二少門 (已結業)

人氣濃蝦湯麵店，主打蝦湯麵及蝦汁撈麵，湯底每天用100公斤蝦頭熬製，絕對值得一試!!🦐🦐🦐- 海鮮濃蝦湯麵 HK$98 🦐🍜湯底濃郁，蝦味源源不絕，質地濃厚配埋彈牙手工麵條超掛湯!!配料有大大隻入晒味鮑魚及鮮味帆立貝，加上櫻花蝦乾及紫菜碎，鮮味湧埋黎!!- 牛寶寶蝦汁拌麵 HK$98 🐂🦐🍜同樣都有濃蝦湯底可以拌麵，而且仲加入蝦籽增添鮮味。滑嫩清湯牛腩肉同脂肪層次分明，慢煮牛肩胛肉味濃，同時食到蝦同牛味，超滿足!!- 自家製炸蝦角 HK$18 🥟🦐必試之選!蝦角外脆內鮮，蝦仲多過肉，超正!!

見旺角開左間湯麵店，今日同朋友經過，就諗住去試下，拌麵同濃蝦湯麵今次都有試到。牛寶寶蝦汁拌麵揀左冷拌麵，撈完蝦汁的拌麵幾好食，跟一小碗蝦湯，撈埋落麵更香更濃，冷麵好有彈性，拌麵入面有牛肩胛肉、牛腩，配料有溏心蛋，紫菜碎，好豐富、好飽足。自家製炸蝦角外層炸得很脆，饀料足，蝦肉粒幾大，很有底氣。海鮮濃蝦湯麵新鮮熬製濃郁湯底，放左足料蝦頭精華，鮮味極致。配料有溏心蛋，帆立貝，份量比想像中多，十分足料，加上彈牙手工麵，十分讚🥰

沿住掃街條街向落行,, 過左好景直行好快到~估唔到掃街位都有間拉麵店香烤雞卷蝦汁拌麵 $88+1雞卷啖啖肉, 而且仲保持到香脆外皮, 好好味麵底本身有D 打蓉左嘅蝦汁, 因為冷面底所以有D 難撈有埋旁邊個蝦湯就稍為溝淡左少少味道面頭D 紫菜太多, 令到個味少少變左紫菜拌麵建議加哂佢比個蝦湯加強反個蝦味海鮮濃蝦湯麵 $98+1今次我地食就無青口, 不過有鮑魚, 帆立貝同蛋湯清得黎夠濃蝦味, 唔會咸到乾喉, 面質比拌麵掛湯再黎嘅話點叫湯麵好過拌麵重點係跟餐+$18 有小食同飲品我地叫左炸蝦角 同 霸氣玉油柑炸蝦角好大舊, 皮薄餡靚, 蝦膠好彈牙, 如果有個甜酸汁點埋就天衣無縫啦~不過呢個霸氣玉油柑飲落似楊桃汁, 都幾大杯,唔伏嘅但無柑味😂我地飲到咁上下先影Overall 我覺得可以一試如果隔離一生懸X 排長龍, 呢個價位比D 送都唔差而且個湯好飲有味我weekend 1400 去到一入就有位

呢間餐廳主打各款自家製足料湯麵同拌麵🍜其中招牌海鮮濃蝦湯更係每日新鮮用上100公斤蝦頭，連同其他海鮮慢火熬製🦐💗海鮮濃蝦湯麵($98)海鮮濃蝦湯濃郁充滿鮮蝦鮮甜味，配上扁身手工麵，配料則是有大大隻帆立貝、原隻鮑魚、櫻花蝦、溏心蛋、雞蛋絲、紫菜🦐💗自家製炸蝦角 (+$18/ 2件)炸蝦角炸得金黃酥脆，蝦肉餡滿滿漲卜卜🥟💗鹽水鴨配清燉鴨湯 ($98)清燉鴨湯以鴨髀清燉六至八小時，湯底較清淡帶淡淡鴨肉香，湯麵加上原隻鴨髀、溏心蛋、雞蛋絲、紫菜🍗💗椒麻鮮螺片 ($48)薄切鮮螺片爽口彈牙，加上椒麻油增添麻香，吊出螺片鮮味🐚

