Sixer Burger (已結業)

今日出到荃灣尋找漢堡而且仲有炸物添，當然是在openrice查過，評分唔底先去試啦。先到的水蜜桃荔枝沙冰都幾好飲，天氣熱，飲一啖涼晒，而且好濃水果味，仲要飲又得食又得之後是炸籃，新鮮熱辣，十分脆口，不過，不論蠔，蝦，魚都係無味，不過又不過，無雪味都已經好好，所以一定要點沙律醬同茄醬。漢堡到，其實個漢堡係幾好食的，不過，個漢堡扒有 碎骨，而且不同食開的漢堡扒一樣，這個漢堡肉不是全攪碎的，感覺是將薄切肥牛壓成漢堡一樣，所以感覺怪怪的，不過有新鮮感。而周打蜆湯唔錯，係d薯仔大粒左d。百幾元一個人頭，價錢偏貴，味道一般，不過勝在即叫即做，熱辣辣上枱。

荃灣越黎越多漢堡店，身為漢堡控既我， 最希望可以試晒所有既店第一站就試下呢間商場開業不久既店先，聽聞呢度最出名龍蝦漢堡，不過價錢太貴，都係吃住其他先.....夏天熱辣辣，當然要嗌杯飲品消下暑啦~咁啱見到有沙冰，水蜜桃荔枝或藍莓菠蘿沙冰，最後大家決定齊齊試下呢杯藍莓菠蘿沙冰...不過飲唔到菠蘿味，酸酸甜甜咁，又幾開胃~~飲完野，當然要醫肚啦，叫個小食吃住先，海鮮炸籃！有炸蝦、蠔、魚柳、薯條...熱辣辣送上枱，不過略嫌個炸粉有d厚藍青口卡邦尼意粉~~吃漢堡前都要吃返個意粉先...除左藍青口無味之外，其他無乜特別...最後出場既主角啡菇芝士漢堡同珍寶牛肉煙肉蛋漢堡~~一上枱已經吸引大家眼光，個個都拎定電話出黎相機食先~~~影完靚靚相，問待應可否幫我地切開，待應好好幫我地拎入廚房切開一半，咁就方便我地4個女仔分啦...味道方便，啡菇芝士漢堡比珍寶牛肉煙肉蛋漢堡優勝，珍寶牛肉煙肉蛋漢堡太多料，吃到有點狼狽，而且吃左少少已經過得好膩... 相反啡菇芝士漢堡就啱啱好，材料少，容易放入口，而且啡菇又淋又入味整體都唔錯，店員有禮，有問有答。地方雖少，但較寧靜。食物種類唔會單一化，適合朋友吃飯傾計...

今日同屋企人去荃灣行街，行咗一日街。見到一間唔起眼嘅漢堡包舖，諗住入去坐一陣。望下個餐牌好多嘢食，就決定坐低食晚餐。 今日行到好攰，要食豪啲。 叫咗一份“海鮮炸籃”裏面有炸蝦、酥炸生蠔、炸魚柳同埋超級好食嘅炸薯條，再來一個龍蝦牛肉漢堡配香草忌廉檸檬汁加18蚊轉餐有炸薯條同嘢飲。炸蝦鬆脆，生蠔好juicy，連埋啲炸魚都好新鮮，炸得啱啱好，無油冧冧嘅感覺，還有不可以不提係炸薯條，超級好食，微微帶有鹹香味，炸得特別鬆脆，連家中長者都讚個不停。龍蝦漢堡有原隻龍蝦尾，新鮮彈牙，又厚肉，一定要用刀叉品嚐， 牛肉漢堡啲肉汁從口角流出，非常多汁， 連啲配菜都好新鮮，令你食個不停。

又一次遇到難題，食巨型或多層漢堡大家有無建議食法呢？哈哈而我都係用拆解既方法，一層一層拆開分開品嚐，又可以試清楚分別既味道。呢度既漢堡大部分價錢都相差唔遠，分別只係放既食材有唔同，大家可以考慮自己想食邊款而叫，仲可以係base加錢配其他食材，而我見當日都唔少人食既龍蝦漢堡。自己叫左珍寶牛肉煙肉蛋漢堡，有種高高在上既感覺，加埋大概有十層，可能堆疊放會太高關係，有一層牛肉要分開位放。而我都由麵包同牛肉開始食，漢堡牛肉好有口感比較鬆軟，另外咬落有少少肉汁流出，加埋醬汁覆蓋整塊漢堡，味道配合都好好。之後食主體，太陽蛋一切流晒出黎，再下層煙肉唔太油膩，好快又會見另一塊漢堡牛肉，洋蔥同蕃茄都好爽口。加$18多個沙律菜同飲品，都唔貴。另外，我媽媽一坐低就已經話想食龍蝦牛肉漢堡，其實我估佢係食唔晒，但佢都堅持想加薯條因爲有連飲品，睇見實物原來係原只大龍蝦，眼見份量都幾多，我只好幫下手食的。龍蝦味十足再加上都有的厚度，個種啖啖肉口感好正，而醬汁係配上忌廉檸檬汁都好特別，大家值得一試。薯條大條比較粗身，外脆內軟配茄汁呢種絕配都唔需要我多講。海鮮炸籃有蠔、蝦、魚柳同薯條炸到卜卜脆，尤愛炸蠔，一咬開入面熱辣辣

今日和朋友往荃灣sixer burger食dinner, 我點了蒲燒鰻魚漢堡, 凍朱古力咖啡和海鮮炸籃(炸魚, 炸蝦、炸蠔和薯條) 。蒲燒鰻魚漢堡很特別, 好少見用鰻魚製成漢堡, 鰻魚好鮮甜好嫩, 鰻魚汁醬汁香濃, 配菜有生菜和蕃茄, 生菜新鮮爽口, 蕃茄鮮甜開胃, 漢堡面包包底和包面咬落鬆軟香脆, 美味的蒲燒鰻魚漢堡；海鮮炸籃有炸蠔, 炸蝦、炸魚和薯條, 炸蠔好新鮮鮮甜, 咬落去有熱辣辣蠔汁流出, 食落鮮甜爽口；炸蝦炸得金黃, 食落新鮮彈牙, 好爽脆；炸魚肉質鮮嫩, 食落去啖啖肉,, 十分鮮甜；炸薯條炸得剛剛好, 食落好爽口惹味, 佐酒一流的海鮮炸籃；凍朱古力咖啡,咖啡味好滑, 朱古力味道香濃, 好好飲的咖啡。餐廳食物美味,尤其是蒲燒鰻魚漢堡, 很有特色的漢堡, 而且食物價錢, 值得三五知己相聚好地方。