佢！店裡面既座位唔多 得十個位左右 環境雖細 唔知佢既食物質素又係點呢選擇左海苔掛烏冬 烏冬放左係個盤入面 附上醬汁 芝 麻 蔥 就咁食個烏冬 係淡淡既海苔味 唔會特別濃 點埋甜甜地掛烏冬汁一齊食就會蓋過左浸海苔味 烏冬口感彈牙又勁嚥韌 軟硬適中果然係自家製！而關東煮🍢就唔算特別地出色 不過都幾多料 有蘿蔔 椰菜卷 竹輪 雞蛋 蒟蒻 味道都ok但為左佢既烏冬我會再黎