召集海鮮控，最近行街經過登打士街附近開左間主打濃蝦湯麵既餐廳，見佢地有湯麵，有小食所以決定一試♥️味道有驚無險海鮮濃蝦湯麵 $98 黎到必食！其湯底用左成1.5公斤蝦肉製作、超足料味，面頭有好多海鮮，除左櫻花蝦之外仲有鮑魚、帆立貝，吸收湯汁更惹味鹽水鴨蝦汁拌麵 $88 拌麵佢地有冷拌/熱拌，鹽水雞大家食得多，鹽水鴨比較少見，蝦汁同樣香濃，值得一試自家製炸蝦角 4粒 $38 脆炸豬手 4粒 $38佢地仲有幾多小食選擇，炸蝦角彈牙足料，豬手新充滿骨膠原很美味，外皮香脆炸粉不會太厚

這間新開的米線店位於旺角，鄰近廣東醫院，主打台灣麵線。招牌湯頭「濃蝦湯」每天自家新鮮熬製，每碗有著1.5公斤的蝦頭精華，忍不住喝清光。 菜單方面，有招牌、湯麵及拌麵三大系列，可以優惠價$18加配小食及指定飲品，亦可再加錢升級飲品。 海鮮濃蝦湯麵 - $98 濃稠的蝦湯頭很清澈，散發著蝦頭膏的甘香，鮮而不膩。原隻鮮鮑魚厚肉又爽身，有著濃郁的鮑味及鮮甜；兩隻雪白的帆立貝爽滑彈牙，有爽脆的裙邊及軟糯的月牙；煙韌彈牙的米線有著不同的粗幼麵條，特別有口感又掛汁，更有大量櫻花蝦、蛋絲、木耳絲和半邊滑溜的溏心蛋。 牛寶寶濃湯麵 - $88 半肥瘦的清湯牛腩，適量的油脂脂香味很突出，腩肉鬆軟多汁，牛味亦很濃郁；慢煮牛肩胛厚實卻又軟嫩，脂肪含量適中；同樣有蛋絲、木耳絲及溏心蛋。 脆炸豬手粒 +$18 金黃酥脆的炸豬手粒，黏著骨頭的骨膠原及豬肉，特別軟嫩富彈性。 自家製炸蝦角 +$18 酥而不膩的蝦角很飽滿，包著結實彈牙的蝦膠及鮮蝦肉，蝦味十足， 椒麻鮮螺片 - $48 一片片薄切的鮮螺片份量十足，肉質脆嫩帶美味的鮮甜，還有少少辛香刺激的椒麻味，底部更有木耳絲。 哈蜜瓜梳打 +$2 青蘋果梳打 +$2 充

最近黎左二少門 食dinner，餐廳主打濃蝦湯麵，另外仲有幾款唔同既湯麵同埋拌麵，價錢實惠，小食炸物都好唔錯👍宜家仲有限量半價優惠食海鮮濃蝦湯麵1⃣️海鮮濃蝦湯麵（$98） 蝦湯由店鋪每日新鮮熬製，每碗足料用左1.5公斤蝦頭精華，鮮味十足😋配料竟然仲有鮑魚！另外麵係有質感既手工麵～配上蛋絲、紫菜碎、溏心蛋、帆立貝，性價比好高！  2⃣️牛寶寶蝦汁拌麵（$98） 呢款拌麵都好好食！本身已經有啲蝦汁係面，另外仲跟左一碗仔蝦湯，可以再加啲落去拌麵，蝦味更加鮮濃～拌麵可以揀冷拌或者熱拌，冷拌感覺麵更加有彈性。配料一樣有蛋絲、紫菜碎、溏心蛋，另外有兩款牛，粉嫩既牛肩胛加清湯牛腩，每樣都有兩片。  3⃣️脆炸雞塊（跟餐+$18） 有三件，脆卜卜配上沙律醬👍  4⃣️自家製炸蝦角（跟餐+$18） 兩大件，入面食到粒粒蝦肉🦐  5⃣️二少滷肉飯（$38） 滷肉飯係半肥瘦既，感覺正宗，仲有跟溏心蛋。  6⃣️椒麻鮮螺片（$48） 酸麻風味，螺片薄片7⃣️霸氣玉油柑（跟餐+$3）   8⃣️水蜜桃綠茶（跟餐+$2）