李家 (山林道)

營業中

休息中

之前見到呢間韓國餐廳有好好嘅Review，又咁啱有八八折，就約咗啲朋友嚟食吓。佢地方比較細，所以啲卡位都拼得幾埋。可能因為坐我哋後邊嗰個人啱啱食完煙，所以食嘢嘅時候聞到少少煙味不過佢哋嘅water服務態度非常好，都幾容易搵到侍應嚟落order。佢哋嘅餐份量非常好，我好鍾意食韓國炸雞，就叫咗個蜜糖蒜蓉炸雞。有成隻雞喺裏面，同埋佢啲料落得好足有好多蜜糖喺隻雞上邊。我哋仲叫咗個牛仔骨，醃得幾好食，同埋啲牛肉嘅肉質都好好！最後我哋仲叫咗一個海鮮炸醬麵添。冇諗過佢真係有咁多海鮮喺上邊，又係一個落足料嘅食物，真係幾好食。非常推介呢間韓國餐廳，第時一定會再同啲朋友嚟食飯。佢真係非常抵食同埋好食嘅韓國餐廳，我哋四個人叫咗三碟餸都非常夠飽！

五花腩係最好味，炸醬麵好滑，但唔夠咸，偏淡，冇附黃蘿蔔，但本身開飯就有白蘿蔔。炸雞都好味，雞肉唔算嫩，但可接受。價錢都貴貴地，不過碟頭大，多啲人食會抵啲，我哋兩個人就食淨要打包了。

⤫ 無骨半半炸雞 (原味+甜辣) boneless original + sweet & spicy chicken $188⤫ 海鮮炸醬麵 seafood black bean paste noodles $198 呢間韓國餐廳素來以炸雞出名，bookmark咗一段時間終於嚟試。餐廳位置唔係太就腳但係都易搵嘅，當日大概3點左右去到，得我哋一檯客，依家市道真係好差。講返嘢食，我哋叫咗2樣嘢。半半炸雞脆得嚟唔會好油，確實係炸得唔錯，不過原味雞其實無乜味，好在甜辣醬比得超多，點住食整體味道都唔錯。海鮮炸醬麵一樣係超多醬，亦都有好多海鮮，有魷魚、墨魚同埋蝦。以前喺韓國嘅中華料理店食過一次韓式炸醬麵，感覺今次食呢個啱口味過以前喺韓國食到嘅。雖然食物嘅定價比較高，但係食物嚟到都超大份，淨係個麵感覺都有2個半麵餅。我哋兩隻大食怪最後都係勉強食得晒啲炸雞，麵始終都係淨咗啲。正常食量嘅話夠晒3個甚至係4個食。大家嚟食可以問清楚份量先，費時晒嘢。Overall味道唔錯，如果鍾意多汁嘅話就啱晒添啊。A quite famous Korean restaurant in Hong Kong with qui

我第一次食李家嘅時候，仲喺韓國街而家已經搬咗去山林道一排啦不過佢啲炸雞水準仍然係我心目中頭三名分量同樣係令人有驚喜🤭🤭🤭室內環境都舒服，仲keep 住播kpop mv 😍😍😍半半炸雞🍗（無骨）Honey Garlic蜂蜜蒜蓉味道：🌕🌕🌕🌕🌗評價：面頭已經有炸過嘅原粒蒜頭同埋剁碎好嘅蒜蓉，蒜味超出😍😍😍加上蜂蜜味道令人一啖又一啖咁食😌最後成盤食晒😂首先一讚嘅係嗰啲炸粉做得好好，令炸既時侯雞肉保持肉汁之餘亦保持外面脆卜卜。不過啲汁多左少少，食到底會濕左啲😂Corn-So-Amazing 粟米味味道：🌕🌕🌕🌕🌗評價：有粟米味嘅調味粉之餘，仲有粟米片同粟米本人🤣我第一時間就試食粟米😌冇諗過佢會炸雞同埋粟米一齊上碟。雖然話食咗幾次李家，但係我都係第一次食粟米味炸雞。Seafood black bean paste noodle 海鮮炸醬麵味道：🌕🌕🌕🌕🌗評價：突然之間好掛住韓國嘅味道，所以叫咗炸醬麵，份量驚人，兩個女仔食有啲多。不過佢有蝦，魷魚，細八爪魚仔…一碟超乎我想像😅

