麻痺英

營業中

休息中

呢間麻痺英前身叫麻痺雞，以前成日同朋友係附近打完波都會過黎食飯，但自從搬走左之後就好少過黎食，今次都係黎到之後先知原來轉左名做麻痺英。呢度嘅任食雞煲的確係好抵，只要百零蚊就可以任飲任食，岩晒一大班朋友過黎聚舊。今次叫左蔥油雞煲做底，雞肉同醬汁份量都幾多，食完雞煲之後就可以叫店員加湯打邊爐，雖然店員人數少，但估唔到服務幾好。即炸響鈴脆卜卜，可以點泰式辣汁即食又可以落去滾兩滾先食，而且份量都幾大。半打海蝦好新鮮，雖然唔大但肉質好彈牙。而其他配料都不過不失，係任食打邊爐嘅質素，整體黎講係性價比高嘅。

大埔街坊無人不曉的麻痺英，主打平價雞煲任食，一個價錢雞煲配料任叫！而且服務態度好好！是日假日位置全滿，不想等位可以先打電話留位。今日點的是麻痺雞海鮮煲，$188一位，任點任飲。飲品選擇頗多，醬料同樣自取！雞煲點了中辣，個人認為比較惹味，雞件好大件，啖啖肉。麻痺雞最出色就是個醬汁！海鮮無揸流攤，有廣島蠔、大魷魚圈、青口非常大隻！剩食完雞煲已經飽了6成任叫配料方面，有手拍青瓜、涼拌皮蛋等，味道都好不錯！食完雞煲同請店員加湯，我中意先落少少湯，保持雞煲醬汁濃一點。餐單上有自費配料，安格斯肥牛例牌都好大碟，夠2,3個人食，海蝦半打$58，肉質彈牙，質素都唔錯。其他配料方面都算多選擇，例如鯇魚腩都有得選擇，而且好新鮮！$188任食真的無得輸。其他火鍋配料質素都好ok，蔬菜方面都新鮮，但任食的肥牛略嫌肥膏太多，喜愛吃牛的朋友反而可一試安格斯肥牛

呢間雞煲係大埔都幾出名噶😋有好多街坊幫襯！今日order佐佢地既招牌麻痺雞煲😍😍嗌佐小辣only，對於食辣唔係好叻既我覺得可以嗌中小辣挑戰下😳應該更濃味！雞煲上台後要燜多陣先食，但望到流嗮口水🙂🙂🙂因為好香好香！雞既份量同fd兩個人食都夠食，要留肚食其他火鍋😳雞肉夠嫩～我個人幾中意食d配菜薯仔同埋瓜，索嗮d湯底好正！雞煲食得差唔多就加湯打邊爐😋我就重點推介啲必嗌既😍首先order佐手切安格斯肥牛一列，每片size切到差唔多厚度，一啖一片塞到成口都係肉😂👍我冇點醬油個d就咁食都好味，好重牛味同湯底好夾😋海蝦半打🦐每隻蝦都有三分二手掌大～鮮甜新鮮，唔係啲唔新鮮既養殖蝦～想推介自家製餃子同埋包心芝士丸😳餃子係韭菜餃😳皮薄餡多，呢期韭菜當季，唔錯👍包心芝士中間夾好多芝士煮既過程唔會流走嗮d芝士，必嗌～而野飲方面大概有12款野飲揀任飲😳我個人鍾意呢隻😍食完覺得，唔係冬天先啱食雞煲打邊爐既😏夏天食都別有一番風味😋😋