家家戶戶

營業中

休息中

食韓國野當然要去金巴利街 系韓國料理集中地 而家家戶戶系韓國人主理 有多款韓式料理 味道正宗✌🏼🍛 韓式雞肉石頭飯 $99熱辣辣既石鍋 上枱時吱吱聲 仲好香tim入面既配料同傳統一樣 有芽菜 泡菜 菠菜 雞肉 醃蘿蔔絲 蛋 當然吾少得甜辣醬啦😜雞肉都幾滑🍜 海鮮炸醬撈麵 $109醬汁鹹香 有魷魚 蜆 蝦仁又有韓式餃子做小食除左醃菜 仲有海帶湯同益力多😂💭餐廳環境舒適 格調有啲似韓劇啲餐廳咁😊

今日跟🐧🐧 buddy 到訪韓國街，試下依間傳統氣息甚濃嘅韓國菜餐廳❤️ 餐廳內裡裝修充滿韓國傳統家庭嘅特色，環境舒適令人放鬆，令人好似到韓國家庭做客一般，一邊感受風味十足嘅環境，一邊享用地道韓國菜，超級正🌟 餐廳提供多款配搭嘅套餐組合，非常有誠意😍 今次我哋就㨂咗一份韓式牛肉石頭飯，同埋海鮮炸醬撈麵🫶 牛肉石頭飯連原個熱辣辣嘅石鍋上枱，送上時散發著陣陣嘅焦香，超級邪惡誘人🤤 拌飯內含多款經典韓式配菜，包括泡菜、芽菜、雞蛋等等，連辣醬一起攪勻食用，口感滋味豐盈，鹹香帶辣非常過癮😘 海鮮炸醬麵好大碟份量十足👍 麵條彈牙軟硬適中，每條都沾滿濃郁嘅醬汁，非常惹味❤️ 配搭嘅海鮮有蜆肉、蝦仔、魷魚等等，令炸醬麵多添一份鮮美🤩 跟炸醬麵套餐附送兩隻炸韓式餃子，外脆內嫩非常可口🫶❤️

星期六同老公到尖沙咀家家戶戶食晚餐。餐廳環境舒適，好似係韓國屋企食韓國正宗家常菜甘，menu有好多套餐可以揀。牛肉鍋套餐有四款前菜: 泡菜、魚糕片、蓮藕、韮菜，跟白飯、韓國益力多。韓國益力多飲落冇咁甜，好少機會有得飲。牛肉鍋材料豐富，有好多碎牛肉、粉絲、年糕片、椰菜，越食越鹹香，送飯就最啱，份量多到食極都仲有。海鮮炸醬撈麵炸醬麵前菜有海帶湯、炸粉絲餃子、泡菜、醃蘿蔔。炸醬麵份量都超級多，海鮮主要係細隻嘅蝦同魷魚，食完超級飽肚，重口味人士必揀。

呢間裝修簡約，好似去左韓國家庭咁，餐牌選擇多，有多款套餐組合。🍜海鮮炸醬撈麵 $119炸醬個味同韓國朋友整嘅一樣，有家的味道。炸醬撈麵好大碟，食到有唔同嘅海鮮粒粒，麵有啲似手打烏冬。套餐有紫菜湯，炸餃子，前菜。🥟餃子年糕湯 鐘意湯年糕嘅軟熟，配上簡單好味紫菜蛋花湯，仲有一口餃子，好有回家的感覺~套餐有4款前菜，最鐘意韭菜同豆腐。💬呢間平日晚嚟食都好多人，有時都要等下位。店員都係外國人，英語交談。

晚飯時間黎到尖沙咀韓國街 間間鋪都大排長龍🚶🏻‍♀️🚶🏻‍♂️今次排既依間係巷尾 翻枱好快 排左大概半個鐘就有得食!餐廳內外裝潢都好似置身於韓劇屋企咁warm🏠環境舒適 享受韓國家庭式料理🇰🇷✿ 泡菜豬肉鍋 (套餐) $109 ✿套餐有前菜 泡菜等漬物 泡菜係偏酸個種~泡菜湯酸酸辣辣 好送飯~✿ 海鮮炸醬撈麵 (套餐) $119 ✿套餐前菜除左泡菜 仲有蘿蔔同煎餃子🥟海鮮有魷魚仔、章魚粒、蜆、同蝦仁 種類好多~每條麵條都掛晒汁🫢雖然套餐唔包野飲 但會送細細支益力多🤣都幾過癮

🐙海鮮炸醬撈麵 Seafood Jjajangmyun $109🌟🌟🌟海鮮種類豐富 有魷魚、章魚粒、蜆、超細粒嘅蝦蔬菜方面有紅蘿蔔絲、椰菜絲同洋蔥粒麵條欠缺彈牙嘅口感 有好重麵粉味但每一條麵條都掛滿醬汁韓式牛肉炒粉絲 Bulgogi Japchae $88🌟🌟🌟🌟面層由一大堆椰菜、菠菜同紅蘿蔔絲覆蓋住粉絲炒得好香甜入味 但係粉絲份量有啲少牛肉份量都幾多 可以一啖粉絲一啖肉芝士炒年糕 Cheese Tteokbokki $79🌟🌟🌟明明叫咗唔要辣 但最後出嚟都係辣嘅🥵🌶️面層有一塊車打芝士 無拉絲年糕大大條煙韌結實 有咬口 需要反覆咀嚼除咗年糕之外 仲有好多椰菜同紅蘿蔔絲醬汁甜辣香濃 適合嗜辣人士😋外面的紅磚牆令間餐廳變得好溫暖 有家嘅感覺 室內的二人餐桌較細 放三碟餸/兩個餐就放滿食物並非由韓國人親自料理 所以有種非正宗韓國菜的感覺

Weekend 黎尖沙咀有野做， 去韓國街食brunch，見到呢間好多人食就入去試下。由裝潢到擺盤都滲透著韓國嘅味道。2邊特色牆，上面仲有層架佈置小屋玩具&擺設， 環境溫暖舒適，享受韓國家庭式料理。menu 有多款套餐選擇，配菜可算係韓國餐嘅靈魂！♡韓式牛肉石鍋飯 $109熱辣辣上枱， 忍唔住即刻撈起隻蛋。另配紫菜湯、泡菜、韭菜、青椒、蘿蔔薯仔。飯焦真係好好食， 焦脆香口，韓國版煲仔飯～♡海鮮炸醬撈麵 $119有好多八爪魚， 令口感更豐富，呢個餐嘅配菜有少少分別， 醃蘿蔔嘅酸爽解炸醬麵嘅甜膩，不得不讚旁邊的2隻煎餃， 雖然唔係肉餃， 但煎得好香好好味！

去左間家家戶戶！放工又去左一間韓國菜食飯、我比較中意食韓國菜、特別係海鮮湯類、有湯🤣、加埋特別中意佢地的泡菜😉牛肉味未太出眾、反面海鮮味更為出色、麻麻辣辣的口感、而且有菜比較多、本人較為喜愛食菜🤣炸醬出色、不會死鹹、麵質還可以、一般般、不過佢的醃蘿蔔較為好吃、甜甜酸酸的口感