💕熊妹好耐都冇去韓國🇰🇷，都好耐冇食過韓國菜啦。講起韓國菜，《李家》的炸雞絕對係數一數二出名的炸雞店， 十個有八個都會食過。熊妹之前疫情時就食過外賣，反而未去過店鋪堂食。今日終於有時間同樹熊過嚟尖沙咀分店一試。📌原來尖沙咀分店由以前的金巴利道搬咗去山林道，能夠在食肆林立的山林道立足，店鋪肯定有一定份量啦。📌店舖唔算好大，以木板🧱裝潢為主，間出好多4-6人卡位，變成可以容納多啲食客，今次熊妹於假日下午時分到黎，都坐左好幾枱客。📌餐牌📋有各款大路韓國美食，首先有多款口味的招牌炸雞，韓國小食有辣炒年糕、芝士雞蛋卷同泡菜餅等等，另外當然唔少得韓國的經典主食韓式湯鍋、鐵板燒牛肉、豬肉，炒粉絲等等。前菜📌熊妹同樹熊一坐低，就有店員送上韓式前菜醃蘿蔔同埋沙律菜絲。醃蘿蔔做得好好超級爽口，酸甜適中，好開胃。沙律菜絲上面鋪上千島醬汁，酸酸地，食大餐前有菜疊下個胃，幾好。甜辣炸雞拼盤， $198首先熊妹梗係要試吓《李家》咁出名的炸雞啦。不嬲熊妹都覺得韓國炸雞入邊甜辣口味係最好味，因為甜辣醬同脆口的炸雞好夾，甜甜辣辣又有雞肉味，而且最能代表韓國風味。韓國炸雞多數都分有骨同無骨，甜辣炸雞拼盤就係包含雞中翼，雞

韓式party! 好耐冇食過韓國菜，難得同朋友喺屋企聚會，於是叫咗個六至八人套餐一齊share，外賣速遞熱辣辣，每樣食物都好好食、非常足料好大份！推介！希望下次有機會一齊堂食。歡聚自選6至8人套餐$1520- 套餐有得自選兩個炸雞口味，七款小食，仲有汽水，一定足夠八個人食！而且食物款式有好多，對於有選擇困難症嘅朋友來講會好煩惱。韓式炒粉絲- 我哋幾個一致都認為粉絲好好味，一啲都唔油膩，而且份量好足夠，有麻油香味。高度推介！魚餅湯- 魚餅湯相對偏鹹，湯入面有好多唔同種類嘅魚蛋，最鍾意入邊有好多芽菜仔，不過要小心，青辣椒粒都幾辣幾刺激㗎。全鰒蔘雞湯- 非常足料嘅鮑魚人蔘雞湯！新鮮鮑魚好大隻，不過我唔記得拎佢上嚟先影相，雞湯淡淡地，同糯米一齊食好夾。雞肉雞骨煲到好淋。無骨蜂蜜蒜蓉炸雞- 炸雞外層淋左，炸粉同雞肉分離，有淡淡地嘅蜂蜜味道，食唔到有蒜蓉味。雞肉肉質唔乾，唔錯。泡菜炒豬肉- 推介！無論每夾一次都會夾到豬肉片，豬肉片唔會太多肥膏，咬落去爽口，泡菜同豬肉片好夾，同粉絲、炸醬麵一齊食非常配合！海鮮炸醬麵- 炸醬麵比起炒粉絲遜色少少，味道較淡，不過份量搭救，我哋食得好開心。芝士辣雞炒年糕-