新沙洞大排檔 (大政街)

營業中

休息中

呢間韓國料理餐廳，係新沙洞澡堂 Coffee & Bar 嘅姊妹店，一開幕果陣我已經bookmark咗想去好耐，上星期終於有friend陪我去食 🤩新沙洞大排檔裝修非常之色彩繽紛 🌈🤩 喺度食嘢都零舍醒神 😁餐廳主打係招牌醬油拼盤及牛肋骨鍋，但因為朋友腸胃敏感，所以冇叫到醬油拼盤嚟食 🙂 但都見到其他檯都會叫嚟食，我諗應該都幾好味 🤔前菜都幾讚！呢度highlight一下有：粟米火腿薯蓉 🤩 暫時唔覺其他韓式餐廳有 (?) 薯蓉打得好綿滑😋仲有泡菜汁茄子 🍆、醃白籮蔔🥕、芽菜🥬、甜泡菜🌶️ 及 酸泡菜🌶️ 🍙 炸蝦芝士紫菜包飯卷 有：蛋絲、炸蝦、紅籮蔔、醃籮蔔、紫蘇葉及千島醬呢個飯卷唔覺漏，幾足料，有千島醬配炸蝦，食落口感覺就唔會乾身👌🥙 海鮮蔥煎餅煎得好香脆 🤩 配料比例多，魷魚粒非常彈牙，所以食落口唔覺粉👍🐂 宮廷燉牛肋骨鍋 (2-3人份)韓式菜我個人最鍾意就係牛肋骨鍋 😙個鍋嘅份量真係多，最好3個女仔share 😆4大件牛肋骨... 因為有其他嘢食嘛，我食咗一件已經ko咗 😂🙈牛肋骨煲到夠淋身，肉味好香濃 😋個鍋有好多大大舊紅白籮蔔，而湯底仲加咗紅棗同冬菇就非常清甜，真係好想撈飯食

🇭🇰✨大角嘴復古型格韓國大排檔🇰🇷色彩繽紛嘅霓紅燈飾、韓式油桶圓枱櫈🛢️仲唔係去咗韓國路邊大排檔？🤩畀 @foodcafealcoholic 燒到，咁啱朋友又想食醬油蟹但唔係好多餐廳有，所以一試！①新沙洞招牌醬油拼盤配紫菜拌飯🦀 $288🔹包括一隻醬油蟹、四隻醬油蝦、紫菜拌飯一碗🔹醬油蟹肉好鮮甜，好多膏，倒啲紫菜拌飯食落蟹殼，撈埋一齊食最正，每一啖都好食到蟹嘅鮮味！🦀🔹醬油蝦肉質鮮嫩彈牙，醬汁又香🦐🔹紫菜拌飯一上嚟，就聞到好香嘅芝麻同麻油味🤤剝哂醬油蟹同蝦啲肉出嚟，撈埋一齊食好夾🍙②新沙洞炸雞半份 - 柚子味🍗 $88🔹炸雞炸得啱啱好，入面充滿肉汁，配上酸酸甜甜嘅柚子醬汁，好開胃③海鮮蔥煎餅🥢 $108🔹煎餅好厚實，每啖都食到海鮮，配埋自製嘅醬料提升咗煎餅嘅味道④脆炸年糕配韓式辣醬🇰🇷 $68👉🏻年糕口感外脆內煙韌，淋上甜甜辣辣嘅韓式辣醬，好味😋⑤黑糖蜜黃豆粉麻糬刨冰 $68🔹香甜嘅黑糖蜜加上大量黃豆粉同煙韌嘅麻糬，夏天解暑一流！⑥招牌原粒蜂巢蜜米酒 (2人份) $98🔹米酒味道好濃烈，加入原粒嘅蜂巢令米酒更加易入口🫶🏻份量好多，適合邊傾偈、邊食嘢、邊飲酒🍻另外，恭喜佢哋係元朗開咗新分店

🎀 宮廷燉牛肋骨鍋套餐（宮廷燉牛肋骨鍋，海鮮葱煎餅，韓式炸醬麵，黑糖蜜黃豆粉麻薯刨冰）（$508）▫️ 宮廷燉牛肋骨鍋本身想嚟試醬油蟹但可惜賣曬 🫠，於是叫咗另一個牛肋骨套餐，估唔到都有驚喜 🤭。肉肉份量好多，肥瘦相間，墩得比較淋軟，另外仲有紅蘿蔔、白蘿蔔中和返咁多嘅肉肉，湯底加咗紅棗偏甜味。▫️ 海鮮蔥煎餅煎得比較焦，海鮮落得比較多，唔會食落好粉。▫️ 韓式炸醬麵肉肉、青瓜絲、洋蔥同煎蛋做配料，撈埋炸醬甜甜哋好惹味（成碗差唔多係我食曬 🤣）。▫️ 黑糖蜜黃豆粉麻薯刨冰份量都幾大，加咗煙韌嘅麻薯令刨冰更有咬口 🤪。✨ 新沙洞炸雞半份（甜辣味）（$88）無骨炸雞咬落比較方便，甜辣醬惹味 😝，份量都唔細。✨ 蔬菜紫菜飯卷（$68）偏淡味，比較清。✨ 肉桂鮮奶咖啡蜂巢特飲（$88）肉桂味幾突出，鮮奶咖啡本身冇咩甜味，但攪拌棍上面有一粒蜂巢，鮮奶咖啡倒落杯攪拌棍嘅蜂巢就會融到少少甜味出嚟，唔錯 🤪。·之前去過位於長沙灣嘅新沙洞澡堂覺得唔錯同幾有特色，於是今次就嚟到位於大角咀嘅分店。呢一間係以韓國大排檔為主題，Menu亦同長沙灣店有所不同。環境真係幾有風味同埋有唔少打卡位，鍾意影相應該會比較欣賞 🤭。整

新沙洞澡堂憑着獨一無二的韓國澡堂主題聲名大噪，上次到訪後與同行朋友評價甚佳，一致認為食物水準與環境兼備，最近更在大角咀開設姊妹店——新沙洞大排檔。作為一個土生土長的香港人對於大排檔固然瞭如指掌，倒是首次認識韓國大排檔，燈紅酒綠好不熱鬧，主題風格與新沙洞澡堂截然不同，但打卡擺設佈局卻不遑多讓。甜薯芝士條 ($58) 有如年糕一樣煙韌軟糯，內層包住番薯蓉綿密香甜。新沙洞招牌炸雞 ($88/半份) 有韓式甜辣、秘製蒜蓉醬油及韓式柚子三款，口味雖比新沙洞澡堂少但水準依舊，一如既往保持香脆，啖啖無骨雞肉嫩滑多汁，蒜蓉醬油兩者味道平分秋色並帶微甜。芝士熔岩韓式辣炒年糕雞鍋 ($288) 湯底辣中帶甜香濃惹味，雞肉肉質與炸雞如出一轍嫩滑鮮美，芝士名副其實有如熔岩一樣真材實料，不論配上雞肉抑或是年糕同樣有所昇華，味道更加豐富醇厚。海鮮蔥煎餅 ($108) 炸得通透令裡裡外外均如米通般乾脆，另一方面則令傳統應有的煙韌感蕩然無存，而當中只有少量魷魚，蔥香溫和適合搭配醬汁酸酸甜甜，個人認為如果可再調整一下火候及海鮮份量的話定必更上一層樓。宇治金時抹茶紅豆韓式刨冰甜品 ($78) 冰粒比較粗大而非如雪花冰般細